Maca 3:56 - ÎVUKU RÎA ÛVORO MWARO

⁵⁶ Rîrîa nagûkaîre ngîkwîraga atîrî, “Ndûkavinge matû ûrega kwîgua makaya makwa,” we nîwanthikîrîrie.

Maca 3:56 ပူးပေါင်းရင်းမြစ်များ

2Maû 33:13

Ngai nîwegwire mavoya make na akîmwîguîrîra ntha. Kwoguo Ngai-Mûnene nîwamûvotithirie gûcoka Jerusalemu, ûthamakirî wake. Ûndû ûcio nîwatûmire Manase amenya atî Ngai-Mûnene, nî Ngai.

2Maû 33:19

Mavoya ma mûthamaki Manase na ûrîa Ngai aamûcokerie, mevia make monthe na kûrega gûtuîka mwîvokeku, kûndû kûrîa aatumire gwa kûgoocerwa mîvuanano na Ashera, ngai ya mûndûmûka na mîvuanano, monthe nîmandîke rûganorî rwa Maûndû ma tene ma Arathi.

Ayubu 34:28

Kwoguo nîmaatûmire arîa athîni makaîra Ngai, nake Ngai nîweguire kîrîro Kîam arîa maavinyîrîrîtue.

Thaburi 3:4

Ngayagîra Ngai-Mûnene nîguo andethie, na nîambîgucaga arî Zayuni, kîrîmarî gîake kîtheru.

Thaburi 34:6

Andû arîa athîni mamwîtaga na nîegucaga; na nîamavonokagia kuuma mathînarî mao monthe.

Thaburi 5:2

Thikîrîria ngîgûkaîra, mûthamaki wakwa na Ngai wakwa! Nîûndû we, nîwe mvoyaga;

Thaburi 5:3

We Ngai-Mûnene, kîraûko nîwîgucaga mûgambo wakwa, ngûvoyaga kîraûko tene riûa rîkîratha, na ngeterera wendi waku.

Thaburi 55:1

Thikîrîria îvoya rîakwa, we Ngai, ndûkarege kûnthikîrîria ngîkûvoya!

Thaburi 55:18

Nîakûmvonokia nîrî na thayû kuuma mbaararî îrîa nîrarûa, nîûndû nthû ciakwa nî nyîngî.

Thaburi 55:2

Nthikîrîria na ûnjokerie; nîrîmûthiru vinya nîûndû wa gwîtanga.

Thaburi 66:19

Nwatî nama Ngai nîwanthikîrîrie; ke nîwîguîte îvoya rîakwa.

Isaia 38:5

“Thiî ûkeere Hezekia, Ngai-Mûnene, Ngai wa aguo Daudi arauga atî: ‘Nîmbîguîte îvoya rîaku na nîmonete methori maku; kwoguo nîngûkwongerera mîaka îkûmi na îtano ûtûûrorî waku.

Danieli 9:17

Kwoguo we Ngai wetû, thikîrîria mavoya na mathaithana ma ndungata yaku. Na kwenda gwaku we Mwathani, cokanîrîria hekarû yaku îrîa yacûkangirue.

Aroma 8:26

Na njîra ta îno, Roho nîatûtethagia nîûndû tûtirî na vinya. Nîûndû tûtiîcî ûrîa twagîrîrwe nî kûvoya. Nwatî Roho nîke ûtûthaithanagîrîra kûrî Ngai arî na mûcao ûtangîgweteka.