Malaki 3:8 - ÎVUKU RÎA ÛVORO MWARO

⁸ Mûndû nwa aîe Ngai? Nwatî mue nîmûmbîaga na vinya. Nwatî mûragia atîrî, ‘Tûkwîyaga na njîra îrîkû?’ Mûmbîyaga rîrîa mûkûruta gîcunjî gîa îkûmi na matega menyu.

Malaki 3:8 ပူးပေါင်းရင်းမြစ်များ

Thaburi 29:2

Vani Ngai-Mûnene gîtîîo nîûndû wa riiri wa rîîtwa rîake. Goocani Ngai-Mûnene arî hekarûrî yake ntheru.

Nthi 11:24

Andû amwe mavecanaga na ûtaana na makathiî na mbere gûtonga; nao arîa engî mativecanaga, nwatî nwakwa mathiîcaga na mbere kûthîna.

Isaia 43:23

Ndwamindîre ng'ondu yaku ya matega ma kûvîvua, kana ûndîîa na magongoona maku. Ndiakûritûvîra ngîgwîtia matega, kana ngûnogia ngîgwîtia ûbani.

Alawi 19:25

Nwatî mwakarî wa gatano, nwa mûrîe matunda marîa magaaciarwa. Mweka maûndû mau monthe, mîtî yenyu nîgaaciara matunda meengî makîria. Nie nînie Ngai-Mûnene, Ngai wenyu.

Zakaria 5:3

Nîwacokire akîmbîra atîrî, “Îvukuurî rîu rîa gîkûnjo nîkwandîke kîrumi kîrîa gîkaanyita vûrûri wonthe. Îvuku rîu rîa gîkûnjo, mwena ûmwe riugîte mûndû wa wonthe ûkaîa nîakaaûragwa. Naguo mwena ûcio wîngî riugîte mûndû wonthe ûkevîta na njîra ya maveeni nîakaaûragwa.

Malaki 1:13

Mugaga atîrî, ‘Maûndû mama nî mûrigo mûrito kûrî tue’ na nîmûnjonorithagia. Mûndutagîra magongoona ma indo irîa mûcunanîte na vinya, kana irîa monju, kana irîa ndwaru. Nie nwa nyamûkîre indo ta icio? Ûguo nîguo Ngai-Mûnene mwene vinya wonthe araûria.

Malaki 1:8

Rîrîa mwaruta nyamû îno ndumumu, kana kîthua, kana îno ndwaru rîrî îgongoona, ûguo tî naaî? Ûngîva mûnene waku nyamû ta îo kîrî kîveo, nwa akene?”

Mathaayo 22:21

Nao nîmaamûcokerie atîrî, “Nî cia mûthamaki wa Roma.” Nake Jesû nîwamerire atîrî, “Rutagîrani mûthamaki wa Roma kîrîa kîthagîrwa gî gîake na mûrutagîre Ngai kîrîa kîthagîrwa gî gîake.”

Maariko 12:17

Kwoguo Jesû nîwamerire atîrî, “Rutagîrani mûthamaki wa Roma kîrîa kîthagîrwa kîrî gîake, na mûrutagîre Ngai kîrîa kîthagîrwa gî gîake.” Nao andû nîmaamakire nîûndû wa ûrîa aamacokerie.

Luka 20:25

Jesû nîwamerire atîrî, “Kwoguo rutagîrani mûthamaki wa Roma kîndû kîrîa kîthagîrwa kîrî gîake, na mûrutagîre Ngai kîndû kîrîa kîthagîrwa kîrî gîake.”

Aroma 13:7

Marîvageni onthe kîrîa mwagîrîrwe nî kûmarîva. Rutagani gooti rîrîa rîonthe mwagîrîrwe nî kûruta. Îtigagîreni arîa magîrîrwe nî gwîtigîrwa, na mûtîîe arîa magîrîrwe nî gûtîîwa.

Aroma 2:22

Wîraga andû arîa engî, “Mûtikaatharie,” nwatî we mwene nîûtharagia? We nîûmenete mîvuanano, nwatî nîwîaga indo cia hekarû.

Josh 7:11

Aisiraeli nîmevîtie! Nîmaregete kwathîkîra kîrîkanîro gîakwa kîrîa namaathire mavingie. Nîmocete indo imwe cia irîa nameerire macûkangie magaciîa, makaveenania na magîciiga vamwe na indo ciao.