Mathaayo 13:21 - ÎVUKU RÎA ÛVORO MWARO

²¹ nwatî matiîthagîrwa marî na mîri na nîmamîamûkagîra kwa îvinda înini. Nao mambîrîria kûthînua na kûnyamarua nîûndû wa ndûmîrîri îo, nîmamîtiganagîria wa rîmwe.

Mathaayo 13:21 ပူးပေါင်းရင်းမြစ်များ

Ayubu 19:28

Mue nwa mwîyûrie atîrî, “Tûngîmûnyarira atîa, na nîke kaumo ka mînyamaaro yake.”

Thaburi 36:3

Aragia maûndû macûku na ma maveeni; nîatigîte gwîka maûndû na ûûgî na gwîka maûndû maro.

Nthi 12:12

Andû arîa aganu meriragîria maûndû marîa maumanaga na maûndû macûku, nwatî andû arîa athingu mevandaga ki.

Nthi 12:3

Waganu ndûtûmaga mûndû ekindîrie, nwatî andû arîa athingu mekaraga matakwenyenya.

Hosea 6:4

Nîmbîka atîa nawe, we Efiraimu? Nîmbîka atîa nawe, we Juda? Wendo wenyu kûrî nie nîta îtu rîa kîraûko, nîta îme rîrîa rîthiraga narua.

Mathaayo 10:22

Andû onthe nîmakaamûmena nîûndû wakwa. Nwatî mûndû wa wonthe ûkaaûmîrîria nginya mûthiia, nîakaavonokua.

Mathaayo 11:6

Kûrathimwa nî andû arîa matagîcaga na nganja nîûndû wakwa!”

Mathaayo 13:20

Nacio mbeû irîa ciagwîre rûciararî ivananîtue na andû arîa megucaga ndûmîrîri îo na makamîamûkîra wa rîmwe macanjamûkîte,

Mathaayo 13:57

Kwoguo nîmaamûregire. Nake Jesû nîwamerire atîrî, “Mûrathi nîavecagwa gîtîîo kûndû kuonthe tiga îtûûrarî rîa kwao, na kûrî andû a mûciî wake!”

Mathaayo 13:6

Nwatî rîrîa riûa rîarire, nîrîavîvirie mîmera îo, nayo îkîûma narua nîûndû îtiarî na mîri mîrikîru.

Mathaayo 24:13

Nwatî mûndû wa wonthe ûkaaûmîrîria nginya mûthiia nîakaavonokua.

Mathaayo 26:31

Nake Jesû nîwamerire atîrî, “Ûtukû ûyû wa ûmûnthî muonthe nîmûkûûra mûndiganîrie. Nîûndû Mandîko maugîte atîrî, ‘Ngai nîakaaûraga mûrîthi; nacio ng'ondu ivurunjûke.’

Mathaayo 26:33

Nake Petero nîwerire Jesû atîrî, “Wana arîa engî onthe mangîgagûtiganîria, nie ndigaagûtiganîria!”

Maariko 4:17

nwatî makaremwa nî kûmîkindîria. Nao maambîrîrie kûthînua na kûnyamarua nîûndû wa ndûmîrîri îo, nîmaremagwa nî kûmîrîria na makamîtiganîria wa rîmwe.

Luka 8:13

Nacio mbeû irîa ciagwîre rûciararî, nî andû arîa megucaga ndûmîrîri ya Ngai na makamîamûkîra makenete, nwatî makaremwa kûmîkindîria ngororî ciao, nîûndû metîkagia wa kavinda kanini na vîndî îrîa maumîrîrwa nî magerio makagwa.

Johana 6:26

Nake Jesû nîwamacokerie atîrî, “Nîramwîra na ma atî mue mûranjaria nîûndû nîmûrarîre mîgate mûkîvaa, nwatî tî nîûndû atî nîmûrataûkîrwe nî ûrîa ciama ciakwa irendaga kwonania.

Aroma 2:7

Andû amwe nîmakîragîrîria gwîka waro, gûcaria riiri, gîtîîo na gûtûûra mwoyo. Nao nîmakaavewa mwoyo wa tene na tene.

Agal 5:6

Nîûndû rîrîa tûrî ûrûmwe na Jesû Kristû, ûndû ûrîa ûrî vata tî kûrua kana kûrega kûrua, nwatî nî wîtîkio ûrîa ûrutaga wîra na njîra ya wendani.

Agal 6:12

Andû arîa mageragia kûmûringîrîria mûrue, nî arîa mendaga gwîcaara ûvororî wîgiî maûndû mao ma mwîrî. Mekaga ûguo tu nîguo matikaanyarirwe nîûndû wa kûrûmîrîra mûtharava wa Kristû.

Agal 6:15

Kûrua kana kûrega kûrua tî ûndû ûrî na vata mûno. Ûndû ûrîa ûrî na vata nî kwîthîrwa ûrî kîûmbe gîcerû.

Aefeso 3:17

Na nîmvoyaga atî Kristû ekarage ngororî cienyu na njîra ya wîtîkio wenyu. Mvoyaga atî maûndû monthe marîa mûgekaga, mûmekage nîûndû mûrî na wendo,

Afil 1:6

Kwoguo nîrî na ma atî Ngai ûrîa wambîrîrie wîra mwaro kûrî mue nî akûûruta nginya akaaûrîkia mûthenya wa gûcoka kwa Jesû Kristû.

2Tim 1:15

Nîwîcî atî andû onthe vûrûrirî wa Asia nîmandiganîrîtie, amwe ao nî Fugelo na Herimogene.

2Tim 4:10

Nîûndû Dema nîmûndiganîriu na akathiî Thesalonike nîûndû wa kwenda maûndû ma gûkû nthî. Kiresike nîwathiîre Galatia, nake Tito akîthiî Dalamatia.

Jakuvu 3:2

Mavinda meengî tuonthe nîtûvîtagia. Nwatî mûndû ûrîa ûtavîtagia akîaria, nîmûkinyanîru na nîavotaga kûmenyerera mwîrî wake wonthe.

1Pet 1:5

Îgai rîu nî rîenyu, mue arîa na njîra ya wîtîkio mûgitîrîtwe nî vinya wa Ngai nîûndû wa ûvonokio ûrîa ûvarîrîtue gûkaaguûrua îvindarî rîa mûthiia.

Kûguû 2:13

Nie nîmbîcî we ûtûûraga kûrîa Caitani arî na gîtî gîake Kîam ûthamaki. We ûrî mwîvokeku kûrî nie, na ndwatiganîria wîtîkio waku kûrî nie wa na vîndî îrîa Anitipa aaûragirwe. Anitipa aarî mûira wakwa ûrîa waûragirwe arî îtûûrarî rîu rîenyu kûrîa Caitani atûûraga.