Maca 4:22 - ÎVUKU RÎA ÛVORO MWARO

²² Îvera rîa mevia maku we Zayuni nîrîthiru, Ngai-Mûnene ndangîtîkîra Zayuni îkare îthamîriorî rîngî, nwatî we Edomu nîûkaaverithua nî Ngai-Mûnene, na nîakoonania mevia maku ûtherirî.

Maca 4:22 ပူးပေါင်းရင်းမြစ်များ

Thaburi 137:7

We Ngai-Mûnene, taririkana ûrîa andû a Edomu meekire, rîrîa Jerusalemu yanyitirwe, maaugire atîrî, “Mîomomoreni nginya mîcingi ya yo!”

Isaia 40:2

Arîriani andû a Jerusalemu na ûvoreri. Na mûmeere atî ûkomborî ûrîa mararî nîwathira, na mevia mao nîmoverwa. Na atî Ngai-Mûnene amaverithîtie kwîgana nîûndû wa mevia mao monthe.”

Isaia 52:1

Ûkîra, ûkîra! Gîa na vinya, we Zayuni; îkîra nguo ciaku irîa mbaro, we Jerusalemu, îtûûra rîrîa rîamûre; nîûndû gûtirî mûndû ûtarî mûruu kana ûrî na mûgiro ûgaatonya gwaku rîngî.

Isaia 60:18

Gûtigaacoka kwîguîka thîna rîngî vûrûrirî waku, yûra kana kwanangîka gûtikegwîka rîngî mîvakarî yaku. Nîngaakûgitagîra na ngûmenyagîrîre ta rûthingo, nawe nîûkaangoocaga nîûndû nîngûvonoketie.

Jeremia 32:40

Nîngarûtha kîrîkanîro gîa tene na tene nao atî, ndigatiga kûmeka maûndû maro na nîngatûma manîtigîre na ngoro ciao cionthe, nîguo matikandiganîrie rîngî.

Jeremia 33:7

Nîngatûma andû a Juda na Isiraeli mekindîrie wata ûrîa mekariî mbere.

Jeremia 33:8

Nîngamatheria mevia monthe na nîmovere maûndû monthe macûku marîa manambîka na kûregana nanie.

Jeremia 49:10

Nwatî nie ndigîte njiarwa cia Esaû itarî kîndû, na nîngunûrîte kûrîa methithîte, ndangîvota kwîthitha rîngî. Andû onthe a Esaû nîmacûkangîtue; gûtirî wanarî ûmwe wao mûtigaru.

Jeremia 50:20

Rîrîa îvinda rîu rîgakinya, gûtirî wîvia kana waganu ûgekwa Isiraeli na Judea kuonthe, nîûndû nîngoovera andû arîa onthe maatigarire. Ûguo nîguo nie Ngai-Mûnene nauga.”

Maca 4:21

Kena na ûcanjamûke we mwarî wa Edomu, wana mue mûtûûraga Uzi kenani, nwatî îvinda rîenyu rîa mathîna nîrîgûkinya, mûkathiîcaga mûgîtûgûgaga na mûrî njaga.

Maca 4:6

Andû akwa maverithîtue, gûkîra andû a Sodomu, arîa maathirirue wa rîmwe, na mationa mûndû wa kûmatethia.

Ezek 37:28

Nacio ndûrîrî nîikaamenya atî, nie Ngai-Mûnene nînyamûrîte andû a Isiraeli matuîke andû akwa na atî hekarû yakwa îkethagîrwa îrî gatagatîrî kao tene na tene.”

Ezek 6:12

Arîa marî kûraca makarwara na makue. Arîa marî vakuvî makaaûragîrwa mbaararî, nake ûrîa ûkaavonoka maûndû mau maîrî akaaûragwa nî yûra. Ûguo nîguo ngaathiria marûrû makwa kûrî o.

Obadia 1:10

“Maûndû macûku marîa mwekire aa mûrwanyûkwe njiarwa cia Jakovu, nîmo magaatûma mûconorithue na mûcûkangue tene na tene.

Malaki 1:3

na ngîthûra Esaû. Nînacûkangirie vûrûri wa Esaû ûrîa ûrî irîma na nîguo îgai rîake, na ngîûtigîra nyamû cia kîthaka ciîkarage kuo.”

Malaki 1:4

Andû a Edomu, na nîruo rûciaro rwa Esaû nwa mauge atîrî, “Matûûra metû nîmaacûkangirue, nwatî nîtûkamatuma rîngî.” Nwatî Ngai-Mûnene, mwene vinya wonthe arauga atîrî, “Nîmagaatuma matûûra mao rîngî nwatî nie nîngaamomora. Andû makaametaga, ‘Vûrûri mwaganu, ûrîa ûtûûraga ûrakarîrîtwe nî Ngai-Mûnene tene na tene.’ ”