Malaki 4:2 - ÎVUKU RÎA ÛVORO MWARO

² Nwatî nîûndû wenyu mue arîa mûngoocaga, ûvoti wakwa wa kûmûvonia nîûkaamwarîra ta riûa rîrî na vinya wa kûvonia mîrûri yarîo. Mûkauma mûkîrûgarûgaga ta njaû ciauma rwagarî rwa cio.

Malaki 4:2 ပူးပေါင်းရင်းမြစ်များ

2Sam 23:4

ethagîrwa ekariî ta riûa rîkîara kîraûko tene rîrîa gûtarî na matu, riûa rîrîa rîtûmaga nyaki îmere mbura yaura.”

Thaburi 103:3

Nîke ûndekagîra mevia monthe, na akamvonia mîrimû yakwa yonthe.

Thaburi 147:3

Ke nîavonagia arîa akuû ngoro, na akamova ironda ciao.

Thaburi 61:5

We Ngai, nîwîguîte ciîranîro ciakwa, na nî ûmvete îgai rîrîa ûvecaga arîa magwîtigîrîte.

Thaburi 67:1

Ngai, twîguîre ntha na ûtûrathime; na ûtwîke maûndû maro,

Thaburi 84:11

Ngai-Mûnene, Ngai nî riûa na nî ngo yetû, nîatûrathimaga na agatûva gîtîîo. Ndaimaga andû arîa mekaga ûrîa kwagîrîte indo mbaro.

Thaburi 85:9

Nama nîevarîrîtie kûvonokia andû arîa mamwîtigîrîte, nîguo riiri wake ûtûûre vûrûrirî wetû.

Nthi 4:18

Nwatî njîra ya andû arîa athingu îkariî ta riûa rîkîratha, rîrîa rîaraga na rîkathiî na mbere kwongerera ûtheri nginya mûthenya gatagatî.

Isaia 30:26

Makîria ya ûguo, mweri nîûkaara ta riûa, naguo ûtheri wa riûa ûneneve maita mûgwanja ta ûtheri wa mîthenya mûgwanja warîte mûthenya ûmwe. Ûguo nîguo gûgekara mûthenya ûrîa Ngai-Mûnene akoova ngurara na avonie ironda cia andû ake kûrîa aamativangirie na rûthanju rwake.

Isaia 35:6

Cionje nîikaarûgarûga ta ngûrûngû, nao andû arîa matarî ûvoti wa kwaria nîmakaaina makenete. Manjî nîmakaatherûka werûrî, natuo tûrûnjî nîtûkaanyûrûrûka werûrî;

Isaia 49:6

Ke augîte atîrî, “Tî ûndû mûvûthû gûtuîka ndungata yakwa, ûrûngamie rîngî mîvîrîga ya Jakovu, na kûrûnga andû a Isiraeli arîa maatigarire. Nwatî nîngûgûtua ûtheri kûrî andû a Ndûrîrî, nîguo andû onthe a gûkû nthî mavonoke.”

Isaia 50:10

Nû gatagatîrî kenyu wîtigîrîte Ngai-Mûnene na wathîkagîra mûgambo wa ndungata yake, wana ethîrwa athiîcagîrîra ndumarî atarî na ûtheri, nîevokete Ngai-Mûnene na nîevokaga Ngai wake.

Isaia 53:5

Nwatî aativirue nîûndû wa mevia metû, aathînirue nîûndû wa waganu wetû. Aaverithirue nîguo tûgîe na mwoyo, na tûkîvonua na njîra ya ivoko irîa aarivirwe.

Isaia 9:2

Andû arîa maatwîre mathiîcagîrîra ndumarî nîmonete ûtheri mûnene. Andû arîa maatûûraga vûrûrirî wa nduma ndumanu, rîu nîmarîrîtwe nî ûtheri.

Jeremia 17:14

Ûi Ngai-Mûnene, mvonia nanie nîngûvona, mvonokia na nîngûvonoka, nîûndû we nîwe ngumagia.

Jeremia 30:17

“Nîngamûcokeria vinya wenyu, na nîmûvonie ironda cienyu, wana ethîrwa mamwîtaga, ‘Mûru.’ ‘Îtûûra rîa Zayuni rîtarî mûndû wa kûrîmenyerera!’ Nie Ngai-Mûnene nînie nauga ûguo.”

