Mathaayo 12:34 - ÎVUKU RÎA ÛVORO MWARO

³⁴ Mue rûciaro rwa njoka, mûngîvota atîa kwaria maûndû maro na mûrî andû acûku? Kanyua karagia maûndû marîa mecûrîte ngororî.

Mathaayo 12:34 ပူးပေါင်းရင်းမြစ်များ

Thaburi 53:1

1 Irimû ciîîraga na ngoro atîrî, “Ngai ndarî vata.” Onthe marî mîtugo ya waganu, na nîmekîte maûndû macûku mûno; gûtirî wanarî ûmwe wîkaga waro.

Thaburi 64:3

Manooraga nîmî ciao ta mviû, na maikagia ciugo ndûrû ta mîguî.

Thaburi 64:5

Matitiganaga na mîvango yao mîcûku; mavangaga kûrîa makwiga mîtego yao makiugaga atî, gûtirî mûndû ûramona.

Nthi 16:23

Andû arîa aûgî nîmeciragia mbere ya kwaria, na mîario yao nîgucagîrîria andû.

Nthi 4:23

Menyerera ngoro yaku waro mûno, nîûndû ngororî nîkuo kuumaga maûndû marîa matongoragia ûtûûro wa mûndû.

Isaia 32:6

Nîûndû irimû ciaragia ûrimû, na meciria ma cio mavangaga maûndû macûku. Mekaga maûndû matarî ma ûngai, maragia maûndû ma gûcambia Ngai-Mûnene. Matigaga andû arîa avûtu matarî avau, na makaima arîa anyondu gîa kûnyua.

Isaia 59:14

Kîvooto nîkîthengutîtue, naguo ûthingu ûgekara varaca. Ûma nîkwa ûkinyangagîrwa nthî magootirî, naguo wîvokeku ndonekaga kuo.

Isaia 59:4

Rîrîa mwathiî îgootirî, gûtirî mûndû ûrûmagîrîra kîvooto. Gûtirî mûndû ûthitanganaga arûmîrîrîte ûma. Mwîvokaga mîario îtarî kîene na mûkaveenania, mûtungaga maveeni na mûgatûma maûndû macûku mekîke.

Isaia 9:17

Kwoguo Mwathani ndakenagua nî anake aya, ndarî na ntha na ciana ciao cia ndigwa na aka ao a ndigwa, nîûndû andû onthe matiîcî Ngai, na nîeki naaî na maragia maûndû ma waganu. Nîûndû wa maûndû mau monthe, marakara make tî mathiru, nwatî nwa atambarûkîtie njara yake nîguo îverithanie.

Mathaayo 12:35

Mûndû mwaro aragia maûndû maro marîa aigîte ngororî yake. Nake mûndû mûcûku aragia maûndû macûku marîa aigîte ngororî yake.

Mathaayo 15:18

Nwatî kîrîa kiumaga na kanyua kîthagîrwa kiumîte ngororî na nîkîo gîtûmaga mûndû agîe na gîko.

Mathaayo 23:33

Mue njoka na ciana cia njoka! Mûkaavota atîa kûûra nîguo mûtikathiî îcuarî!

Mathaayo 3:7

Na rîrîa Johana oonire Afarisai na Asadukai eengî mathiîte kûrî ke nîguo amavatithie, nîwamerire atîrî, “Mue andû aya mûrî na wara ta wa njoka, nû wamûmenyithirie atî ciira ya Ngai îrî vakuvî; nîguo mûmîûrîre.

Luka 3:7

Andû eengî nîmaathiîre kûrî Johana nîguo amavatithie. Nake nîwameraga atîrî, “Mue ciana ino cia njoka! Nû ûmwîrîte atî nwa mûvote kûûrîra marakara ma Ngai marîa mageere gûka?

Luka 6:45

Mûndû mwaro aragia maûndû maro marîa maumîte ngororî yake. Nake mûndû mûcûku aragia maûndû macûku marîa maumîte ngororî yake. Mûndû aragia maûndû marîa mecûrîte ngororî yake.

Johana 8:44

Mue mûrî ciana cia îthe wenyu Ngoma na mwendaga gwîka maûndû wata marîa îthe wenyu endaga gwîka. Kuuma wa Kîammbîrîria ke aarî mûragani na ndaanenda ûvoro wa ma nîûndû ke ndaanaria ûvoro wa ma. Rîrîa araria maveeni ethagîrwa akîaria kîrîa tu kîrî ngororî yake, nîûndû ke nî mûthaani na nîke îthe wa maveeni.

Aefeso 4:29

Tigagani kwaragia mîario îno mîcûku, nwatî aragiani mîario îrîa mîaro îrî na umithio kûrî andû na ya kûmatethia na kîrîa mavatarîte. Nao andû arîa makegucaga mûkîaria magekagwa waro nî mîario îo.

Aefeso 5:4

Mûtiagîrîrwe mwaragie mîario îrî na nthoni, ya îtherû rîcûku na ya ûrimû. Vandû va ûguo mwagîrîrwe nî gûcokagia ngatho kûrî Ngai.

Jakuvu 3:2

Mavinda meengî tuonthe nîtûvîtagia. Nwatî mûndû ûrîa ûtavîtagia akîaria, nîmûkinyanîru na nîavotaga kûmenyerera mwîrî wake wonthe.

1Joh 3:10

Îno nîyo ngûrani îrîa îthagîrwa îrî vo gatagatîrî ga ciana cia Ngai na ciana cia Ngoma. Mûndû wa wonthe ûtekaga ûrîa kwagîrîrîte, tî mwana wa Ngai na andû arîa matendete andû arîa engî tî ciana cia Ngai.

1Sam 24:13

We nîwicî nthimo îrîa yugaga atîrî, ‘Waganu wîkagwa nî andû arîa aganu.’ Nwatî nie ndingîgwîka ûûru.