Maca 4:1 - ÎVUKU RÎA ÛVORO MWARO

¹ Thaavu nîîtigîte kûvenavenia, thaavu îrîa ntheru viû nîgarûrûkîte! Mathiga ma goro nîmanyaganîtue, manyaganîtue njîrarî kûndû kuonthe.

Maca 4:1 ပူးပေါင်းရင်းမြစ်များ

Isaia 1:21

Na kaî îtûûra rîrîa rîarî rîvokeku nîrîtuîkîte ta mûmaraa-î! Vîndî îmwe nîrîecûrîte ûthingu na ûma, nwatî rîu rîcûrîte aûragani.

Isaia 14:12

“We wakengaga ta njata ya kîraûko, na kaî wî mûgwîu na vinya kuuma îgûrû-î! We wavootire mavûrûri, nwatî rîu ûrî mûgwîthie nthî-î!

Jeremia 52:13

Nake nîwavîvirie hekarû, nyomba ya mûthamaki na nyomba cionthe cia andû a vata kûu Jerusalemu.

Maca 2:19

Ramûka ûkaîre Ngai-Mûnene ûtukû! Rara ûgîkaîra Ngai-Mûnene! Mûvoe nîûndû wa ciana cienyu, irîa irakua nî yûra irî njîrarî.

Ezek 22:18

“We mûndû, andû a Isiraeli matuîkîte kîndû gîtarî kîene. Onthe matuîkîte ta cuuma cia gîcango, mavati, cuuma cia ûturi na cuuma irî mwakirî wa kûtheria. Mekariî ta gîko kîrîa kiumaga kûrî sîlûva.

Mika 1:6

Kwoguo, Ngai-Mûnene augîte atîrî, “Nîngaatûma Samaria gûtuîke kîrûndo Kîam mathiga werûrî, kûndû gwa kûvandwa mîthavibu. Mathiga marîa magûtumîte nîngaamaikia Kîamndarî, na nthikûrie mîcingi ya kuo.

Mathaayo 24:2

Nake Jesû nîwamacokerie atîrî, “Nîmûrona mîako îno yonthe? Nîramwîra na ma atî gûtirî îthiga wana rîmwe rîrî ava rîgaatigwa rî îgûrû rîa rîrîa rîngî; mathiga monthe nîmakoomomorwa.”

Maariko 13:2

Nake Jesû nîwamwîrire atîrî, “Nîûrona mîako îno mînene û? Gûtirî îthiga wana rîmwe rî ava rîgaatigwa rî îgûrû rîa rîrîa rîngî; monthe nîmakaagwîthua nthî.”