Maca 3:57 - ÎVUKU RÎA ÛVORO MWARO

⁵⁷ Nîwanjokerie na ûkîmbîra ndigetigîre.

Maca 3:57 ပူးပေါင်းရင်းမြစ်များ

Kîam 26:24

Ûtukû ûcio Ngai-Mûnene nîwaumîrîre Isaka akîmwîra atîrî, “Nînie Ngai wa aguo Iburahimu. Ndûgetigîre nîûndû nîrî vamwe nawe. Nîngaakûrathima na ndûme njiarwa ciaku ithegee nîûndû nînarîkanîre na ndungata yakwa Iburahimu.”

2Atha 19:6

Isaia nîwamerire atîrî, “Ngai-Mûnene amwîrîte mûtikamake nîûndû wa ûguo mûregua ndungata cia mûthamaki ikînuma.

Thaburi 138:3

Rîrîa nagwîtire, we nîwambîtîkire, nîwanyongerere vinya.

Thaburi 145:18

Ngai-Mûnene arî vakuvî na arîa onthe mamûvoyaga, arî vakuvî na arîa onthe mamûvoyaga na ma.

Thaburi 69:18

Ûka vakuvî nanie na ûngûûre; mvonokia kuuma kûrî nthû ciakwa.

Isaia 41:10

Tiga gwîtigîra, nîûndû nîrî vamwe nawe, ndûkegue guoya, nîûndû nînie Ngai waku! Nîngaakwongerera vinya na ngûtethie, nîngaagûtirîrîra na njara yakwa ya ûthingu.

Isaia 41:14

Ngai-Mûnene arauga atîrî, “We Jakovu, kagunyû gaka, tiga gwîtigîra, mue andû a Isiraeli, nîngaamûtethia, nie nînie mûvonokia wenyu Ûrîa Mûtheru wa Isiraeli.

Isaia 58:9

Vîndî îo mûkaavoyaga, nanie Ngai-Mûnene ngegua mavoya menyu. Mûkaambîtaga, nanie ngamwîtîka. “Mûngîtiga gûkinyanîrîria, na mûtigane na rûthûro rwa mîthemba yonthe, na mûtigane na mîario yonthe mîcûku;

Jeremia 1:17

Nwatî we Jeremia, îîvarîrie na ûthiî ûkamere maûndû monthe marîa ngûkwatha. Ndûkamakue nî o nîguo ndigatûme ûmake ûrî mbere yao.

Ciîko 18:9

Na ûtukû ûmwe Mwathani nîwarîrie Paûlo na njîra ya kîoneki, akîmwîra atîrî, “Tiga kûgîa na guoya. Thiî na mbere kwarîria andû na ndûgakire.

Ciîko 27:24

na ambîra atîrî, ‘Tiga kwîgua guoya, Paûlo! We nwanginya ûrûngame mbere ya mûthamaki wa Roma. Ngai nîûndû wa wega wake akaavonokia mîoyo ya andû onthe arîa mûthiîcanîtie nao mûrî merirî.’

Ahib 7:19

Nîûndû Watho wa Musa ndûngîatuire ûndû wana ûrîkû mûkinyanîru. Nwatî rîu nîtûvetwe kîîrîgîrîro kîngî Kîamro makîria ya kîrîa gîtûmaga tûthiî vakuvî na Ngai.

Jakuvu 4:8

Ûkani vakuvî na Ngai nake nîagûka vakuvî namue. Mue evia, îtherieni njara cienyu. Mue mvinga ino îtherieni ngoro cienyu!

Kûguû 1:17

Rîrîa namwonire, nînegwîthirie nthî mbere yake ta mûndû mûkuû. Nwatî mûndû ûcio nîwakûnjûrire njara yake akîmbigîrîra na akîmbîra atîrî, “Ndûgetigîre! Nie nî nie wa mbere na wa mûthiia.

Kûguû 2:10

Mue mûtigetigîre nîûndû wa ûndû wa wonthe ûrîa mûgeerie kûthînua naguo. Tathikîrîriani! Ngoma nî agaatûma amwe enyu maikue njeera nîguo mûgerue. Na îvinda rîa mîthenya îkûmi nîmûkaathînua nîguo mûgerue. Tuîkani evokeku kûrî nie wana ethîrwa nîkwa mûkûûragwa, na nie nîngaamûva mwoyo ûrî ta nthûmbî ya ûvootani.