Mathaayo 11:11 - ÎVUKU RÎA ÛVORO MWARO

¹¹ “Nîramwîra na ma atî, Johana Mûvatithania nîke mûnene gûkîra mûndû wîngî wa wonthe ûrîa wanatûûra. Nwatî mûndû ûrîa mûnini mûno Ûthamakirî wa Îgûrû nî mûnene gûkîra Johana.

Mathaayo 11:11 ပူးပေါင်းရင်းမြစ်များ

Ayubu 14:1

“Mûndû ûrîa ûciarîtwe nî mûndûmûka, atûûraga mîthenya mînini, na îcûrîtwe nî mathîna.

Ayubu 14:4

Nû ûngîvota kûruta kîndû kîtheru kuuma kûrî kîndû gîtarî kîtheru! Gûtirî mûndû ûngîvota?

Ayubu 15:14

Mûndû nîndûî atî nîguo ethîrwe arî mûtheru? Kûrî mûndû ûciarîtwe nî mûndûmûka ûngîtuîka mûthingu?

Ayubu 25:4

Mûndû angîvota atîa gûtuîka mûthingu mbere ya Ngai? Mûndû ûciarîtwe nî mûndûmûka nwa atuîke mûtheru?

Thaburi 51:5

Nie naaciarirwe nîrî na mavîtia; wana nyanya akîgîa îvu nîguo ngaaciarwa, naarî mwîvia.

Isaia 30:26

Makîria ya ûguo, mweri nîûkaara ta riûa, naguo ûtheri wa riûa ûneneve maita mûgwanja ta ûtheri wa mîthenya mûgwanja warîte mûthenya ûmwe. Ûguo nîguo gûgekara mûthenya ûrîa Ngai-Mûnene akoova ngurara na avonie ironda cia andû ake kûrîa aamativangirie na rûthanju rwake.

Zakaria 12:8

Vîndî îo Ngai-Mûnene nîakaagitîra andû arîa matûûraga Jerusalemu, nîguo andû arîa matarî vinya gatagatîrî kao makaagîa na vinya ta mûthamaki Daudi. Nacio njiarwa cia Daudi nîigaatongoria andû a Juda ta araika a Ngai-Mûnene, ta arî Ngai ûramatongoria.

Mathaayo 11:10

Ûvoro ûrîa wandîkîtwe mandîkorî matheru wîgiî Johana nî atî, Ngai aaugire atîrî, ‘Nie nîngaatûma mûnjaama wakwa athiî mbere yaku na nîke ûgaakûthondekera njîra.’

Mathaayo 11:12

Kuuma vîndî îrîa Johana Mûvatithania aambîrîrie kûvunjia nginya ûmûnthî, Ûthamaki wa Îgûrû nîwîthîrîtwe ûkîtharîkîrwa na vinya, na andû arîa matûmagîra vinya nîmageragia gûûcunana na vinya.

Mathaayo 3:1

Kavindarî kau Johana Mûvatithania nîwathiîre werûrî wa Judea na akîambîrîria kûvunjia

Mathaayo 3:11

Nie nîmûvatithagia na manjî ngîenda kwonania atî nîmwîrirîte mevia menyu. Nwatî ûrîa ûgûûka vuva wakwa, arî na vata kûngîra na nie ndirî mwagîrîru wa gûkuua iratû ciake. Ke akaamûvatithia na Roho Mûtheru na mwaki.

Mathaayo 5:19

Kwoguo mûndû wa wonthe ûtathîkagîra wana ethîrwa nî rîathani rîmwe rîa marîa manini na agacoka akathomithia andû arîa engî guo, mûndû ûcio akethagîrwa arî mûnini mûno Ûthamakirî wa îgûrû. Nwatî mûndû wa wonthe wathîkagîra Watho na akathomithia arîa engî gwîka guo, nîakethîrwa arî mûnene Ûthamakirî wa îgûrû.

Luka 1:15

Nîûndû nîagaatuîka mûndû mûnene methorî ma Mwathani. Nake ndakaanyua ndivei wana kana anyue njovi. Kuuma gûciarwa gwake nîakethîrwa ecûrîtwe nî Roho Mûtheru.

