Malaki 3:6 - ÎVUKU RÎA ÛVORO MWARO

⁶ “Nie Ngai-Mûnene ndicenjagia. Kwoguo mue andû a rûciaro rwa Jakovu, mûtirî acûkangie mûkathira.

Malaki 3:6 ပူးပေါင်းရင်းမြစ်များ

Kîam 15:18

Mûthenya ûcio Ngai-Mûnene nîwarûthire kîrîkanîro na Aburamu na akiuga atîrî, “Nie nîngaava njiarwa ciaku vûrûri ûyû wonthe, kuuma mûvakarî wa Misiri nginya rûnjîrî rwa Farati.

Kîam 15:7

Nîwacokire akîmwîra atîrî, “Nînie Ngai-Mûnene ûrîa wagûtongoririe kuuma Uri ya Akalidei nîguo mbûke ngûve vûrûri ûyû ûtuîke waku.”

Kîam 22:16

“Ngai-Mûnene nîevîtîte akîgwetaga rîîtwa rîake akiugaga, atî nîngaakûrathima nîûndû ndûnangiria mûvîcîguo wa kîmomwe.

Thaburi 102:26

Îgûrû na nthî nîikaathira, nwatî we nîûtûûra kuo, ikaathira ta nguo ngûrû, na nîikaaûrîra.

Thaburi 102:27

Nwatî we ndûgarûrûkaga, na ûtûûraga tene na tene.

Thaburi 102:28

Ciana cia ndungata ciaku igaatûûraga irî ngitîre, nacio njiarwa ciao igaatûûra ciîkindîrîtie varî we.

Thaburi 103:17

Nwatî wendo ûtathiraga wa Ngai-Mûnene, ûtûûraga tene na tene, kûrî arîa onthe mamwîtigagîra, na ûthingu wake ûtûûraga kûrî njiarwa cionthe,

Thaburi 78:38

Nwatî Ngai nîwaeguîrîre andû ake ntha, na akîmarekera mevia mao. Mavinda meengî nîwerigagîrîria kûrakara, na nîwerigagîrîria mang'ûrîka.

Thaburi 78:57

makîgarûrûka na magîka maûndû macûku ta methe mao; maathugarire ta ûta ûtarî mûrûngarû.

Isaia 41:13

Nîûndû nie Ngai-Mûnene Ngai waku, nîngûnyitaga njara yaku ya ûrîo, na ngakwîra atî: ‘Tiga gwîtigîra, nîngûgûtethia.’ ”

Isaia 44:6

Ngai-Mûnene mwene vinya wonthe Mûthamaki na Mûkûri wa Isiraeli arauga atîrî, “Nie nînie wa mbere na nînie wa mûthiia; gûtirî ngai îngî tiga nie.

Isaia 46:4

Nie nînie Ngai wenyu na nîndûûra nîmûmenyagîrîra nginya ûkûrûrî wenyu wana rîrîa mûkaauma mbuî. Nie nînie namûmbire na nîndûûra nîmûmenyagîrîra; nîngaamûkuua na nîmûvonokie.

Jeremia 32:27

“Taroria, nie nînie Ngai-Mûnene, Ngai wa andû onthe. Gûtirî ûndû ûngînema.

Danieli 6:26

Nînathana nauga atî kûrîa kuonthe ûthamaki wakwa ûkinyîte, nwanginya andû onthe metigagîre na matîage Ngai wa Danieli. Nîûndû ke nî Ngai wî mwoyo na ûtûûraga tene na tene. Ûthamaki wake ndûkaathira rî kana rî na nîatûûra athanaga tene na tene.

Hosea 11:9

Nîngwîrigîrîria ndigeke ûndû na marakara; ndigaacûkangia Efiraimu rîngî, nîûndû nî Ngai na ndiîkariî ta mûndû. Nie ûrîa mûtheru gatagatîrî kenyu, ndigaûka gûkûverithia nîrî na marakara.

Habakuku 1:12

We Ngai-Mûnene kuuma Kîammbîrîria we warî Ngai. Ûrî Ngai wakwa, mûtheru na wa tene na tene. We Ngai wakwa, mûtheru wakwa ûtakucaga, we Ngai-Mûnene nîûthuurîte Akalidei nîguo matûtuîre ciira; we Îthiga, ûmavete vinya nîguo matûverithie.

Ndari 23:19

Ngai ndekariî ta mûndû atî nwa aveenanie, kana ta mûndû wa nthî atî nwa ericûkwe. Ûndû wa wonthe eranagîra nîavingagia. Ke aaragia na ûrîa auga ûgatuîkîka.

Aroma 5:10

Vîndî îmwe twarî nthû cia Ngai, nwatî ke nîwatûtuire arata ake na njîra ya gîkuû Kîam mûriû wake. Na rîu nîûndû tûrî arata a Ngai ke nîagaatûvonokia na njîra ya Kristû.

Afil 1:6

Kwoguo nîrî na ma atî Ngai ûrîa wambîrîrie wîra mwaro kûrî mue nî akûûruta nginya akaaûrîkia mûthenya wa gûcoka kwa Jesû Kristû.

Ahib 13:8

Jesû Kristû ûrîa arekariî îgoro, nîguo ekariî ûmûnthî na nîatûûra ûguo tene na tene.

Ahib 6:18

Kûrî na maûndû maîrî marîa matangîgarûrîka namo nî atî: Ngai ndangîîricûkwa rîrîa akwîranîra ûndû, na ndangîveenania rîrîa akwîvîta. Maûndû mama nîmatûmagîrîria tue arîa tûthiîcaga kûrî Ngai nîguo atûgitîre, na nîmatûvecaga vinya wa gûtûûra tûrî na kîîrîgîrîro kîrîa kigîtwe mbere yetû.

Jakuvu 1:17

Gîîko wa kîonthe Kîamro na kîveo wa kîonthe gîkinyanîru kiumaga îgûrû. Kînyûrûrûkaga kiumîte kûrî Ngai mûmbi wa motheri ma îgûrû, ûrîa ûtagarûrûkaga ta iruru cia motheri ma îgûrû.

Kûguû 1:8

Mwathani Ngai, Mwene vinya wonthe, ûrîa warî kuo, ûrî kuo, na ûrîa ûgaûka arauga atîrî, “Nie nînie wa mbere na wa mûthiia.”

Kûguû 22:13

Nie nînie wa mbere na wa mûthiia, Kîammbîrîria na kîrîkîro.”

1Sam 15:29

Nake Ngai wa Isiraeli ûrîa ûrî riiri ndaveenanagia kana ericûkwe, nîûndû ke ndekariî ta mûndû.”