Jeremia 33:6

Taroria, nîngavonia îtûûra rîîrî, na njokerie andû a rîo ûgima wa mwîrî. Nîngatûma mathatûkwe mûno na magîe na ûgitîri.

Ezek 47:12

Ndereerî cia rûnjî rûu mîena yoîrî nîgûgaakûra mîtî ya mîthemba yonthe ya matunda ma kûrîwa. Mîtî îo îkethagîrwa îrî mîruru vîndî cionthe na nîgaciaraga matunda mweri wa mweri nîûndû wa manjî marîa manyûrûrûkaga kuuma hekarûrî. Matunda mayo nî ma kûrîa na mathangû mayo nî ma kûvonia andû arîa arwaru.”

Hosea 6:1

Ûkani tûcokerere Ngai-Mûnene; ke mwene nîatûgurarîtie, nwatî wake mwene nîagûtûvonia. Ke mwene nîatûtivangîtie, nwatî ke mwene nîagûtûthondeka kûrîa tûtivangîtue.

Hosea 6:3

Tigani twîrutanîrie kûmenya Ngai-Mûnene kumagara gwake nî gwa kwîvokwa. Wata ûrîa gûka gwa kîraûko kûrî gwa kwîvokeka, ke agaûka kûrî tue ta karûnyunyuû, aûke ta mbura ya kîvovoto.

Malaki 3:16

Nao arîa magocaga Ngai-Mûnene nîmaranîrie o ene, nake Ngai-Mûnene akîgua ûrîa maaragia. Narîo îvuku nîrîaigirwe mbere ya Ngai-Mûnene rîandîkîtwe marîîtwa ma arîa mamûgoocaga na mamwathîkagîra.

Mathaayo 11:5

Atumumu nîmarona, ithua nîirathiî, andû arîa marwarîte mûrimû wa ngothi nîmaratherua, îtegua nîiregua, arîa akuû nîmarariûkua, nao athîni nîmaravunjîrua Ûvoro Mwaro.

Mathaayo 23:37

“Jerusalemu, Jerusalemu! We nî ûragaga arathi na ûkariva na mathiga andû arîa onthe Ngai agûtûmîra! Nî maita megana nie nanenda gûcokanîrîria andû aku vamwe, wata ûrîa ngûkû îcokanagîrîria tûciiû rungu rwa mathagu mayo nwatî ndwanambîtîkîria!

Luka 1:50

nacio ntha ciake nî ikinyagîra arîa onthe mamûtîîte, kuuma rûciaro rûmwe nginya rûrîa rwîngî.

Luka 1:78

Ngai wetû arî ntha na nî mûkirîrîria. Nîagaatûma tûthererwe nî ûtheri wa ûvonokio.

Luka 2:32

Nî ûtheri wa kûguûrîria andû a ndûrîrî wendi waku, na riiri kûrî andû aku a Isiraeli.”

Johana 1:14

Kiugo nîwatuîkire mûndû na agîtûûrania natue ecûrîtwe nî wega na ûma. Natue nîtwonire riiri wake, riiri ûrîa Ngai aaveere Mûriû wake wa mûmwe.

Johana 1:4

Ndaarî yake kwarî na mwoyo, naguo mwoyo nîguo warî ûtheri wa andû.

Johana 1:8

Johana tîke warî ûtheri, nwatî aaûkire nîguo ave andû ûira wa ûtheri.

Johana 12:40

“Ngai nîamatuîte atumumu, na akamaûmia ngoro, nîguo matikone na metho mao, na matigataûkîrwe ngororî ciao, wana matikanjokerere nîmavonie.”

Johana 8:12

Jesû nîwarîrie Afarisai rîngî akîmeera atîrî, “Nie nînie ûtheri wa nthî. Mûndû wa wonthe ûnûmagîrîra nîakûgîa na ûtheri wa mwoyo na ndakaathiîcagîrîra ndumarî.”

