Malaki 1:1 - ÎVUKU RÎA ÛVORO MWARO

¹ Îno nî ndûmîrîri îrîa Ngai-Mûnene aveere mûrathi Malaki nîguo ere andû a Isiraeli.

Malaki 1:1 ပူးပေါင်းရင်းမြစ်များ

Isaia 13:1

Îno nî ndûmîrîri îgiî Babuloni îrîa Isaia, mûvîcî wa Amozu oonirue nî Ngai.

Jeremia 23:33

Ngai-Mûnene aambîrire atîrî, “Mûrathi kana mûthînjîri-Ngai, kana mûndû ûmwe wa andû aya angîgakûûria atî, ‘Ndûmîrîri ndito ya Ngai-Mûnene nî ndûî?’ Nîûkaamûcokeria atî, ‘Mue nîmue mûrigo kûrî Ngai-Mûnene nake nîakûmûtecanîria.’

Nahumu 1:1

Ino nîyo ndûmîrîri îgiî Nineve. Nî îvuku rîa cioneki cia Nahumu mûvîcî wa Elikoshi.

Habakuku 1:1

Îno nî ndûmîrîri îrîa Ngai-Mûnene aaguûrîrie mûrathi Habakuku.

Hagai 1:1

Mûthenya wa mbere wa mweri wa gatandatû mwaka wa kaîrî wa ûtongoria wa Dario mûthamaki wa Perisia, Ngai-Mûnene nîwavere mûrathi Hagai ndûmîrîri avirîre Zerubabeli mwana wa Shealitieli, mûnene wa Juda, na Joshua mûthînjîri-Ngai mûnene mwana wa Jehozadaki.

Hagai 2:1

Mûthenya wa mîrongo îîrî na ûmwe, mweri wa mûgwanja mwaka wa ûcio, Ngai-Mûnene nîwarîrie mûrathi Hagai.

Zakaria 12:1

Îno nî ndûmîrîri ndito îgiî Isiraeli kuuma kûrî Ngai-Mûnene ûrîa waûmbire îgûrû, na akîûmba nthî na akîva mûndû mwoyo. Ke arauga atîrî,

Zakaria 9:1

Îno nî ndûmîrîri ndito ya Ngai-Mûnene îgiî vûrûri wa Hadiraki. Ngai-Mûnene nîatuîte kûverithia Hadiraki wana îtûûra rîa Damesiki. Andû onthe nî a Ngai-Mûnene, wana mîvîrîga yonthe ya Isiraeli.

Malaki 2:11

Andû a Juda nîmaregete kwîvoka Ngai na nîmekîte maûndû marî na mûgiro Isiraeli na îtûûra rîa Jerusalemu. Nîmatûmîte hekarû ya Ngai-Mûnene îrîa endete îgwatwa nî mûgiro. Wana nîmavikîtie aka arîa magoocaga ngai ng'eni.