Luka 7:28

Nie nîramwîra atîrî, ‘Gatagatîrî ka andû arîa onthe maanaciarwa nî aka, gûtirî wa na ûmwe wao mûnene gûkîra Johana. Nwatî mûndû ûrîa mûnini viû ûthamakirî wa Ngai, nî mûnene gûkîra Johana.’ ”

Luka 9:48

na akîmeera atîrî, “Mûndû wa wonthe ûgwataga mwana ûyû ûgeni nîûndû wa rîîtwa rîakwa, nînie ethagîrwa akîgwata ûgeni. Nake mûndû wa wonthe ûngwataga ûgeni, nî ûrîa wandûmire ethagîrwa akîgwata ûgeni. Mûndû ûrîa mûnini viû gatagatîrî kenyu muonthe, nîke mûnene gûkîra arîa engî onthe.”

Johana 1:15

Johana nîwavecanire ûira wa Kiugo na akîanîrîra akiuga atîrî, “Ûyû nîke ûrîa nie naaragia ûvoro wake vîndî îrîa naugire atî, ‘Ûrîa ûraûka vuva wakwa arî na vata kûngîra, nîûndû aarî kuo mbere ya njiarwe.’ ”

Johana 1:27

Ke nîagûka vuva wakwa na nie ndirî mwagîrîru wa kwovora ndigi cia iratû ciake.”

Johana 10:41

na andû eengî makîthiî kûrî ke na makîmwîra atîrî, “Johana ndaatûringîra ciama, nwatî maûndû monthe marîa aaririe megiî mûndû ûyû nî ma ma.”

Johana 3:30

Ke nwa nginya aneneve nanie nwa nginya nyive.”

Johana 5:35

Johana aakengaga ta taa yakanîte, namue nîmwendire gûkenerera ûtheri ûcio wake kavinda kanini.

Johana 7:39

Nake Jesû akiuga ûguo aaragia ûvoro wîgiî Roho Mûtheru, ûrîa warî avewe arîa maamwîtîkirie. Vîndî îo Roho ndaarî mûvecane nîûndû Jesû ndaarî mûve riiri wake.

1Akor 15:9

Nie nînie mûnini viû gatagatîrî ka atûmwa arîa engî onthe. Nie wana ndirî mwagîrîru wa gwîtwa mûtûmwa nîûndû nînaanyaririre kanitha wa Ngai.

1Akor 6:4

Ethîrwa nwa mûgîe na cira ta icio, nîkwa mûngîivira kûrî acirithania acio matarî a kanitha?

Aefeso 2:3

Ûma nî atî wa natue tuonthe twekaga wa tao. Twatûûraga twathagwa nî merirîria metû ma kîîndwîre na tûgekaga maûndû marîa meriragîrua nî mîîrî yetû na meciria metû, na twarî tûkinyîrwe nî marakara ma Ngai wata andû arîa engî.

Aefeso 3:8

Nîrî mûnini gûkîra andû onthe a Ngai, nwatî Ngai nîwamûvere kîveo kîu Kîam mwanya. Nakîo kîveo kîu nî gîa kûvunjia kûrî andû a Ndûrîrî ûvoro mwaro wîgiî ûtonga ûrîa ûtarî kîthimi wa Kristû.

2Tim 1:10

Nwatî rîu nîtûguûrîrîtue guo na njîra ya gûka kwa mûvonokia wetû Kristû Jesû. Ke nîathirîtie vinya wa gîkuû. Na na njîra ya ûvoro mwaro ûrîa aavunjirie, nîatûmenyithîtie ûvoro wa mwoyo wa tene na tene.

Ahib 11:40

nîûndû Ngai nîwathondekete mûvango wetû warî mwaro makîria. Wendi wa Ngai nî atî andû acio magaatuwa agîrîru tûrî vamwe nao.

1Pet 1:10

Arathi nîmaacaririe na magîtuîria na kîîo kîîngî mûno ûvoro wîgiî ûvonokio ûyû. Nîmaarathire îgûrû rîa ûvoro wîgiî kîveo gîkî kîrîa Ngai akaamûva.

1Sam 2:30

Kwoguo nie Ngai-Mûnene, Ngai wa Isiraeli nînerîrîte andû a mûciî waku wana andû a mûvîrîga waku, atî makandungatagîra marî athînjîri-Ngai vîndî cionthe. Nwatî rîu nîrauga atî ûndû ûcio ndingîtîkîria ûthiî na mbere rîngî. Vandû va ûguo, nie ngatîîaga andû arîa mandîaga, nao arîa manyararaga ngaamatucaga ta andû matarî na vata.