Malaki 2:5 - ÎVUKU RÎA ÛVORO MWARO

⁵ “Kîrîkanîrorî kîu gîakwa nao, nînamerîre ûvoro wa gûtûûra mwoyo na thayû, na atî nwa nginya mandîîe; nao nîmandîire, na magîtigîra rîîtwa rîakwa.

Malaki 2:5 ပူးပေါင်းရင်းမြစ်များ

Thaburi 61:5

We Ngai, nîwîguîte ciîranîro ciakwa, na nî ûmvete îgai rîrîa ûvecaga arîa magwîtigîrîte.

Nthi 14:2

Mûndû ûrîa ûrî mîthiîre mîrûngîrîru nîetigîrîte Ngai-Mûnene; nwatî ûrîa ûtarî mwîvokeku nîamûnyararaga.

Ezek 34:25

Nîngaarûtha kîrîkanîro Kîam thayû nacio. Nîngaaruta nyamû cia kîthaka kuuma vûrûrirî nîguo ng'ondu ciakwa itûûre irî ngitîre kûu werûrî na imamage mûtitûrî.

Ezek 37:26

Nîngaathondeka kîrîkanîro Kîam thayû nao na gîkethîrwa kîrî gîa gûtûûra tene na tene. Nîngaamarathima na ndûme mongerereke, na nîngaatuma hekarû yakwa vûrûrirî wao îtûûrage kuo tene na tene.

Ndari 25:7

Rîrîa Finehasi, mûvîcî wa Eliazaru wa Aroni mûthînjîri-Ngai oonire ûguo, nîwaûkîrire na agîtiga andû acio engî. Nîwocire îtumû,

Ndari 25:8

na akîrûmîrîria mûndûmûrûme ûcio kûu îgemarî. Nîwamûmundire na îtumû, rîgîtûrîkania na rîkîmunda îvu rîa mûndûmûka ûcio. Na njîra îo, mûthiro ûrîa wacûkangagia Isiraeli nîwathirire.

Ndari 3:45

“Îthenya rîa marikithathi monthe ma arûme a Isiraeli nyamûrîra Alawi matuîke akwa. Na îthenya rîa marikithathi ma ndîthia ya andû a Isiraeli nyamûrîra marikithathi ma ndîthia ya Alawi.

Ndari 8:15

Warîkia kûmatheria na kûmamûra, nîmagaatuîka andû agîrîru a kûruta wîra îgemarî rîa Ngai-Mûnene.