Mathaayo 11:21 - ÎVUKU RÎA ÛVORO MWARO

²¹ “Na kaî mue andû a Korazini mûrî na thîna-î, wanamue andû a Bethisaida kaî mûrî na thîna-î! Nîûndû ciama irîa ciaringîîrwe kwenyu ingîaringirwe Turo na Sidoni, andû a kuo nîmangîeririre mevia mao tene. Nao nîmangîekîrire nguo ciao cia macakaya na makeminjîria mûu nîguo moonanie atî nîmerira mevia mao.

Mathaayo 11:21 ပူးပေါင်းရင်းမြစ်များ

Ayubu 42:6

Kwoguo, nîngûvera ngîvakaga rûkûngû na mûu, nîreyonaga nîrî kîndû Kîam mana.”

Jeremia 13:27

Nîmonete ûgîka maûndû marîa menete, ûtharia na gûcumîkîra aka ene na ûmaraa mwîngî, kûu tûrîmarî na mîgûndarî. Mue andû a Jerusalemu kaî mwî na thîna-î! Nîmwîkara mûtatheretue nginya rî?”

Joeli 3:4

“Mûrenda gwîka atîa mue Turo na Sidoni na kûu Filisiti kuonthe? Kûrî na ûndû mûrerîvîrîria? Ethîrwa nîkwa mûrerîvîrîria, nie nîngûmûrîvîrîria wa rîmwe.

Amosi 1:9

Ngai-Mûnene arauga atîrî, “Andû a îtûûra rîa Turo matûûraga mevagia, kwoguo ndigatiga kûmaverithia. Nîmoocire vûrûri wonthe na makîûvira îthamîriorî Edomu. Nîmaaunire kîrîkanîro Kîam thayû kîrîa maarûthîte.

Mathaayo 11:22

Nîramwîra na ma, atî mûthenya wa îtuîro Ngai nîakeeguîra andû a Turo na Sidoni ntha nyîngî kûmûkîra.

Mathaayo 15:21

Jesû nîwaumire akîthiî gîcunjîrî kîrîa Kîamrî vakuvî na matûûra ma Turo na Sidoni.

Mathaayo 18:7

Na kaî nthî îrî na thîna-î, nîûndû atî kûrî na maûndû matûmaga andû mevie. Maûndû ta mau magatuîkîkaga vingo cionthe, nwatî mûndû ûrîa ûtûmaga maûndû mau mekîke arî na thîna.

Mathaayo 26:24

Mûrû wa Mûndû nîagûkua wata ûrîa Mandîko Matheru maugîte. Nwatî kaî mûndû ûrîa ûgûcukanîrîra Mûrû wa Mûndû nîakûgîa na thîna-î! Nî kava mûndû ûcio atangîaciarirwe!”

Maariko 3:8

Nao andû eengî nîmaamûrûmîrîre. Amwe maarî a kuuma Galili na engî a kuuma Judea, Jerusalemu, na mûringo wa Idumea, wana mûringo wa îrathîro wa rûnjî rwa Jorodani na kuuma vûrûrirî ûrîa wî vakuvî na matûûra ma Turo na Sidoni. Andû acio maathiîre kûrî Jesû nîûndû nîmeguîte maûndû marîa eekaga.

Maariko 6:45

Na wa rîmwe Jesû nîwerire arutwa ake matwe îtarûrî maringe mûringo ûcio wîngî wa îria, nîguo mathiî Bethisaida marî mbere yake kamwerua ka arekererie kîrîndî.

Maariko 7:24

Kuuma kûu Jesû nîwacokire akîthiî matûûrarî ma Turo na Sidoni. Nîwatonyire mûciî ûmwe na ndeendaga mûndû wana ûmwe amenye kûrîa aarî, nwatî ndangîavotire gwîkara ethithîte.

Maariko 7:31

Jesû nîwaumire îtûûrarî rîa Turo akîvîtûkîra Sidoni na agîkinya îriarî rîa Galili atuîkanîrîtie vûrûrirî wa Dekapoli.

Maariko 8:22

Rîrîa Jesû na arutwa ake maakinyire îtûûrarî rîa Bethisaida, andû amwe nîmaamûvirîre mûndû warî mûtumumu na makîmûthaitha amûvutie.

Luka 4:26

nwatî Elija ndaatûmwa kûrî o. Elija aatûmirwe tu kûrî mûndûmûka ûmwe wa ndigwa. Mûndûmûka ûcio eekaraga îtûûrarî rîa Zerefatha vûrûrirî wa Sidoni.

Luka 6:17

Vîndî îrîa Jesû aanyûrûrûkire aumîte kîrîmarî arî vamwe na atûmwa ake, nîwarûngamire vandû varaganu arî vamwe na gîkundi kînene mûno Kîam arutwa ake. Nao andû eengî mûno arîa maaumîte matûûrarî ma Judea, Jerusalemu na nginya matûûrarî ma Turo na Sidoni marîa maarî ndeererî cia îria, nîmaathiîre kûrî Jesû nîguo mamûthikîrîrie na mavonue mîrimû yao.

Luka 9:10

Vîndî îrîa atûmwa maacokire nîmeerire Jesû maûndû monthe marîa meekîte. Nake Jesû nîwocire arutwa ake na akîmavira îtûûrarî rîa Bethisaida marî onga.

Johana 1:44

(Filipu aarî wa kuuma îtûûrarî rîa Bethisaida, kûrîa Enderea na Simoni maatûûraga).

Johana 12:21

Nao nîmaathiîre kûrî Filipu (ûrîa warî wa kuuma Bethisaida gîcunjîrî Kîam Galili) na makîmwîra atîrî, “Mûthuuri ûyû, nîtûrenda kwona Jesû.”

Ciîko 12:20

Nake Herode nîwarakarirue mûno nî andû a Turo na Sidoni, na kwoguo nîmaathiîre kûmwona marî gîkundi. Nao nîmaambire makîgwithia Blasito ûrîa warûngamîrîrîte mûciî wa mûthamaki, atî nwa nginya amatethie. Nîmacokire makîthiî kûrî Herode na makîmwîra etîkîre mekaranie na thayû nîûndû vûrûri wao warutaga irio vûrûrirî ûcio wa mûthamaki.

Ciîko 27:3

Na mûthenya ûcio wîngî nîtwakinyire Sidoni. Na tûrî kûu Juliasi nîwatugire Paûlo waro mûno na a akîmwîtîkîria athiî kûrî arata ake nîguo avewe kîrîa aavatarîte.

Juda 1:11

Na kaî o marî na thîna-î! Marûmagîrîra mîtugo ta îrîa yarî ya Kaini. Nîûndû wa kwenda mbeca, nîmetonyetie mavîtiarî wata marîa Balaamu eekire. Nao nî aremi wata Kora na makaathirua wa take.

Kûguû 11:3

Nie nîngaava aira akwa aîrî ûvoti wa kwanîrîra ndûmîrîri yakwa kwa îvinda rîa mîthenya ngiri îmwe na magana maîrî ma mîrongo îtandatû. Nao makeethîrwa mekîrîte nguo cia macakaya.”

Kûguû 6:12

Rîrîa Gatûrûme gatumûrire rûtumo rwa gatandatû, nî kwagîîre na kîthingithia kînene. Riûa nîrîatigire kwara na gûkîgîa nduma. Naguo mweri nîwatunîvire ta nthakame.