Maca 5:1 - ÎVUKU RÎA ÛVORO MWARO

¹ We Ngai-Mûnene, taririkana maûndû marîa twonete, taroria wone ûrîa tûnyararîtwe.

Maca 5:1 ပူးပေါင်းရင်းမြစ်များ

Nehemia 1:3

Nao nîmaambîrire atî andû arîa maatigarire na maacokire Juda marî na thîna nene mûno na nîmaranyararwa nî ageni arîa mariganîtie nao. Nîmambîrire atî nthingo cia Jerusalemu nî nyomomoku na ivingo cia kuo nî mvîu nî mwaki.

Nehemia 1:8

Ririkana ûrîa werire ndungata yaku Musa atî, ‘Ethîrwa mue andû a Isiraeli tîmûtuîka evokeku mbere yakwa, nîngaamûnyagania kûrî ndûrîrî irîa ciîngî.

Nehemia 4:4

Nanie nînavoire Ngai ngiuga atîrî, “Ngai wetû twîgue. Andû aya nî maratûnyarara. Tiga kînyararo Kîamo kîmacokere. Tiga indo ciao irîa irî vata ciîwe na mavirwe njeera vûrûri mûgeni.

Ayubu 10:9

Ta ririkana atî wanyûmbire na yûmba. Nîkwa ûrenda kûndutumûra nduîke rûkûngû rîngî?

Ayubu 7:7

“We Ngai, ta ririkana atî ûtûûro wakwa nî ta mîvevû; ritho rîakwa rîtigacoka kwona ûndû mwaro rîngî.

Thaburi 119:153

Roria mathîna makwa na ûmvonokie, nîûndû ndiriganagîrwa nî watho waku.

Thaburi 74:18

Nwatî ririkana we Ngai-Mûnene atî nthû ciaku nîikûthekagîrîra, nî andû irimû na nîmakûnyararîte.

Thaburi 79:12

We Mwathani, îîrîvîrîrie kûrî ndûrîrî icio maita mûgwanja ma marîa ikûnyararîte namo.

Thaburi 79:4

Andû a ndûrîrî nî maratûnyarara, arîa tûriganîtie nao matûthekagîrîra na magatûnyûrûria.

Isaia 62:6

We Jerusalemu, nîmbigîte arangîri nthingorî ciaku, gûtirî vîndî magaakira mûthenya kana ûtukû. Mue namue mûririkanagia Ngai-Mûnene ciîranîro ciake, mûtigakire.

Jeremia 15:15

We Ngai-Mûnene nî ûmbicî ndirikana na ûnjerere, ndirikana na ûke ûndethie, ûndîvîrîrie kuumana na arîa manyariraga, nîûndû wa ûrîa ûkiragîrîria ndûgatûme mbûragwe, ririkana atî nie numagwa nî ûndû waku.

Jeremia 51:51

Mugaga atî: ‘Nîtûconorithîtue na tûkamenererua; twîcûrîtwe nî gîconoko, nîûndû ageni nîmatonyete kûndû kûrîa kûtheru nyombarî ya Ngai-Mûnene.’ ”

Maca 1:11

Andû onthe a Jerusalemu nîmaracaa magîcaria gîa kûrîa, makûûrananagia ûtonga wao na irio cia kûrîa, nîguo matûûre mwoyo. “We Ngai-Mûnene, ta roria wone ûrîa nyararîtwe.”

Maca 1:20

“Ngai-Mûnene ta roria wone gûkaa gwakwa, mwoyo wakwa ndûrî na vinya. Ngoro yakwa nî munîkangu nîûndû mbîthîrîtwe nîrî mûremi. Njîrarî kûrî na mbûragano, nyomba nakuo nîta gîkuû.

Maca 1:9

Gîko gîake nîkîonekaga nguorî ciake, nwatî ndaamakaga. Kwoguo kûgwa gwake kwarî kûnene, gûtirî mûndû wa kûmûmîrîria. Ûi Ngai-Mûnene taroria mathîna makwa, nîûndû nthû yakwa nîîvootanîte.

Maca 2:15

Andû arîa onthe mavîtûkaga na njîra nîmamûvûragîra mvî. Nîmainainagia ciongo na makatheka nîûndû wa kwomomorwa kwa Jerusalemu. Rîrî nîrîo îtûûra rîrîa maaugaga nîrîthaka na rîakenagia nthî yonthe?

Maca 2:20

We Ngai-Mûnene thikîrîria! Kûrî andû engî wanaverithia ûû? Aka mararîa ciana ciao irîa mendete, nao athînjîri-Ngai na arathi maûragagîrwa hekarûrî ya Ngai-Mûnene.

Maca 3:19

Ngai-Mûnene, ririkana mathîna na ûrûrû wakwa, ûcûkîte ta ûrûrû wa ûrogi.

Maca 3:50

nginya rîrîa Ngai-Mûnene agatûroria arî îgûrû na atwone.

Maca 3:61

“We Ngai-Mûnene nîwîguîte makînjambia, nîwîcî mîvango yao mîcûku îgûrû rîakwa.

Habakuku 3:2

We Ngai-Mûnene nîmbîguîte ûrîa wîkîte, maûndû marîa wîkîte we Ngai-Mûnene nîmatûmîte nîîtigîre. Îka maûndû mau rîngî îvindarî rîîrî rîetû, tûma mamenyekane îvindarî rîetû, ûnarî na marakara ririkana ntha ciaku.

Luka 23:42

Nake mûndû ûcio nîwacokire akîîra Jesû atîrî, “Jesû, ûkaandirikana vîndî îrîa ûgaatuîka Mûthamaki!”