Maca 4:7 - ÎVUKU RÎA ÛVORO MWARO

⁷ Anake a Zayuni maatherete gûkîra îra, maacerûvîte gûkîra îriia, mîîrî yao yatunîvîte ta ndûngûrû, ûthaka wao wekariî ta mathiga ma goro.

Maca 4:7 ပူးပေါင်းရင်းမြစ်များ

Ayubu 28:16

Ûrî goro gûkîra thaavu ya Ofiri, na gûkîra mathaga ma goro.

Ayubu 28:18

Ûûgî ûrî goro gûkîra mathiga monthe ma goro, thogora wa guo ûkîrîte ruru îrîa ndune.

Thaburi 144:12

Anake etû wîthîrî wao marogîa na vinya, ta mîtî ya mwarano îrîa îkûraga waro. Erîtu etû maroekara ta itugî, irî nyumie cia kûgemia nyomba ya mûthamaki.

Thaburi 51:7

Ntheria, na nî ngûthera; nthambia, na nî ngûcerûva gîkîra îra.

Ntha 24:10

na nîmoonire Ngai wa Isiraeli. Varîa aakinyîte vekariî ta vaarûthîtwe na mathiga ma goro ma rangi wa vururu ta wa matu.

Rwîmbo rwa Nyîmbo 5:10

Mwendwa wakwa nî mûthaka na arî vinya, arî ngûrani gatagatî ka arûme ngiri îkûmi.

Rwîmbo rwa Nyîmbo 5:15

Magûrû make nîmarûngarû ta itugî irî na vinya, ivandîtwe mûcingirî wa thaavu. Onekaga ekariî ta irîma cia Lebanoni, anyorokete ta mîtarakwe ya kuo.

Danieli 1:15

Na mîthenya îkûmi yathira, Danieli, Mîsheki, Shadiraka na Abedinego nîmonekire marî athaka na anoru gûkîra arîa maarîcaga irio na makanyua ndivei ya mûthamaki mûciî.

Luka 1:15

Nîûndû nîagaatuîka mûndû mûnene methorî ma Mwathani. Nake ndakaanyua ndivei wana kana anyue njovi. Kuuma gûciarwa gwake nîakethîrwa ecûrîtwe nî Roho Mûtheru.

Atir 13:5

na rîrîa ûgaaciara, kavîcî kau gatikenjwa njuîrî nîûndû gakethîrwa kamûrîrîtwe Ngai kuuma gûciarwa gwako na gakethîrwa karî Mûnazari. Nîke ûkambîrîria kûvonokia Aisiraeli kuuma kûrî Afilisiti.”

Atir 13:7

Nwatî nîambîrire atî nîngûgîa îvu na nîngaaciara kavîcî. Nîacokire ambîra atî ndikanyue ndivei kana njovi kana kîndû kîrî mûgiro nîûndû kavîcî kau nîgakaamûrîrwa Ngai ûtûûrorî wako wonthe na gakethîrwa karî Mûnazari.”

Atir 16:17

Mûthiiarî, nîwamwîrire ûma. Aamwîrire atîrî, “Njuîrî ciakwa itianenjwa. Naamûrîrwe Ngai nîrî Mûnazari kuuma rîrîa naaciarirwe. Nîngîenjwa njuîrî ciakwa cia kîongo, nîngîthirwa nî vinya wakwa na ngekara ta andû acio engî.”

1Sam 16:12

Kwoguo Jesii nîwamûtûmanîre na akîretwe. Nake aarî mwanake mûthaka, wîna vinya na aarî na metho maakengaga. Nake Ngai-Mûnene nîwerire Samueli atîrî, “Mûndû nî ûyû. Ûkîra na ûmwîtîrîrie maguta.”