Maca 4:11 - ÎVUKU RÎA ÛVORO MWARO

¹¹ Ngai-Mûnene nîwonanirie marakara make, na agîtûrûra marakara make, nîwakanirie mwaki kûu Zayuni, ûrîa wavîvirie mîcingi yakuo.

Maca 4:11 ပူးပေါင်းရင်းမြစ်များ

Isaia 51:20

Ciana ciaku nî ngirîku, mamamîte nthî ndeererî cia njîra cionthe, ta nthwariga înyitîtwe nî mûtego. Nîanyite nî marakara ma Ngai-Mûnene, nîanyite nî îvera rîa Ngai wenyu.

Jeremia 13:14

Nîngamaringithania mûndû na mûndû ûrîa wîngî, methe nîaringithanie na avîcî ao. Ndikamakirîrîria, ndikamarekia, ndikameguîra ntha, nwatî nîngamacûkangia.”

Jeremia 17:27

Nwatî mûngîrega kûmbathîkîra na mûririkanage mûthenya wa thavatû na mûwamûrage; mûrege gûkuua mûrigo mûvîtûkîrîre mûvîrîgarî wa Jerusalemu mûthenya wa thavatû, nîngakania mwaki ivingorî cia îtûûra, na nîûgacûkangia nyomba cia athamaki Jerusalemu na ndûkavorekia.”

Jeremia 21:14

Nîngamûverithia kûringana na ciîko cienyu, nîngagwatia mûtitû wenyu mwaki, na ûvîvie kîndû kîonthe kîrîa kîûthiûrûrûkîrîtie. Ûguo nîguo nie Ngai-Mûnene nîrauga.”

Jeremia 36:7

Nwa kwîthîrwa Ngai-Mûnene nwa egue mathaithana mao, na atî mûndû wa wonthe nwa atigane na mevia make, nîûndû Ngai-Mûnene nîakûverithia andû aya arî na marakara na mang'ûrîka meengî.”

Jeremia 7:20

Kwoguo nie Mwathani Ngai nîrauga atî: rîu nîngwîtûrûra marakara makwa manene gûkû na makinyîre andû na nyamû cia kîthaka mîtî na mîmera yonthe ya nthî. Marakara makwa magaakana ta mwaki ûtangîvoreka.”

Maca 2:1

Ngai-Mûnene arî na marakara, nîaigîte andû a Zayuni ndumarî. Ngai-Mûnene nîanyûrûrûkîtie riiri wa Isiraeli kuuma îgûrû nginya nthî. Mûthenya ûrîa aarakarire ndaaririkana kûrîa magûrû make makinyangaga.

Maca 2:17

Ngai-Mûnene nîwîkîte maûndû marîa eendete gwîka, nîavingîtie marîa aaugîte nîageka, kîrîa aavangîte kuuma tene omomorete atarî na ntha. Nîatûmîte nthû ikenerere kûverithua gwaku, nîatûgîrîtie athigari njamba arîa nthû ciaku.

Maca 2:3

Nîûndû wa marakara nîanyaganîtie vinya wonthe wa Isiraeli, nîwaregire gûtûtethia rîrîa twathithûkîîrwe nî nthû, akanîte kûrî andû a Juda ta mwaki mûnene mûno.

Maca 2:4

Nîwatungire ûta atwerekeretie ta tûrî nthû, nîwaûragire arîa onthe twendete na maatûkenagia. Arî îgemarî rîa mwarî wa Zayuni, nîatwîtîrîrîtie marakara make ta mwaki.

Maca 2:8

Ngai-Mûnene nîwatuîte omomore rûthingo rwa Zayuni, nîaithimîte na akoona atî nîaciomomorete cionthe. Nthingo na nyomba irîa ndaca na îgûrû ciomomokete ikamamanîra vamwe.

Maca 4:22

Îvera rîa mevia maku we Zayuni nîrîthiru, Ngai-Mûnene ndangîtîkîra Zayuni îkare îthamîriorî rîngî, nwatî we Edomu nîûkaaverithua nî Ngai-Mûnene, na nîakoonania mevia maku ûtherirî.

Ezek 22:31

Kwoguo nînîmetîrîrîtie marakara makwa. Nîmaavîvîtie na mwaki wa mang'ûrîka makwa kûringana na mavîtia mao ngamathiria.” Ûguo nîguo nie Ngai-Mûnene mbugîte.

Ezek 36:18

Kwoguo nînametûrûrîre marakara makwa nîûndû wa nthakame îrîa meetûrûrire vûrûrirî wao na nîûndû wa mûgiro ûrîa maagwatirie vûrûri na njîra ya kûgooca mîvuanano.

Ezek 6:12

Arîa marî kûraca makarwara na makue. Arîa marî vakuvî makaaûragîrwa mbaararî, nake ûrîa ûkaavonoka maûndû mau maîrî akaaûragwa nî yûra. Ûguo nîguo ngaathiria marûrû makwa kûrî o.

Danieli 9:12

Nîwavingirie maûndû marîa waugire nîûgaatwîka vamwe na athani etû. Nîwacûkangirie Jerusalemu gûkîra ûrîa wanacûkangia matûûra marîa mengî monthe ma nthî.

Alawi 26:28

nîngaaregana namue nîrî na marakara, na nîmûverithie maita mûgwanja nîûndû wa mevia menyu.

Zefania 2:2

mbere ya mûgûrûkue ta macaki makîgûrûkua nî rûkûngi, mbere ya marakara ma Ngai-Mûnene maûka kûrî mue, mbere ya mûkinyîrwa nî mang'ûrîka ma Ngai-Mûnene.

Zakaria 1:6

Methe menyu nîmaareganire na irîra na mawatho marîa namathire na njîra ya arathi ndungata ciakwa. Kwoguo nîmaaverire na makiuga atî nie Ngai-Mûnene Mûnene mwene vinya wonthe, nîmaverithîtie kûringana na mîthiîre yao na ciîko ciao wa ta ûrîa natuîte, na nîguo naamekire.”

Luka 21:22

Nîûndû mîthenya îo nîo îkethîrwa îrî ya kûverithania nîguo maûndû monthe marîa Mandîko Matheru maugîte mavinge.