Mathaayo 12:20 - ÎVUKU RÎA ÛVORO MWARO

²⁰ Îkethagîrwa îrî mvoreri mbere ya arîa matarî vinya na eguîre ntha arîa matarî na ûtethio. Ndîgaakua ngoro nginya rîrîa kîvooto gîkavootana.

Mathaayo 12:20 ပူးပေါင်းရင်းမြစ်များ

2Atha 18:21

Wîvokete mûthamaki wa Misiri, nwatî kûu nî ta gwîtiira na kamûthanje gaka kaunîku. Kamûthanje kaunîkaga na gakamunda njara ya mûndû ûrîa ûkanyitîte. Ûguo nîguo mûthamaki wa Misiri ekariî kûrî andû onthe arîa mamwîvokaga.

Thaburi 147:3

Ke nîavonagia arîa akuû ngoro, na akamova ironda ciao.

Thaburi 51:17

Îgongoona rîakwa kûrî we Ngai, nî ngoro îrî na wînyivia; ndûkaarega ngoro îrî na wînyivia na ûveri.

Isaia 40:11

Akaarîthia ndîthia yake ta mûrîthi, agaacokanîrîria tûgondu na njara ciake, na atûkuue atuigîrîrîte kîthûrirî gîake, na atongorerie ng'ondu irîa irongithia wa kavora.

Isaia 57:15

“Ûguo nîguo Ke Ûrîa ûrî îgûrû mûno, Ke Ûrîa wambararîtue mûno, ûrîa ûtûûraga tene na tene na ûrîa wîtagwa Mûtheru arauga. “Nie mbîkaraga kûu îgûrû kûrîa kûtheru, mbîkaraga na andû athînîku na enyivia. Nîngekîra mîoyo arîa maarî enyivia, na gwîkîra vinya arîa enyivia.

Ezek 34:16

“Ng'ondu irîa ciûrîte nîngaaicaria, na irîa inyaganîtie nîngaaicokanîrîria vamwe. Irîa ikûthua nîngaaciova na mbîkîre vinya irîa itarî na vinya. Nwatî irîa noru na irî na vinya nîngaaicûkangia nîûndû nie ndîthagia na kîvooto.

Alawi 10:20

Rîrîa Musa eegwire ûguo, nîweganîre.

Mathaayo 11:28

“Ûkani kûrî nie, mue muonthe anogu na mûtitikîte mîrigo mîrito, na nîngûmûvurûkia.

Mathaayo 11:7

Na rîrîa arutwa a Johana maaumagarûkaga, Jesû nîwambîrîrie kwîra kîrîndî ûvoro wîgiî Johana na akiuga atîrî, “Vîndî îrîa mwathiîte werûrî, mwendaga kwona ndûî? Nî karûthanje gakinainua nî rûkûngi?

Luka 4:18

“Roho wa Ngai ûrî vamwe nanie, nîûndû nîamvakîte maguta, nîguo ngavunjîrie andû arîa athîni Ûvoro Mwaro. Nîandûmîte nthiî nganîrîre atî andû arîa moveetwe nî makûrekererua, atumumu nîmagûcoka kwona, na njoke manîrîre atî andû arîa mavinyîrîrîtue nîmagûtethûrwa,

2Akor 2:14

Nwatî nîtûcokie ngatho kûrî Ngai! Nîûndû tûrî ûrûmwe na Kristû, Ngai nîatûvotanagîra vîndî cionthe. Na njîra yetû Ngai nîatambagia mûtararûko wa ûmenyo wa Kristû kûndû kuonthe.

2Akor 2:7

Nwatî rîu nîmwagîrîrîtwe nî kûmwovera na kûmûmîrîria nîguo ndakathiî mbere kûgîa na kîeva kîrîa kîngîtûma ata mwîvoko.

Kûguû 6:2

Nînaroririe na ngîona mbarathi ya rangi njerû. Nake ûrîa wathiîte amîkarîrîte nîwanyitîte ûta, nake nîwaverwe nthûmbî. Nake ûcio wathiîte amîkarîrîte aathiîte ta mûvootani athiîte kûvootana.