Malaki 2:16 - ÎVUKU RÎA ÛVORO MWARO

¹⁶ Ngai-Mûnene, Ngai wa Isiraeli augîte atîrî, “Nînthûrîte gûtecana kwa arîa mavikanîtie. Nînthûrîte mûndûmûrûme ûrîa wîkaga mûka gîko ta kîu gîcûku ûguo. Îîmenyerereni atî vîndî cionthe mûtûûre mûrî evokeku kûrî aka enyu.”

Malaki 2:16 ပူးပေါင်းရင်းမြစ်များ

Thaburi 73:6

Kwoguo mekagîra mwîtîîo ta mûkathî wa ngingo; naguo waganu ûkamakunîkîra ta nguo.

Nthi 28:13

Mûndû ûrîa ûthithaga mevia make ndangîgîa na mûtûûrîre mwaro, nwatî mûndû ûrîa umbûraga na agatiga mevia make nîakeguîrwa ntha nî Ngai.

Nthi 5:20

Mwana wakwa, nîndûî gîgûtûma merirîria ma mûndûmûka mûmaramaru makûrîa ta njovi? Nîndûî gîgûtûma ûgucîrîrua nî wendo wa mûndûmûka wene?

Isaia 28:20

Nîûndû ûrîrî wenyu nî mûkuvî mûno mwîtambûrûkîtie kuo, naguo mûrengeti ûrîa mwîkunîkagîra naguo nî mûceke mûno.

Isaia 50:1

Ngai-Mûnene arauga atîrî, “Maarûa îrîa yonanagia atî nîndete nyûkwe-î, îrî kû? Kana nî mûndû ûrîkû wa arîa nîrî na thirî wao nakwenderie? Ririkanani mevia menyu nîmo maatûmire mwendue, na waganu wenyu nîguo watûmire nyûkwe atewe.

Isaia 59:6

Ta ûrîa rûûî rwa mbûmbûî rûtangîkîrwa ta nguo, andû matingîvota gwîkunîkîra na maûndû marîa makaga. Wîra wao nî wîra wa waganu, na mekaga maûndû mao na vinya.

Luka 16:18

“Mûthuuri wa wonthe ûtecaga mûka na akavikia mûndûmûka wîngî nîatharagia. Nake mûthuuri wa wonthe ûvikagia mûndûmûka ûrîa ûtetwe nî mûthuuriwe, nîatharagia.

1Akor 7:10

Nao arîa mavikanîtie nîngûmava watho ûtarî wakwa nie mwene, nwatî nî wa Mwathani: mûndûmûka ndagîrîrwe nî gûtigana na mûthuuriwe.