Maca 3:42 - ÎVUKU RÎA ÛVORO MWARO

⁴² “Nîtwîvîtie na twarega gûkwathîkîra, nawe Ngai-Mûnene nî ûregete gûtûrekera.

Maca 3:42 ပူးပေါင်းရင်းမြစ်များ

2Atha 24:4

na makîria nîûndû wa andû onthe arîa aaûragîte matarî na mavîtia. Ngai-Mûnene ndangîoveere Manase nîûndû wa ûguo.

Ezira 9:6

Na ngîvoya ngiugaga atîrî, “Ngai wakwa, nîregua ngîconoka mûno ngîûkîrîria ûthiû wakwa mbere yaku. Mevia metû maûmbanîrîrîte na îgûrû makavîtûka ciongo cietû, nîmathiîte magakinya îgûrû.

Nehemia 9:26

“Kûnarî ûguo andû aku nîmaaregire kwathîka, na nîmaareganire nawe. Nîmaareganire na Watho waku na makîûraga arathi arîa maameraga makûgarûrûkîre, na mavinda meengî nîmaakûrumire.

Thaburi 107:11

nîûndû nîmaareganîte na mawatho ma Ngai, na makaira mataaro ma Ûrîa ûrî Îgûrû Mûno.

Jeremia 14:20

Nîtwîtîkîrîte waganu wetû we Ngai-Mûnene, wana mevia ma methe metû, nîûndû we nîwe twîvîtie.

Jeremia 3:13

Îtîkîrani tu mevia menyu, atî nîmwareganire na Ngai-Mûnene Ngai wenyu; na atî rungu rwa mîtî yonthe mîruru, nîwonanîtie wendo waku kûrî ngai ciîngî; na warega kwathîkîra mûgambo wakwa, ûguo nîguo Ngai-Mûnene arauga.”

Maca 1:18

“Nwatî Ngai-Mûnene arî na kîvooto nîûndû nîndegete kwathîkîra kiugo gîake, nwatî tanthikîrîriani mue andû onthe, taroriani ûrîa nîrathînîka, erîtu na anake akwa nîatave.

Maca 5:16

Ngumo yetû nî nthiru, kaî tûrî thînarî-î, nîûndû nîtwîvîtie!

Ezek 24:13

Ciîko ciaku cia ûmaramari we Jerusalemu nîcio ikûgwatîtie mûgiro. Nageririe gûkûtheria ûkîrema. Kwoguo nîwîkara ûtarî mûtheru nginya rîrîa ûkegua ûrito wa marakara makwa.

Danieli 9:15

“Rîu we Mwathani, Ngai wetû, we nîwonanirie vinya waku na njîra ya kûruta andû aku Misiri, na ûgîtûma rîîtwa rîaku rîtûûre rîririkanagwa nginya ûmûnthî. Tue nî twîvîtie na nî twîkîte maûndû macûku.

Zakaria 1:5

Arathi nîmatûûraga tene na tene? Methe menyu ma tene marî kû?

Zakaria 1:6

Methe menyu nîmaareganire na irîra na mawatho marîa namathire na njîra ya arathi ndungata ciakwa. Kwoguo nîmaaverire na makiuga atî nie Ngai-Mûnene Mûnene mwene vinya wonthe, nîmaverithîtie kûringana na mîthiîre yao na ciîko ciao wa ta ûrîa natuîte, na nîguo naamekire.”