Mathaayo 12:15 - ÎVUKU RÎA ÛVORO MWARO

¹⁵ Rîrîa Jesû aamenyire mîvango îrîa Afarisai maarî nayo, nîwaumire kûu na akîthiî. Andû eengî nîmaamûrûmîrîre, na akîvonia arîa maarî arûaru onthe.

Mathaayo 12:15 ပူးပေါင်းရင်းမြစ်များ

Mathaayo 10:23

Na rîrîa mue mûkaanyarirwa mûrî îtûûrarî rîmwe, mûkaaûra mûthiî îtûûrarî rîrîa rîngî. Nîramwîra na ma atî mûtikaarîkia wîra wenyu matûûrarî monthe ma Isiraeli Mûrû wa Mûndû atarî mûku.

Mathaayo 19:2

Nao andû eengî mûno nîmaamumire vuva, na arî kûu nîwavonirie andû arîa maarî arwaru.

Maariko 6:56

Na wa kûndû kuonthe kûrîa Jesû aathiîcaga; icagirî, matûûrarî, wana kana mîgûndarî, andû nîmaaviraga arwaru thokorî, na makamûthaithaga etîkîrie arwaru mavûrûrie wana angîthîrwa nî mîthiia ya nguo yake. Nao arwaru onthe arîa maamîvûrûririe nîmaavonirue.

Luka 5:22

Nake Jesû nîwamenyire meciria mao na akîmaûria atîrî,

Luka 6:12

Na mîthenyarî îo, Jesû nîwathiîre kîrîmarî îgûrû kûvoya na agîkara kuo ûtukû mûgima akîvoyaga Ngai.

Luka 9:11

Rîrîa andû maamenyire kûrîa Jesû aarî, nîmaamûrûmîrîrie. Nao andû acio makinya varîa Jesû aarî nîwamagwatire ûgeni na akîambîrîria kûmathomithia ûvoro wîgiî ûthamaki wa Ngai na agîcoka akîvonia arwaru eengî.

Johana 11:54

Kwoguo Jesû ndaacoka kûthiî akîonagwa kûu Judea. Nîwaumire kuo na akîthiî îtûûrarî rîetagwa Efiraimu rîrîa rîarî vakuvî na werû na agîkara kuo marî na arutwa ake.

Johana 7:1

Vuva wa ûguo, Jesû nîwathiîre Galili. Ke ndeendaga kûthiî Judea nîûndû Ayahudi arîa maarî kuo nîmeendaga kûmûraga.

Johana 9:4

Rîrîa kûrî mûthenya nwa nginya twîkare tûkîrutaga wîra wa ûrîa wandûmire. Ûtukû nîûgûkinya rîrîa gûtarî mûndû ûngîvota kûruta wîra.

Agal 6:9

Kwoguo tûtikanoge nî gwîka waro, nîûndû îvinda rîrîa rîagîrîru rîakinya nîtûgaaketha twarega kûrwa nî vinya.

1Pet 2:21

Ûndû ûcio nîguo mwetîrwe. Kristû aathînirue nîûndû wenyu na akîmûtigîra kîonereria, nîguo wa namue mûrûmîrîre mîthiîre yake.