Malaki 1:8 - ÎVUKU RÎA ÛVORO MWARO

⁸ Rîrîa mwaruta nyamû îno ndumumu, kana kîthua, kana îno ndwaru rîrî îgongoona, ûguo tî naaî? Ûngîva mûnene waku nyamû ta îo kîrî kîveo, nwa akene?”

Malaki 1:8 ပူးပေါင်းရင်းမြစ်များ

Ayubu 42:8

Kwoguo rîu oca ndegwa mûgwanja na ndûrûme mûgwanja, ûcoke ûthiî nacio kûrî ndungata yakwa na ûrute îtega rîa kûvîvua. Ayubu nîagaakûvoera, na nie nîngegua mavoya make na ndege gûkûverithia kûringana na mavîtia maku. We nîwaregire kwaria ûvoro wa ma ûmbîgiî ta ûrîa Ayubu ethîrîtwe agîka.

Thaburi 20:3

Aroririkana matega maku monthe, na etîkîre magongoona maku ma kûvîvua.

Jeremia 14:10

Îgûrû rîgiî andû aya Ngai-Mûnene arauga atîrî: “Mendaga gûtûûra maûrûraga, mativurûkaga, kwoguo Ngai-Mûnene ndametîkagîra, na rîu nîakûririkana waganu wao, na amaverithie nîûndû wa mevia mao.”

Hosea 8:13

O nîmendete magongoona, na kûrîa nyama cia magongoona; nwatî nie Ngai-Mûnene ndikenagua nîo wana vanini; Ke aririkanaga mevia mao; na akamaverithia nîûndû wa mevia mao; nîakaamacokia Misiri ûkomborî.

Hagai 1:1

Mûthenya wa mbere wa mweri wa gatandatû mwaka wa kaîrî wa ûtongoria wa Dario mûthamaki wa Perisia, Ngai-Mûnene nîwavere mûrathi Hagai ndûmîrîri avirîre Zerubabeli mwana wa Shealitieli, mûnene wa Juda, na Joshua mûthînjîri-Ngai mûnene mwana wa Jehozadaki.

Malaki 1:10

Ngai-Mûnene mwene vinya wonthe arauga atîrî, “Narî kethîrwa nwa kwoneke mûndû gatagatîrî kenyu ûngîvinga mîrango ya hekarû, nîguo mûtigakie mwaki wa mana metharî yakwa ya kîgongoona! Nie ndikenagua nîmue na ndikaamûkîra matega menyu;

Malaki 1:7

Mûnyararîte na njîra ya kûrutîra metharî yakwa ya kîgongoona matega ma irio irî na gîko. Nwatî mûragia atîrî, ‘Tûkîvakîte gîko atîa?’ Na njîra ya kûnyarara metha yakwa ya kîgongoona.

Gûco 15:21

Nwatî nyamû îo îngîthîrwa îrî na wonje wa wonthe; îrî kîthua, îtakwona, kana wonje wîngî wa wonthe, mûtikamîrutîre Ngai-Mûnene Ngai wenyu îgongoona.