Malaki 2:7 - ÎVUKU RÎA ÛVORO MWARO

⁷ Wîra wa athînjîri-Ngai, nî kûthomithia andû kîrîra Kîam ma Kîam Ngai, na kûthomithia andû maûndû marîa mendaga meke; nîûndû o nîo anjaama a Ngai-Mûnene mwene vinya wonthe.

Malaki 2:7 ပူးပေါင်းရင်းမြစ်များ

2Atha 16:11

Kwoguo mûthînjîri-Ngai Uria nîwatumire metha ya kîgongoona îkariî ta îrîa yarî Damesiki viû, na akîmîrîkia mbere ya mûthamaki Ahazi acoka kuuma Damesiki.

2Atha 16:16

Mûthînjîri-Ngai Uria nîwekire maûndû mau monthe wata ûrîa aathîtwe nî mûthamaki Ahazi.

2Maû 30:22

Nake Hezekia nîwagathîrîrie Alawi onthe nîûndû wa wara wao wa gûtungatîra Ngai-Mûnene. Kwoguo andû nîmaarîre irio cia kîrugo îvinda rîa mîthenya mûgwanja (7). Nîmaarutaga magongoona ma thayû na magîkumagia Ngai-Mûnene, Ngai wa methe mao.

2Maû 31:4

Mûthamaki nîwathire andû arîa maatûûraga Jerusalemu mave athînjîri-Ngai na Alawi gîcunjî kîrîa maagîrîrwe nî kûvewa nîguo wanao merutîre viû kûvingia watho wa Ngai-Mûnene.

Ezira 7:10

Ezira nîwevecanîte ûtûûrorî wake kûthoma watho wa Ngai-Mûnene, na gwîka ûrîa watho ûcio ugîte, na kûthomithia andû a Isiraeli mawatho, kîrîra kîgiî watho ûcio, na maûndû megiî mûtûûrîre.

Ezira 7:25

“Nawe Ezira, ûgîtûmagîra ûûgî ûrîa ûvetwe nî Ngai waku, ûkaathuura atongoria na atuithania ciira a kwathaga andû onthe arîa marî vûrûrirî ûrîa ûrî mwena wa îthûîro wa Rûnjî rwa Farati. Andû acio ûkaathuura methîrwe nî andû maicî watho wa Ngai wenyu na nîmaûrûmagîrîra. Nao andû arîa mataicî watho ûcio nîmathomithue maûmenye.

Nthi 5:2

nîguo ûvotage gûtaûkîrwa nî maûndû, na mîario yaku îkonanagia ûrî na ûmenyo.

Mûvunjia 5:5

Nî kava kûrega kwîranîra ûndû gûkîra kwîranîra na ûrege kûvingia ûrîa wîranîrîte.

Isaia 42:19

Nû mûtumumu tiga ndungata yakwa, kana gîtaigua ta mûnjaama ûrîa ndûmaga? Nû mûtumumu ta mûndû ûrîa nîyamûrîrîte, kana ta mûtumumu ndungata ya Ngai-Mûnene?

Isaia 44:26

Nînie mbîkagîra ciugo cia ndungata yakwa vinya, na ngavingia mataaro ma anjaama akwa. Nînie mbîraga Jerusalemu atî andû nîmagaatûûra kuo rîngî, namo matûûra ma Juda nîmagaatumwa rîngî, na nîngaatuma rîngî matûûra ma kuo marîa macûkangu.

Jeremia 15:19

Kwoguo Ngai-Mûnene arauga atîrî, “Ûngînjokerera nîngûgûcokia ûrîa wekariî mbere, nawe nî ûkandungatîra rîngî. Ûngîaria maûndû marîa magîrîrîte na tî marîa matarî vata, we ûkaragia vandûrî vakwa. Andû nîmagagûcokerera, nwatî we ndûkaathiî kûrî o.

Jeremia 18:18

Nao andû nîmaacokire makiuga atîrî, “Ûkani tûvange ûrîa tûkûraga Jeremia. Tûtigatura athînjîri-Ngai a gûtûthomithia kana andû aûgî a gûtûtaara na arathi a kwanîrîra ndûmîrîri ya Ngai-Mûnene. Ûkani tûmûthitange na ciugo ciake ke mwene na tûtikathikîrîrie ûrîa arauga.”

Jeremia 2:8

Athînjîri-Ngai matiaûria atîrî, ‘Ngai-Mûnene arî kû?’ Arîa maarî na ûûgî wa Watho matiamenya, athani nîmareganire nanie. Arathi maarathire na rîîtwa rîa Baali na makîgooca mîvuanano îrîa îtarî vata.”

Ezek 22:26

Athînjîri-Ngai ao nîmaunîte watho wakwa, na nîmagwatîtie indo ciakwa irîa ntheru mûgiro. Matiîkagîra ngûrani gatagatî ka indo irîa ntheru na irîa itarî ntheru, wana kana mathomithanie ûvoro wîgiî maûndû marîa marî gîko na marîa matarî gîko. Matiathîkagîra thavatû ciakwa, na nîmatûmîte ndega kûvewa gîtîîo gatagatîrî kao.

