Mathaayo 13:35 - ÎVUKU RÎA ÛVORO MWARO

³⁵ Eekire ûguo nîguo maûndû mavingue marîa mûrathi aaririe akiuga atîrî: “Nie nîngaatûmîra ngerekano ngîmarîria, nîngaamera maûndû marîa mataanamenyekana kuuma rîrîa nthî yaûmbirwe.”

Mathaayo 13:35 ပူးပေါင်းရင်းမြစ်များ

Thaburi 49:4

Ngaathikagîrîria nthimo, na ndaarîrie ûrîa ciugîte ngîvûraga kînanda.

Thaburi 78:2

Nî mbaria namue na nthimo, maûndû marîa matwîre marî mathithe kuuma tene,

Isaia 42:9

Taroria maûndû marîa naarathire rîu nîmavingu. Rîu nîngûratha maûndû macerû, nîngwîra mo mbere ya mekîke.”

Amosi 3:7

Nama gûtirî ûndû Ngai-Mûnene Mwene Vinya wonthe ekaga, ataûguûrîrîtie arathi ndungata ciake.

Mathaayo 13:14

Kwoguo maûndû marîa mûrathi Isaia aaugire mamegiî nîmaavingire. Ngai augîte atîrî, ‘Kûthikîrîria mûkaathikagîrîria nwatî mûtigaataûkagîrwa, kûroria makaroragia nwatî matikoonaga.

Mathaayo 13:3

Nake nîwamerire maûndû mengî agîtûmagîra ngerekano. Nîwamerire atîrî, “Vîndî îmwe kwarî na mûrîmi wathiîre kûminja mbeû.

Mathaayo 25:34

Nake mûthamaki nîagaacoka ere andû arîa makeethîrwa marî mwena wake wa ûrîo atîrî, ‘Ûkani mue arîa mûrathimîtwe nî Vava! Ûkani mûgwate Ûthamaki ûrîa wavarîrîtue nîûndû wenyu kuuma wa Kîammbîrîria gîa kûmbwa kwa nthî.

Mathaayo 5:2

na akîambîrîria kûthomithia akiugaga atîrî:

Luka 10:14

Mûthenya wa îtuîro, Ngai nîakeeguîra andû a matûûra ma Turo na Sidoni ntha nyîngî gûkîra ûrîa ke akaamwîguîra.

Johana 17:24

“Vava! Nîrenda acio wamvere mekarage varîa nie nîrî, nîguo monage riiri wakwa ûrîa we wamvere, nîûndû we nîwamendire wana mbere ya nthî kûmbwa.

Ciîko 15:18

Ûguo nîguo Mwathani augîte. Ke nîke watûmire maûndû mau mamenyeke kuuma tene.’

1Akor 2:7

Mbaragia ûvoro wîgiî ûûgî wa Ngai ûrîa ûtwîre ûthithîtwe. Na wana mbere ya nthî yûmbwa, Ngai nîwaûthuurîte nîguo tûgîe na riiri.

Aefeso 3:5

Andû arîa maatûûraga kuo mavinda marîa mavîtûku, matierwa nthitho îno. Nwatî rîu na njîra ya Roho, Ngai nîwonanîtie nthitho îo kûrî atûmwa ake atheru na arathi.

Aefeso 3:9

Kîveo kîu nwa gîa kûmenyithia andû onthe mûvango wa nthitho, ûrîa ûtwîre ûthithîtwe kuuma tene nî Ngai ûrîa waûmbire indo cionthe.

Ahib 1:1

Tene Ngai nîwaririe mavinda meengî na njîra nyîngî ngûrani kûrî methe metû na njîra ya Arathi.

Kûguû 13:8

Andû onthe arîa matûûraga nthî nîmakaagooca nyamû îo. Nwatî andû arîa marîîtwa mao maandîkirwe îvukuurî rîa mwoyo mbere ya nthî yûmbwa matikaamîgooca. Îvuku rîu nî rîa Gatûrûme karîa kaaûragirwe.

Kûguû 17:8

Nyamû îo vîndî îmwe yarî mwoyo, nwatî rîu ndîrî mwoyo. Nyamû îo nî îkunûkia yume îrimarî rîrîa rîtarî mûthiia îthiî îgacûkangue. Nîkûrî andû marî mwoyo na marîîtwa mao mataanandîkwa kuuma rîrîa nthî yambîrîrie kûmbwa. Andû acio onthe nîmakaamaka rîrîa makoona nyamû îo, nîûndû vîndî îmwe yarî mwoyo, na rîu ndîrî mwoyo, nwatî nîgaacoka yûke rîngî.