Malaki 4:3 - ÎVUKU RÎA ÛVORO MWARO

³ Mûthenya ûcio nîmûgaakinyangîra andû arîa aganu nthî matuîke ta rûkûngû rungu rwa magûrû menyu. Ûguo nîguo nie Ngai-Mûnene mwene vinya wonthe nîrauga.

Malaki 4:3 ပူးပေါင်းရင်းမြစ်များ

Kîam 3:15

Nîngûtûma we na mûndûmûka mûmenane, na mbîkîre ûthû gatagatî ka mbeû yaku na ya mûndûmûka. Mbeû ya mûndûmûka îgaakûringaga kîongo nawe ûkamîrûmaga ndiira ya kûgûrû.”

2Sam 22:39

Nairingire ikîgwa nthî na itiacoka gûkîra, ciamaamire nthî mbere yakwa irî mvooteku.

2Sam 22:43

Naamarivire nginya magîtuîka ta rûkûngû, na ngîmakinyanga ta ndaka îrîa îthagîrwa îrî njîrarî.

Ayubu 40:12

Roria arîa onthe marî na mwîgatho na ûmagwîthie, na ûkinyange andû arîa aganu marî wa vau marî.

Thaburi 147:6

Ngai-Mûnene nîaûkagîrîria arîa avinyîrîrie, nwatî agaikia arîa aganu mûtheturî.

Thaburi 49:14

Mekaraga na magakua ta ng'ondu, gîkuû gîgaatuîka mûrîthi wao. Manyûrûrûkaga mbîrîrarî, kûu nîkuo mîîrî yao îkoorera, kwa arîa akuû gûgaatuîka mîciî yao.

Thaburi 91:13

Nîûgaakinyanga mînyambû na ciîmvuva, nîûgaakinyanga twana twa mînyambû na twa njoka.

Isaia 25:10

Ngai-Mûnene nîakaagitîra kîrîma gî Zayuni, nwatî andû a Moabu magaakinyangîrwa kwao ta ûrîa nyaki îkinyangagîrwa îrimarî rîa mborera.

Isaia 26:6

Îtûûra rîu nîrîkinyangagwa, na magûrû ma athîni, na ma ngîa.

Maca 1:15

“Mwathani nîaregete athigari onthe njamba arîa mangitagîra. Nîatûmîte athigari a mbaara, matharîkîre anake akwa. Mwathani aakinyangire andû a Juda, ta thavibu kîvivîrorî Kîam ndivei.

Ezek 28:18

Nîwarûthire maûndû meengî macûku ûrî wîrarî waku wa kwendia na kûgûra indo na ûkîgwatia vandû varîa ûgoocagîra mûgiro. Kwoguo nînatûmire mwaki ume wa kûu ûrî ûkûvîvie ûthire. Nao andû arîa maakwonaga moonaga ûtuîkîte mûu.

Danieli 7:18

Nwatî andû a Ngai Ûrîa Ûrî Îgûrû mûno nîmakaavewa ûthamaki, na ûtûûre ûrî wao tene na tene.’

Danieli 7:27

Naguo ûthamaki na wathani, na ûnene wa mothamaki monthe ma nthî ûkavewa andû a Ngai Ûrîa mûnene, na ûthamaki wao ndûkaathira, na athamaki onthe a nthî nîmakaamathîkîra na mamatungatagîre.’

Mika 5:8

“Andû a Isiraeli arîa magatigara marî mwoyo, marî mavûrûrirî marîa mengî, makeethagîrwa mekariî ta mûnyambû ûrî gatagatî ka nyamû cia kîthaka, kana ta kaana ka mûnyambû karî ndîthiîra ya ng'ondu. Kathiîcaga na gakaûraga na gûtamburûranga kîrîa kaûragîte, na gûtirî mûndû wa kûivonokia.

Mika 7:10

Nthû ciakwa nîikona ûguo, na ciîcûrwe nî gîconoko, nîûndû cianthekagîrîra îkîmbûragia atîrî, “Arî kû Ngai-Mûnene, Ngai waku?” Nîngoona nthû ciakwa ikîgwa nthî, na nîigaakinyangwa ta ndaka îrî njîrarî.

Zakaria 10:5

Andû a Juda magekara ta athigari njamba marî mbaararî, irîa irangagîrîria nthû ciao ta ndaka njîrarî. Makaarûaga nîûndû Ngai-Mûnene akethagîrwa arî vamwe nao, na nîmagaaconorithia athigari arîa mathiîcaga matwîte mbarathi.

Malaki 3:17

Ngai-Mûnene mwene vinya wonthe augîte kwandîkîtwe atîrî, “Andû acio magatuîka andû akwa. Matuîka îgai rîakwa mûthenya ûrîa ngarûngama nîguo mbîke ûrîa nduîte gwîka. Ndikameka naaî wata ûrîa îthe wa mwana atangîka mwana ûrîa mwathîki naaî.

Aroma 16:20

Nake Ngai, ûrîa ûvecanaga thayû, îvinda rîtarî îraca nîakaavoota Caitani na amûve wathani îgûrû rîake. Wega wa Mwathani wetû Jesû Kristû ûrogîa namue.

Kûguû 11:15

Nake Mûraika wa mûgwanja nîwavuvire karumbeta gake. Nakuo îgûrû nîkwagîre na mîgambo mînene yaugaga atîrî, “Ûthamaki wa nthî nîûtuîkîte wa Mwathani wetû na wa Mesaya wake. Nake nîakaathana tene na tene!”

Kûguû 14:20

Thavibu icio nîciavivîrwe kîvivîrorî Kîamrî nja ya îtûûra. Nayo nthakame nîyaumire kîvivîrorî kîu Kîam thavibu îrî na ûriku wa mita îmwe, na nîyakinyire kûndû kwarî na ûraca wa kilomita magana mathatû.