Maca 4:4 - ÎVUKU RÎA ÛVORO MWARO

⁴ îtiganagîria ciana ciayo, ikua nî yûra na nyonda; ciana ciayo ivoyaga gîa kûrîa, na itionaga wa kûmarûmia kîndû.

Maca 4:4 ပူးပေါင်းရင်းမြစ်များ

2Atha 18:27

Nwatî Rabushake nîwamerire atîrî, “Nîkwa mûreciria mwathi wakwa, mûthamaki aandûmire kûrî mue muenga na mûthamaki wenyu tu? Nîrarîria wana andû arîa mekarîte îgûrû rîa rûthingo arîa mûrumanîrîtue nao, arîa makaarîcaga mai mao na manyunyage maumago mao, wata ûrîa wanamue mûgeekaga.”

2Atha 25:3

Mûthenyarî wa kenda, mwerirî wa kana mwakarî wa ûcio, yûra nîrîanenevire mûno îtûûrarî rîu nginya gûgîtura kîndû andû mangîrîa vûrûrirî.

Thaburi 137:6

Rûrîmî rwakwa rûroremwa nî kwina, nîngîriganîrwa nîwe, we Jerusalemu; nîngîrega gûgûtîîa gûkîra indo irîa ngenagîra mûno.

Thaburi 22:15

Mûmero wakwa ûnyarîte ta rûkûngû, na rûrîmî rwakwa rûnyitanîte na nthîa. Nî ûndiganîrîtie nthiî kwa arîa akuû.

Isaia 5:13

Kwoguo nîngaavira andû akwa îthamîriorî nîûndû wa kwaga ûmenyo. Atongoria ao nîmagaakua nî yûra, na andû eengî nîmagaakua nî nyonda.

Jeremia 14:3

Anene ao nîmatûmaga ndungata ciao manjî, mathiîcaga irikorî cia manjî nwatî mationaga manjî, macokaga na mîtûngi îtarî na kîndû, makunîkaga mothiû mao nî gûconoka na kûrwa nî vinya.

Maca 1:11

Andû onthe a Jerusalemu nîmaracaa magîcaria gîa kûrîa, makûûrananagia ûtonga wao na irio cia kûrîa, nîguo matûûre mwoyo. “We Ngai-Mûnene, ta roria wone ûrîa nyararîtwe.”

Luka 10:11

‘Wana nginya rûkûngû rwa îtûûra rîenyu rûrîa rûraûmbîrîrîte magûrûrî metû, nîtwerivariva ruo nîguo rûmûcokerere. Nwatî ririkanani atî, Ûthamaki wa Ngai ûrî vakuvî mûno namue!’

Gûco 28:48

Kwoguo, mûgaatungatagîra nthû cienyu irîa Ngai-Mûnene akaamûrekereria kûrî cio. Mûgaaitungatagîra mûrî avûtu, mûrî anyondu na mûrî njaga na mûtarî wanarî kîndû. Nthû cienyu ikaamûvinyîrîria nginya rîrîa mûgaakua mûthire.

Gûco 32:24

Nîmagaakua nîûndû wa yûra, na maûragwe nî mîrimû mîcûku. Nîngaatûma matharîkîrwe nî nyamû cia kîthaka, na ndûme njoka irîa irî ûrogi imarûme.