Malaki 2:11 - ÎVUKU RÎA ÛVORO MWARO

¹¹ Andû a Juda nîmaregete kwîvoka Ngai na nîmekîte maûndû marî na mûgiro Isiraeli na îtûûra rîa Jerusalemu. Nîmatûmîte hekarû ya Ngai-Mûnene îrîa endete îgwatwa nî mûgiro. Wana nîmavikîtie aka arîa magoocaga ngai ng'eni.

Malaki 2:11 ပူးပေါင်းရင်းမြစ်များ

Ezira 10:2

Nake Shekania mûvîcî wa Jehieli wa mbarî ya Elamu nîwerire Ezira atîrî, “Twîthîrîtwe tûtarî evokeku kûrî Ngai na njîra ya kûvikia erîtu a ndûrîrî irîa ciîngî. Nwatî kûnarî ûguo andû a Isiraeli marî na mwîvoko.

Ezira 9:12

Kwoguo nîmaatwîrire atî erîtu etû matikavikue nî andû ao kana andû etû mavikie erîtu ao. Na tûtikagwatanîre maûndû ma thayû kana tûmatethia maûndûrî wa monthe ethîrwa nîtûkwenda gûtûûra vûrûrirî ûyû na tûgaûtigîra njiarwa cietû tene na tene.

Thaburi 106:28

Nîmaacokire magîtuîka arûmîrîri a Baali marî Peori, na makîrîa magongoona marîa maarutîrîtwe mîvuanano îtarî mwoyo.

Jeremia 2:3

“Isiraeli, nie nînakwamûrîte, warî maciaro ma mbere ma maketha makwa, arîa onthe maagwîkire naaî nînamaverithirie, ngîtûma magwatwe nî maûndû macûku, ûguo nîguo nie Ngai-Mûnene nîrauga.”

Jeremia 3:10

Kûnarî ûguo, mwarwang'ina Juda ûrîa warî mûthaani, ndanjokerera na ngoro yonthe; nwatî aarî na ûvinga. Ûguo nîguo Ngai-Mûnene arauga.”

Jeremia 7:10

Mûcokaga mûgaûka na mûkarûngama mbere yakwa, hekarûrî îno îtanîtue na rîîtwa rîakwa na mûkauga atî, ‘Tûrî agitîre.’ Na mûgacoka mûkathiî na mbere gwîka maûndû marîa nthûrîte.

Ezek 18:13

nîakovithanagia indo agetia umithio na agoca maciaro makîria, nî agatûûra mwoyo? Ndagaatûûra mwoyo. Nîekîte maûndû monthe marîa marî mûgiro na nîagaakua. Ke nîagaacokererwa nî nthakame yake ke mwene.

Ezek 22:11

Amwe nîmekaga maûndû ma waga nthoni na aka a andû arîa mariganîtie nao, na engî mageka maûndû ma ûtharia na aka a avîcî ao. Andû engî gatagatîrî kenyu nîmekaga maûndû ma ûtharia na aa mwarwang'ina.

Hosea 6:7

Nwatî rîrîa maakinyire Adamu nîmaagararire kîrîkanîro gîakwa marî kûu nîmaatigire kûnîîvoka.

Alawi 20:26

Mue mûrî akwa na mûkethagîrwa mûrî atheru nîûndû Nie, Ngai-Mûnene nîrî mûtheru. Nîmûthuurîte kuuma gatagatî ka ndûrîrî irîa ciîngî nîguo mûtuîke akwa kîûmbe.

Malaki 1:1

Îno nî ndûmîrîri îrîa Ngai-Mûnene aveere mûrathi Malaki nîguo ere andû a Isiraeli.

Gûco 14:2

Mue mûrî andû atheru a Ngai-Mûnene Ngai wenyu, na amwamûrîte gatagatîrî ka mavûrûri marîa mengî monthe ma nthî nîguo mûtuîke andû ake kîûmbe.

Kûguû 21:8

Nwatî andû arîa iguoya, arîa matarî evokeku, arîa matarî atheru, mîtoi, arîa matharagia, arogi, arîa magoocaga mîvuanano, na arîa mavenanagia, nîmagaaikua îcuarî rîa mwaki ûrîa wakanaga na ûviriti, na nîkîo gîkuû gîa kaîrî.”

Atir 3:6

Erîtu a ndûrîrî icio nîmaavikirue nî anake a Isiraeli, nao anake a ndûrîrî makîvikia erîtu a Isiraeli. Kwoguo Erîtu a Isiraeli nîmaagoocire ngai cia ndûrîrî icio.