Johana 9:4

Rîrîa kûrî mûthenya nwa nginya twîkare tûkîrutaga wîra wa ûrîa wandûmire. Ûtukû nîûgûkinya rîrîa gûtarî mûndû ûngîvota kûruta wîra.

Ciîko 13:26

“Ariû na aarî a îthe wetû, mue a mbarî ya Iburahimu, wa namue muonthe andû a ndûrîrî arîa mûgoocaga Ngai na mûrî ava: tue tuonthe nîtue tûtûmîrîtwe ndûmîrîri îno ya ûvonokio!

Ciîko 13:47

Nîûndû ûguo nîguo Mwathani aatwathire twîkage vîndî îrîa ke aaugire atîrî: ‘Nie nînagûtua ûtheri kûrî andû a ndûrîrî, nîguo wonie andû onthe a gûkû nthî ûrîa makûvonoka.’ ”

Ciîko 26:18

Nîngûtûma ûthiî ûkamavingûre metho nîguo maume ndumarî maûke kûrî ûtheri, na maume vinyarî wa Caitani maûke kûrî Ngai. Na nîûndû wa kûmbîtîkia makovagîrwa mevia mao na makaavewa îgai vamwe na andû arîa Ngai athuurîte.’

2Ath 1:3

Ariû na aarî a îthe wetû, nwanginya tûcokagie ngatho kûrî Ngai vîndî cionthe nîûndû wenyu. Tue nîtwagîrîrwe nî gwîka ûguo nîûndû wîtîkio wenyu nîûrakûra mûno, na wendani gatagatîrî kenyu nî ûrongerereka.

2Pet 1:19

Na tûrî na ûma makîrîa wa ndûmîrîri îrîa yanîrîrwe nî arathi. Nîmwagîrîrwe nî kûthikîrîria ndûmîrîri îo, nîûndû yo îkariî ta taa yakanîte vandû ndumarî nginya gûkîe, na ûtheri wa njata ya kîraûko ûgakengaga ngororî cienyu.

2Pet 3:18

Nwatî thiîni na mbere gûkûra mûrî na wega na ûûgî wa Mwathani na Mûvonokia wetû Jesû Kristû. Ke arokumua rîu nginya tene na tene! Ameni.

1Joh 2:8

Nwatî nîramwandîkîra rîathani rîcerû na Mesaya nîwonanîtie atî ûndû ûcio nî wa ma na wanamue nîmwonanîtie wa guo. Nîûndû nduma nî îrathira, naguo ûtheri ûrîa wa ma nî ûramûrîka.

Kûguû 11:18

Andû a ndûrîrî nîmaang'ûrîkire nîûndû îvinda nîrîkinyu rîa kwonania marakara maku, na îvinda rîa gûtuîra arîa akuû. Îvinda nîrîkinyu rîa kûva ndungata ciaku iveo na nîo arathi, andû arîa atheru, arîa onthe magwîtigagîra anene wa na arîa anini. Îvinda nîrîkinyu rîa kûûraga arîa macûkangagia nthî!”

Kûguû 2:28

Nîngaamûva njata îrîa îkengaga kîraûko.

Kûguû 22:16

“Nie Jesû, nînie ndûmîte mûraika wakwa kûrî mue nîguo anîrîre ndûmîrîri îno kûu makanitharî. Nie nîrî wa rûciaro rwa nyomba ya Daudi. Nie nînie njata îrîa ngengu ya kîraûko.”

Kûguû 22:2

Rwanyûrûrûkîte rûthiîrîrîte gatagatî ka varavara ya îtûûra rîu rînene. Mîena yoîrî ya rûnjî rûu nîkwamerete mûtî wa matunda ma mwoyo. Mûtî ûcio nîûciaraga matunda maita îkûmi na maîrî wa mwaka, na riita rîmwe wa mweri. Namo mathangû ma mûtî ûcio nîmatumagîrwa nî andû a ndûrîrî cionthe kûvonia mîrimû.

Ruthu 2:12

Ngai-Mûnene arokûva kîveo nîûndû wa maûndû mau wîkîte. Ngai-Mûnene, Ngai wa Isiraeli ûrîa ûkîte kûrî ke nîguo akûgitîre arokûva kîveo kîrîa Kîamgîrîrîte!”