Ezek 7:26

Maûndû macûku magaaûka marûmanîrîrîte. Ndûmîrîri cia maûndû macûku igaaûkaga irûmanîrîrîte. Nîmagaacaragia kîoneki kuuma kûrî arathi. Athînjîri-Ngai nîmagaatura ûndû wa kûthomithania, nao athuuri matikethîrwa marî na kîrîra.

Danieli 11:33

Andû aûgî gatagatîrî ka andû acio nîmagaatûma andû eengî mataûkîrwe. Nwatî vuva wa kavinda kanini amwe gatagatîrî kao nîmakaaûragîrwa mbaararî kana mavîvue makue, nao engî nîmagoocwa na mathamue.

Hosea 4:6

Andû akwa makucaga nîûndû wa gûtura ûmenyo; nîûndû we mûthînjîri-Ngai nîûreganîte na ûmenyo, nînarega ûtuîke mûthînjîri-Ngai wakwa. Nîûndû we nîûriganîrîtwe nî watho wa Ngai waku, wananie nîngariganîrwa nî ciana ciaku.

Alawi 10:11

Nwanginya mûthomithie andû a Isiraeli mawatho monthe marîa nîmwîrîte kûvîtûkîrîra kûrî Musa.”

Zefania 3:4

Arathi akuo nî andû matangîîvokwa na marî maveeni. Athînjîri-Ngai nîmavakîte vandû va kûgoocerwa gîko, na makagarûra watho wa Ngai nîguo wîgucane na ûrîa makwenda.

Hagai 1:13

Nake Hagai, mûnjaama wa Ngai-Mûnene, nîwavere andû ndûmîrîri kuuma kûrî Ngai-Mûnene yaugaga atîrî, “Nie nîrî vamwe namue.”

Zakaria 7:3

na maûrie athînjîri-Ngai arîa matungataga hekarûrî ya Ngai-Mûnene mwene vinya wonthe na arathi atîrî, “Nîwaro tûthiî na mbere gûcakaya na kwînyerekia mwerirî ûyû wa gatano ta ûrîa tûtwîre twîkaga mîaka mîîngî?”

Malaki 3:1

Ngai-Mûnene mwene vinya wonthe augîte atîrî, “Taroria! Nînîratûma mûnjaama nîguo athiî akavarîrîrie njîra yakwa. Mwathani ûrîa mûracaria nîagaaûka hekarûrî yake wa rîmwe. Mûnjaama ûrîa mûtûûrîte mwîrîgîrîrîte nîagaaûka na anîrîre kîrîkanîro gîakwa.”

Ndari 27:21

Eliazaru, mûthînjîri-Ngai nîke ûkaamûmenyithagia wendi wakwa na njîra ya gûtûmîra Urimu na Thumimu. Na njîra îo, Eleazaru agaatongoragia Joshua na andû onthe a Isiraeli maûndûrî mao monthe.”

Johana 13:20

Nie nîramwîra ûvoro wa ma atî, mûndû wa wonthe wamûkagîra mûndû ûrîa ndûmîte wa nanie nîanyamûkagîra. Nake mûndû wa wonthe ûnyamûkagîra nîwamûkagîra ûrîa wandûmire.”

Johana 20:21

Nake Jesû nîwamerire rîngî atîrî, “Gîani na thayû. Wa ta ûrîa Vava aandûmire, nwaguo wa nanie namûtûma.”

Ciîko 16:17

Mwîrîtu ûcio nîwarûmîrîrie Paûlo vamwe wa natue akiugagîrîria atîrî, “Andû aya nî ndungata cia Ngai Ûrîa Ûrî Îgûrû Mûno! O nîmaranîrîra ûrîa mûngîvonoka!”

2Akor 5:20

Kwoguo, tue tûrî arîrîria a Kristû ta arî Ngai ûrathaithana na njîra yetû. Nîtûramûthaitha vandûrî va Kristû, mwîgwithanue na Ngai.

Agal 4:14

Wana ethîrwa nîmwagîre na mathîna meengî nîûndû naarî mûrwaru, mûtiamena kana mûndiga. Nîmwanyamûkîre wata ûrîa mûngîamûkîra mûraika wa Ngai, kana ta Jesû Kristû ke mwene.

Gûco 21:5

Athînjîri-Ngai Alawi nîmakaathiî vau wanao, nîûndû Ngai-Mûnene Ngai wenyu amathuurîte nîguo mamûtungatagîre na marathimage andû na rîîtwa rîake. Nîmagaatuithanagia maciira monthe megiî ngarari na mbaara.

Gûco 24:8

“Rîrîa mûndû arwara mûrimû mûcûku wa ngothi, nîathiî kûrî mûthînjîri-Ngai Mûlawi na amenyerere eke maûndû monthe marîa mûthînjîri-Ngai akaamwîra wata ûrîa namaathire.

1Ath 4:8

Kwoguo mûndû ûrîa ûregaga kwathîkîra kîrîra gîkî tî mûndû aregaga kwathîkîra, nwatî aregaga kwathîkîra Ngai ûrîa ûmûvecaga Roho wake Mûtheru.

1Sam 2:17

Kwoguo Ngai-Mûnene nîwonire atî, wîvia wa anake a Eli warî mûnene mûno, nîûndû matiavecaga iveo irîa ciarutagîrwa Ngai-Mûnene gîtîîo.