Maca 4:16 - ÎVUKU RÎA ÛVORO MWARO

¹⁶ Ngai-Mûnene nîke wamanyaganirie, na agîtiga kûmamenyerera, athînjîri-Ngai magîtiga kûvewa gîtîîo, agîtiga kûrûmbûiya ûvoro wa atongoria.

Maca 4:16 ပူးပေါင်းရင်းမြစ်များ

Kîam 49:7

Marakara mao maronyitwa nî kîrumi nîûndû nî macûku mûno, na mang'ûrîka mao maronyitwa nîkîo nîûndû matirî ntha. Nîngaamagaanîria Jakovu na nîmanyaganie Isiraeli kuonthe.

2Maû 36:17

Kwoguo, Ngai-Mûnene nîwatûmire mûthamaki wa Akalidei amatharîkîre. Nao Akalidei nîmaaûragire andû ao arîa maarî ethî marî hekarûrî. Matiegucagîra andû ntha wana ethîrwa arî mûndû mwîthî kana mûndûmûka, mûndûmûrûme mûkûrû kana ûrîa mûrwaru. Ngai-Mûnene nîwamarekererie onthe kûrî mûthamaki wa Akalidei.

Thaburi 106:27

Nîakaanyagania njiarwa ciao mavûrûrirî marîa mengî, na makuîre mavûrûrirî mageni.

Thaburi 106:44

Kûnarî ûguo, Ngai nîwonire mathîna mao, rîrîa eegwire kîrîro Kîamo.

Isaia 24:2

Andû onthe nîmakaanyitwa nî maûndû mau: ûrîa gûgekara kûrî andû arîa engî, nwaguo gûgekara kûrî athînjîri-Ngai; kûrî ngombo, na kûrî mûmîathi; kûrî ndungata ya mwîrîtu, na kûrî mûndûmûka mûmîathi; kûrî mûgûri wa indo, na kûrî mwendia wa indo; kûrî mûvecani, na kûrî mûvewa; kûrî mûkovi wa kîndû, na kûrî mûkovithania.

Isaia 47:6

Nînaarakarire nî andû akwa, ngîtûma andû arîa akwa manyitwe nî mûgiro. Nînamanenganîre kûrî we, nwatî we ndwameguîra ntha; wana arîa akûrû nîwamakinyîrîrie mûno.

Jeremia 15:4

Nîngatûma matuîke andû a kûmakia mothamaki monthe ma nthî, nîûndû wa maûndû marîa Manase mûvîcî wa Hezekia ekire kûu Jerusalemu rîrîa aarî mûthamaki wa Juda.

Jeremia 24:9

Nîngamaretera maûndû macûku mûno ma kûmakia mavûrûri monthe ma nthî. Nîmagaatuîka kîndû gîa kûthekererwa, kûnyararûa, kwirwa na matuîke kîrumi kûrîa kuonthe ngamanyagania.

Jeremia 52:24

Nake Nebuzaradani, mûnene wa arangîri nîwanyitire Seraia Mûthînjîri-Ngai, Mûnene wa athînjîri-Ngai, na Zefania ûrîa warî mûnini wake, na arangîri engî athatû.

Maca 2:20

We Ngai-Mûnene thikîrîria! Kûrî andû engî wanaverithia ûû? Aka mararîa ciana ciao irîa mendete, nao athînjîri-Ngai na arathi maûragagîrwa hekarûrî ya Ngai-Mûnene.

Maca 2:6

Omomorete hekarû yake ta kîomba Kîam mûgûnda, nîacûkangîtie îgema rîake. Ngai-Mûnene nîathirîtie irugo cia gûkûngûîra na mîthenya ya thavatû kûu Zayuni. Arî na marakara meengî nîareganîte na mûthamaki na athînjîri-Ngai.

Maca 5:12

Atongoria macuragua movetwe njara, na athuuri mativecagwa gîtîîo.

Ezek 5:10

Kwoguo, aciari nîmakaarîa ciana ciao mûkîonaga, nacio ciana irîe aciari a cio. Nîmue ngaaverithia, nao arîa magaatigara gatagatîrî kenyu matakuîte nîngamanyagania na mîena yonthe.”

Gûco 28:25

“Ngai-Mûnene nîagaatûma mûvootwe nî nthû cienyu. Mûkaamatharîkîra kuuma mwena ûmwe, nwatî mûkaaûra nîo na mîena yonthe. Andû onthe a nthî nîmakaanyitwa nî guoya nyîngî mona ûrîa gwîkîkîte kûrî mue.

Gûco 32:26

Nînîngîamathiririe onthe viû, mariganîre gûkû nthî.

Ahib 8:9

Gîtikeethîrwa gîkariî ta kîrîkanîro kîrîa nathondekire na methe mao ma tene, mûthenya ûrîa namocire na njara, ngîmaruta vûrûri wa Misiri. Nîmaaregire gûtuîka evokeku kûrî kîrîkanîro kîrîa nathondekire nao, kwoguo nînamatiganîrie.”