Mathaayo 13:33 - ÎVUKU RÎA ÛVORO MWARO

³³ Jesû nîwamavere ngerekano îngî na akîmeera atîrî, “Ûthamaki wa îgûrû wîkariî ta ndawa ya kwimbia mîgate îrîa mûndûmûka oocire na akîmîtukania na mûtu wa ngano wa ndeve igîrî, nginya rîrîa waimbire wonthe.”

Mathaayo 13:33 ပူးပေါင်းရင်းမြစ်များ

Kîam 18:6

Iburahimu nîwavinyûrire îgemarî na akîra Sara atîrî, “Oca narua mûtu waku ûrîa mwaro mûno wa ngano ûûkande ûmarugîre mîgate.”

2Sam 13:6

Kwoguo Amunoni nîwerwarithirie na akîthiî ûrîrî. Rîrîa mûthamaki Daudi aathiîre kûmwona, Amunoni nîwamwîrire atîrî, “Nakûthaitha tu ûreke Tamarû aûke gûkû anthondekere tûmîgate ngîonaga na acoke amve ke mwene ndîe.”

Ayubu 17:9

Nwatî mûndû ûrîa wîtîkîtie Ngai ndavîngagwa, na mûndû ûrîa wîkaga maûndû maro, ongagîrîrwa wa mûthenya.

Nthi 4:18

Nwatî njîra ya andû arîa athingu îkariî ta riûa rîkîratha, rîrîa rîaraga na rîkathiî na mbere kwongerera ûtheri nginya mûthenya gatagatî.

Hosea 6:3

Tigani twîrutanîrie kûmenya Ngai-Mûnene kumagara gwake nî gwa kwîvokwa. Wata ûrîa gûka gwa kîraûko kûrî gwa kwîvokeka, ke agaûka kûrî tue ta karûnyunyuû, aûke ta mbura ya kîvovoto.

Mathaayo 13:24

Nake Jesû nîwamavere ngerekano îngî na akîmeera atîrî, “Ûthamaki wa îgûrû wîkariî ta mûndû ûrîa wavandire mbeû mbaro mûgûndarî wake.

Maariko 13:20

Nwatî Mwathani nîanyivanyivîtie mîthenya ya mathîna mau, nîûndû wa andû ake arîa ethuurîrîte. Tiga nî ûguo gûtirî mûndû ûngîgaatigara.

Luka 13:21

Nie nîngîringithania Ûthamaki wa Ngai na ndawa îrîa imbagia mûtu vîndî îrîa mûndû akûruga mîgate. Mûndûmûka angîoca ndawa îo na amîtukanie na mîkeve îthatû ya mûtu wa ngano, ndawa îo nîimbagia mûtu ûcio wonthe.”

Johana 15:2

Ke nîatemaga rûvûa wa ruonthe rwakwa rûrîa rûtaciaraga maciaro, na rûvûa wa ruonthe rûciaraga maciaro nîarûcaaga nîguo rûciare maciaro meengî.

Agal 5:9

Ndawa nini ya kwimbia mîgate nîimbagia mûtu wonthe ûrîa wîthagîrwa ûkimanîtue nayo.

Afil 1:6

Kwoguo nîrî na ma atî Ngai ûrîa wambîrîrie wîra mwaro kûrî mue nî akûûruta nginya akaaûrîkia mûthenya wa gûcoka kwa Jesû Kristû.

Afil 1:9

Îvoya rîakwa kûrî mue nî atî wendo wenyu ûthiî na mbere kwongerereka, vamwe na ûmenyo wa ma na gûkûûrana maûndû waro,

2Pet 3:18

Nwatî thiîni na mbere gûkûra mûrî na wega na ûûgî wa Mwathani na Mûvonokia wetû Jesû Kristû. Ke arokumua rîu nginya tene na tene! Ameni.

Atir 6:19

Kwoguo Gideoni nîwathiîre gwake nyomba na akîruga koori na agîtûmîra kilo îkûmi cia mûtu kûruga mîgate îtarî mîkîre ndawa ya kwimbia. Nîwekîrire nyama gîkavurî, agîcoka agîkîra mûthûri nyûngûrî na akîvirîra mûraika wa Ngai-Mûnene vau aarî gîtinarî Kîam mûtî wa mûvuru.

1Sam 1:24

Na vîndî îrîa Hana aatigithirie mwana kwonga, nîwocire Samueli, akiunûkia nake na akîmûvira nyombarî ya Ngai-Mûnene kûu Shilo. Hana akîvira Samueli nîwathiîre na ndegwa yarî na ûkûrû wa mîaka îthatû, ndeve îmwe ya mûtu, na mbooro îcûrîte ndivei.