Mathaayo 12:48 - ÎVUKU RÎA ÛVORO MWARO

⁴⁸ Nwatî Jesû nîwacokerie mûndû ûcio atîrî, “Nyanya, na arîa njiaranîrîtue nao-î nî a?”

Mathaayo 12:48 ပူးပေါင်းရင်းမြစ်များ

Mathaayo 10:37

“Mûndû ûrîa wendete îthe kana ng'ina kûngîra tîmwagîrîru wa gûtuîka mûrutwa wakwa; na mûndû ûrîa wendete mûvîcî kana mwarî kûngîra tî mwagîrîru wa gûtuîka mûrutwa wakwa.

Mathaayo 12:47

Na mûndû ûmwe wa arîa maarî vo nîwerire Jesû atîrî, “Nyûkwe na arîa mûciaranîrîtue nao marûngamîte ava nja na nîmarenda kwaria nawe.”]

Mathaayo 12:49

Nake Jesû nîwacokire akîorota arutwa ake na akiuga atîrî, “Taroriani! Aya nîo aa nyanya na arîa njiaranîrîtue nao.

Luka 2:49

Nake Jesû nîwamacokerie atîrî, “Nîndûî kîratûmîte mûnjarie? Nîkwa mûtarecî atî nie nîmbagîrîrwe nî kwîthîrwa nîrî nyombarî ya vava?”

Luka 2:52

Nake Jesû nîwakûrire arî na ûûgî na vinya wa mwîrî na akîendagwa nî Ngai wa vamwe na andû.

2Akor 5:16

Kwoguo kuuma rîu, tûtigûcoka gûtucagîra mûndû wa wonthe kûringana na meciria ma andû. Wana ethîrwa vîndî îmwe nîtwatuîrîre Kristû kûringana na ûrîa andû meciragia, rîu tûtiîkaga ûguo.

Gûco 33:9

Alawi nîmaatwire matiganîrie aciari ao, makîriganîrwa nî aa mûrwang'ina na aa mwarwang'ina, na magîtiganîria ciana ciao. Nîmaavingirie maathani maku, na makîrûmîrîra kîrîkanîro gîaku.