Malaki 2:12 - ÎVUKU RÎA ÛVORO MWARO

¹² Ngai-Mûnene aroruta andû arîa mekaga maûndû mau rûciarorî rwa Jakovu, na matikarute ûira kana magongoona mbere ya Ngai-Mûnene, mwene vinya wonthe.

Malaki 2:12 ပူးပေါင်းရင်းမြစ်များ

1Maû 25:8

Andû onthe nîmaaikirie mîtî nîguo mamenye mawîra mao, arîa maarî akûrû kana ethî, athomi kana athomithania.

Isaia 61:8

Ngai-Mûnene arauga atîrî, “Nie mendete waragania, na nînthûrîte ûcunani na ûkinyanîrîria. Nîngaatuga andû akwa na wîvokeku, na ndûthe kîrîkanîro gîa gûtûûra tene na tene nao.

Isaia 66:3

“Andû arîa marutaga ndegwa îgongoona monaga arî ûndû ûmwe na kûruta mûndû îgongoona; arîa marutaga ng'ondu îgongoona monaga arî ûndû ûmwe na kuna ngui ngingo; arîa marutaga matega ma irio cia mûgûnda monaga arî ûndû ûmwe na kûruta îtega rîa nthakame ya ngûrwe; arîa marutaga îtega rîa ûbani monaga arî ûndû ûmwe na kûgooca mûvuanano. Andû acio methuurîrîte njîra ciao o ene, na makenaga rîrîa makûgooca Ngai na njîra itarî mbagîrîru.

Ezek 14:10

Mûrathi ûcio wa vamwe na mûndû ûcio ûrathiîte kûria ûtaaro kûrî mûrathi, onthe ngaamaverithia ûndû ûmwe.

Ezek 24:21

mbîre andû a Isiraeli atî nîmwîtîîaga na ûnene wa hekarû yake, nîmûmîriragîria na nîmûkenaga nîyo mûno mûkîmîona. Ngai-Mûnene nîakagwatia nyomba îo mûgiro na ciana cienyu cia anake na cia erîtu irîa mwatigire vuva, ikaaûragwa na rûviû.

Hosea 9:12

Wana marera ciana, ngaaciûraga cionthe viû. Kûgwatwa nî kîrumi nî o, rîrîa nie ngamatiganîria!”

Alawi 18:29

Mûndû wa wonthe ûgeeka ûndû ûmwe wa mama macûku nîakaamûranua na andû a Ngai.

Alawi 20:3

Mûndû ûrîa ûkaavaka îgema rîakwa rîtheru mûgiro na aconorithie rîîtwa rîakwa rîtheru na njîra ya kûvecana wanarî ûmwe wa ciana ciake kûrî Moleku, nîngaamûverithia na nîmwamûranie na andû akwa.

Amosi 5:22

Wana mwandutîra matega ma kûvîvua na matega ma irio cia mîgûnda ndikaametîkîra. Na ndigetîkîra matega menyu ma thayû ma nyamû irîa noru.

Zakaria 12:7

“Nake Ngai-Mûnene nîakaavonokia mbere andû arîa matûûraga Juda, nîguo nyomba ya Daudi na andû arîa matûûraga Jerusalemu matikone takwa marî aro gûkîra andû a Juda.

Malaki 1:10

Ngai-Mûnene mwene vinya wonthe arauga atîrî, “Narî kethîrwa nwa kwoneke mûndû gatagatîrî kenyu ûngîvinga mîrango ya hekarû, nîguo mûtigakie mwaki wa mana metharî yakwa ya kîgongoona! Nie ndikenagua nîmue na ndikaamûkîra matega menyu;

Malaki 1:13

Mugaga atîrî, ‘Maûndû mama nî mûrigo mûrito kûrî tue’ na nîmûnjonorithagia. Mûndutagîra magongoona ma indo irîa mûcunanîte na vinya, kana irîa monju, kana irîa ndwaru. Nie nwa nyamûkîre indo ta icio? Ûguo nîguo Ngai-Mûnene mwene vinya wonthe araûria.

Malaki 2:10

Na kinthî tuonthe tûtirî a îthe ûmwe? Na kinthî tuonthe tûtiaûmbirwe nî Ngai wa ûmwe? Nîndûî vi kîgiragia twîthîrwa tûrî evokeku mûndû na ûrîa wîngî, na tûgatûma kîrîkanîro Kîam Ngai na methe metû kîgîa na kîrumi.

Ndari 24:5

Magema menyu nî mathaka mue andû a Jakovu, kûrîa mûtûûraga nî kûthaka mue andû a Isiraeli.

Mathaayo 15:14

Tigani gûtangîka nîûndû wao! O nî atongoria atumumu. Mûtumumu agatongoria mûtumumu ûrîa wîngî, wa oîrî nîmagûcaga îrimarî.”

2Tim 3:13

Nwatî andû arîa aganu na arîa maveenanagia nîkwa makaathiîcaga na mbere gûcûka. Andû acio makaaveenanagia na makîveenagua.

Kûguû 19:20

Nayo nyamû nîyanyitirwe wa vamwe na mûrathi wa maveeni ûrîa waringaga ciama îrî vo. (Na njîra ya ciama icio, mûrathi ûcio wa maveeni nîwavîtithirie arîa maarî na rûûri rwa nyamû na maagoocete mûvuanano wayo.) Nyamû îo na mûrathi ûcio wa maveeni nîmaaikirue marî mwoyo îriarî rîa mwaki ûrîa wakanaga na ûviriti.

1Sam 3:14

Kwoguo nie nînîîvîtîte nîûndû wa andû a mûciî wa Eli ngauga, atî wîvia ûyû wîkîtwe nî andû a mûciî wa Eli ndûkaavota kûtherua nî kîgongoona wana kana îtega tene na tene.”