Malaki 2:6 - ÎVUKU RÎA ÛVORO MWARO

⁶ Maathomithagia ûvoro wa ma na matianathomithia maûndû ma maveeni. Nie nao twatûûrire tûrî na thayû na marî na mîthiîre mîaro, na makîthomithia andû engî ûvoro wa gûtigana na mevia.

Malaki 2:6 ပူးပေါင်းရင်းမြစ်များ

Kîam 17:1

Rîrîa Aburamu aarî na ûkûrû wa mîaka mîrongo kenda na kenda (99), Ngai-Mûnene nîwamumîrîre na akîmwîra atîrî, “Nînie Ngai mwene vinya wonthe. Mbathîkagîra na wîthagîrwe ûrî mûthingu vîndî cionthe.

Kîam 6:9

Ino nîcio njiarwa cia Nuhu. Nuhu aarî mûndû mûthingu, na nwake wenga tu warî mwaro îvindarî rîu. Nuhu aarî na ngwatanîro na Ngai.

Thaburi 119:142

Ûthingu waku nîwa tene na tene, na watho waku nî wa ma.

Thaburi 119:151

Nwatî we Ngai-Mûnene, wî vakuvî nanie, na maathani maku monthe nî ma ma.

Thaburi 37:30

Andû arîa athingu maragia ciugo cia ûûgî, na maragia ciugo cia waragania.

Thaburi 37:37

Taroria andû arîa aro, na athingu; andû arîa marî thayû marî njiarwa nyîngî.

Nthi 5:2

nîguo ûvotage gûtaûkîrwa nî maûndû, na mîario yaku îkonanagia ûrî na ûmenyo.

Jeremia 23:22

Nwatî kethîrwa manamenya meciria makwa nîmangîanîrîre ndûmîrîri yakwa kûrî andû akwa na nîmangîatûmire magarûrûke matigane na mîtûûrîre yao mîcûku na matige gwîka maûndû macûku.”

Danieli 12:3

Andû arîa aûgî magaakenga ta ûtheri wa îgûrû, nao arîa mekaga ciîko cia ûthingu nî magaakenga ta njata tene na tene.

Hosea 4:6

Andû akwa makucaga nîûndû wa gûtura ûmenyo; nîûndû we mûthînjîri-Ngai nîûreganîte na ûmenyo, nînarega ûtuîke mûthînjîri-Ngai wakwa. Nîûndû we nîûriganîrîtwe nî watho wa Ngai waku, wananie nîngariganîrwa nî ciana ciaku.

Mathaayo 22:16

Nîmaatûmire arutwa ao na andû amwe a Kîamma Kîam Aerodia kûrîke na makîmwîra atîrî, “Mwarimû, tue nîtwîcî atî we waragia ûma na nîûthomithagia andû ûma wîgiî wendi wa Ngai ûtakûmakua nî ûrîa magwîciria. Na ndwendaga kûmenya mûndû nî wa ngathî îrîkû.

Maariko 12:14

Nao nîmaathiîre kûrî ke na makîmwîra atîrî, “Mwarimû, tue nîtwîcî atî we waragia ûma ûtakûmakua nî ûrîa andû magwîciria. Ndwendaga kûmenya mûndû nî wa ngathî îrîkû, nwatî nîûthomithagia andû ûma wîgiî wendi wa Ngai. Tatwîre atîrî, watho wetû nîûtwîtîkîrîtie tûrutîre mûthamaki wa Roma gooti? Tûrutage gooti kana tûtikarutage?”

Luka 1:6

Na oîrî nîmaatûûrîte marî athingu methorî ma Ngai. Nao nîmaathîkagîra mawatho wa vamwe na maathani ma Mwathani matarî na ûcuke.

Luka 20:21

Nao andû acio nîmaathiîre na makîûria Jesû atîrî, “Mwarimû, tue nîtwîcî atî we waragia na ûkathomithania maûndû ma ma na ndûrî kîmenyano, nwatî nîûthomithanagia na ma wendi wa Ngai kûrî andû ake.

Ciîko 26:18

Nîngûtûma ûthiî ûkamavingûre metho nîguo maume ndumarî maûke kûrî ûtheri, na maume vinyarî wa Caitani maûke kûrî Ngai. Na nîûndû wa kûmbîtîkia makovagîrwa mevia mao na makaavewa îgai vamwe na andû arîa Ngai athuurîte.’

Gûco 33:10

Nîmakaathomithia njiarwa cia Jakovu irîra ciaku; na mathomithie andû a Isiraeli watho waku. Nîmagaakûvîvîria ûbani, na nîmakaarutîra matega ma kûvîvua metharî yaku ya kîgongoona.

Gûco 33:8

Ûvoro wîgiî mûvîrîga wa Lawi Musa nîwaugire atîrî, “We Ngai-Mûnene onania wendi waku kûrî Alawi acio aku evokeku, na njîra ya Urimu na Thumimu. Nîwamageririe marî Masa, nîwamatuîririe marî vakuvî na manjî ma Meriba.

Gûco 33:9

Alawi nîmaatwire matiganîrie aciari ao, makîriganîrwa nî aa mûrwang'ina na aa mwarwang'ina, na magîtiganîria ciana ciao. Nîmaavingirie maathani maku, na makîrûmîrîra kîrîkanîro gîaku.

Kûguû 14:5

Matianaria maûndû ma maveeni, na matirî ûcuke.

1Sam 2:12

Nake Eli aarî na anake ake. Anake acio maarî aganu na matiavecaga Ngai-Mûnene gîtîîo,