Malaki 1:3 - ÎVUKU RÎA ÛVORO MWARO

³ na ngîthûra Esaû. Nînacûkangirie vûrûri wa Esaû ûrîa ûrî irîma na nîguo îgai rîake, na ngîûtigîra nyamû cia kîthaka ciîkarage kuo.”

Malaki 1:3 ပူးပေါင်းရင်းမြစ်များ

Kîam 25:23

Nake Ngai-Mûnene nîwamwîrire atîrî, “Ndaarî yaku kûrî na ndûrîrî igîrî, we nîûgaaciara andû a mîvîrîga îîrî. Nao nî magaatûûra marûaga, ûmwe nîûgakîria ûrîa wîngî vinya. Ûrîa mûkûrû nîagaatungatîra ûrîa mûnini.”

Isaia 35:7

mûthanga ûrîa ûvenavenagia ta mwaki werûrî nîûgaatuîka îria rîa manjî, nayo nthî nyûmû nîkaatherûka manjî. Kûrîa ciathi itûûraga nîgûgecûra manjî, nyaki nîkaamera na îkûre îkare ta mûthanje na marura.

Jeremia 49:10

Nwatî nie ndigîte njiarwa cia Esaû itarî kîndû, na nîngunûrîte kûrîa methithîte, ndangîvota kwîthitha rîngî. Andû onthe a Esaû nîmacûkangîtue; gûtirî wanarî ûmwe wao mûtigaru.

Jeremia 49:20

Kwoguo ta thikîrîria mûvango ûrîa Ngai-Mûnene arî naguo îgûrû rîa Edom, na maûndû macûku marîa avangîte gwîka kûrî atûûri a Temani: wana nginya twana tûrîa tûnini mûno nîtûkathiîwa natuo, nao andû onthe nîmakaamakua mûno nî ûvoro ûcio.

Jeremia 49:33

Îtûûra rîa Hazoru nîrîtûûra rîrî werû tene na tene, mbwe nîcio îgatûûraga kuo. Gûtirî mûndû ûgacoka gûtûûra kuo, kana ararîrîra kuo. Ûguo nîguo nie Ngai-Mûnene nauga.”

Jeremia 49:7

Ûvororî wîgiî Edom Ngai-Mûnene mwene vinya wonthe arauga atîrî, “Nîkwa andû a Edomu mathirîtwe nî ûûgî? Nîkwa arîa mamataaraga matigîte kûmataara? Nîkwa ûûgî wao wonthe ûrî mûthiru viû?

Jeremia 49:8

Andû a Dedani garûrûkani mûre! Îthitheni! Nîngwananga njiarwa cia Esaû, nîûndû îvinda rîa kûiverithia nîrîkinyu.

Jeremia 51:37

Vûrûri wa Babuloni nîûtuîka maganjo; ûgaatuîka kûndû gwa gûtûûrwa nî mbwe, nîgûtuîka kîmako na kûndû gwa kûnyararûa, kûndû gûtatûûragwa nî andû.

Jeremia 9:11

Nîngatûma Jerusalemu îtuîke îganjo, gûtuîke kûndû kwa gwîkarwa nî ciathi, na ndûme matûûra ma Juda matuîke werû, kûndû gûtatûûragwa nî andû.”

Maca 4:22

Îvera rîa mevia maku we Zayuni nîrîthiru, Ngai-Mûnene ndangîtîkîra Zayuni îkare îthamîriorî rîngî, nwatî we Edomu nîûkaaverithua nî Ngai-Mûnene, na nîakoonania mevia maku ûtherirî.

Ezek 36:7

Nie Mwathani Ngai-Mûnene nevîta na neranîra atî, mavûrûri mau mamathiûrûrûkîrîtie nwanginya wana mo magaaconorithua.

Ezek 36:9

Nîrî mwena wenyu, na nwanginya mone atî vûrûri wenyu nîwarîmwa rîngî na wavandwa mbeû.

Joeli 3:19

Misiri gûkethîrwa kûrî werû, na Edomu gûkethîra kûrî werû, nîûndû nîmaatharîkîre andû a Juda, na makiûraga andû mataarî na mavîtia.

Obadia 1:10

“Maûndû macûku marîa mwekire aa mûrwanyûkwe njiarwa cia Jakovu, nîmo magaatûma mûconorithue na mûcûkangue tene na tene.

Luka 14:26

“Mûndû wa wonthe ûkaga kûrî nie na nwa ende gûtuîka mûrutwa wakwa nwa nginya amende makîria ya ûrîa endete îthe na ng'ina, mûka na ciana, aa mûrwang'ina na aa mwarwang'ina, na amende makîria ya ûrîa eyendete ke mwene.