Malaki 3:14 - ÎVUKU RÎA ÛVORO MWARO

¹⁴ Mue mugaga atîrî, ‘Gûtirî na vata wa gûtungatîra Ngai-Mûnene. Kûrî na umithio ûrîkû wa kwathîkîra Ngai-Mûnene, mwene vinya wonthe, kana kûgeria kûmwonia atî nîtwîvîtie tûrî mbere yake na njîra ya kûthiî varî ke tûgîcakayaga.

Malaki 3:14 ပူးပေါင်းရင်းမြစ်များ

Ayubu 22:17

Merire Ngai atîrî, ‘Tigana natuî,’ na makîûria Ngai mwene vinya wonthe atîrî, ‘Ûngîtwîka atîa?’

Ayubu 34:9

Augaga atî gûtirî ûndû mwaro oonaga, atî nîguo arûmîrîre wendi wa Ngai.

Ayubu 35:3

Kana ûragia Ngai atîrî, ‘Ngîte na mûnyaka ûrîkû? Ngîte na umithio ûrîkû ethîrwa atî ndiîvîtie?’

Isaia 43:22

“Kûnarî ûguo, we Jakovu ndwangooca; we Isiraeli, nîûnogetue nînie.

Isaia 58:3

Andû maraûria atîrî, “Twînyerekagia nîkî, nawe Ngai-Mûnene ndwonaga? Twîimaga irio nîkî, nawe ndûtindanagîra na ûndû ûcio?” Nake Ngai-Mûnene aramacokeria atîrî, “Mûthenya ûrîa mûrenyerekia, mûrûmagîrîra wendi wenyu tu, na mûgakinyîrîria aruti wîra enyu onthe.

Jeremia 18:12

Nwatî o maugaga atî, ‘Tûtingîka ûguo! Nîtûthiî na mbere na mîvango yetû, na wa mûndû nî athiî na mbere gwîka maûndû macûku kûringana na ûûmû na waganu wa ngoro yake.’ ”

Jeremia 2:25

Isiraeli ndûkanogie magûrû maku, kana ûng'aria mîmero yaku. Nwatî ugaga atî: ‘Gûtirî na kîîrîgîrîro, nîûndû nînendire ngai ng'eni, icio nîcio ngagoocaga.’ ”

Jeremia 44:18

Nwatî kuuma twatiga kûvîvîria mûthamaki wa mûndûmûka wa îgûrû na gwîtûrûra ndivei nthî îrî îgongoona kûrî ke, twîthîrîtwe tûtarî na kîndû, na tûkathirua nî mbaara na yûra.”

Hosea 7:16

Nîmagarûrûkîrîte ngai ya Baali, mekariî ta ûta mûregerû. Atongoria ao makaûragîrwa mbaararî, nîûndû wa ciugo ciao cia mwîtîîo. Kwoguo nîmakaanyararwa marî vûrûri wa Misiri.

Joeli 2:12

“Nwatî kûnarî ûguo,” nie Ngai-Mûnene nauga atîrî, “Njokererani na ngoro yonthe, na njîra ya kwînyerekia, kûrîra na gûcakaya.

Zefania 1:12

Vîndî îo nîngoca taa na nthiî Jerusalemu ngîcaragia; Nîngaverithia andû arîa meganaga na makeîraga na ngoro atî, ‘Ngai-Mûnene ndarî ûndû ekaga: mwaro kana mûcûku.’

Malaki 3:13

Ngai-Mûnene arauga atîrî, “Nîmwarîtie maûndû macûku mûno mambîgiî. Nwatî mue mûragia atîrî, ‘Nî maûndû marîkû macûku twarîtie îgûrû rîaku?’

Jakuvu 4:9

Îguani kîeva, rîrani na mûcakae. Mîtheko yenyu nî îgarûrûke îtuîke kîrîro, nakîo gîkeno kîenyu gîtuîke kîeva.