Maca 3:37 - ÎVUKU RÎA ÛVORO MWARO

³⁷ Kûrî mûndû ûngîathana ûndû ûgekîka, tiga ûrîa Ngai ke mwene etîkîrîtie wîkîke?

Maca 3:37 ပူးပေါင်းရင်းမြစ်များ

2Sam 16:10

Nwatî mûthamaki nîwerire Abishai na mûrwang'ina Joabu atîrî, “Ûcio tî wîra wenyu. Ethîrwa aranuma nîûndû nî Ngai-Mûnene ûmwîrîte eke guo, nîûrîkû ûrî na kîvooto gîa kûmûria areka ûguo nîkî?”

1Atha 22:34

Nwatî mûndû ûmwe wa Sîria nîwagucirie ûta wake aterîgîrîrîte na akîrathîra mûthamaki wa Isiraeli gatagatî ka ngo yake ya cuuma ya kûgitîra kîthûri na varîa indo icio ciîngî cia mbaara inyitithanîrîtue. Nake mûthamaki wa Isiraeli nîwerire mûndû ûrîa warugutaga gîkaari gîake Kîam mbaara augîrîrîtie atîrî, “Nînagurarua! Garûrûka na ûndute mbaararî!”

2Atha 6:33

Wa Elisha akîaragîria athuuri acio, mûthamaki nîwakinyire na akiuga atîrî, “Ngai-Mûnene nîke ûtûmîte tûgîe na thîna îno! Mbetererete Ngai-Mûnene eke ûndû rîngî nîkî?”

Ayubu 10:13

Nwatî wîthîrîtwe ûthithîte maûndû mama monthe ngororî yaku, na nîmbicî nîwavangîte kûmbîka maûndû mau monthe.

Ayubu 2:10

Ayubu nîwacokirie atîrî, “We ûraria ta aka arîa aritu! Ethîrwa nîtwamûkagîra indo mbaro kuuma kûrî Ngai-Mûnene, na kinthî tûtiagîrîrwe nî kwamûkîra wana nginya maûndû macûku kuuma kûrî ke?” Wana Ayubu acemania na mathîna mau monthe, ke ndaaruma Ngai.

Ntha 10:10

Nake mûthamaki wa Misiri nîwaugire atîrî, “Nîngwîvîta na rîîtwa rîa Ngai-Mûnene atî ndingîtîkîra mûthiî na aka na ciana cienyu. Nîkûronania waro atî mue mûrenda kûgîa na mûgomo.

Nthi 16:9

Mûndû nîavangaga maûndû make, nwatî Ngai-Mûnene nîke wonagia mûndû ûrîa agwîka.

Nthi 19:21

Mûndû ethagîrwa arî na mîvango mîîngî ngororî yake, nwatî wendi wa Ngai-Mûnene nîguo wîkîkaga.

Nthi 21:30

Gûtirî ûûgî, ûtaûku, kana kîrîra, kîngîgûtethia angîthîrwa Ngai-Mûnene ndarî vamwe nawe.

Isaia 46:10

Nînie managîrîra maûndû ma mûthiia kuuma Kîammbîrîria; na ngaumbûra maûndû marîa matanekwa kuuma tene, ngiugaga atî mworoto wakwa nîûkaavinga, na nîngaavingia mîvango yakwa yonthe.

Jeremia 23:32

Tanthikîrîria! Nie Ngai-Mûnene nîrauga atî, nîndeganîte na arathi arîa marotaga iroto cia maveeni. Na njîra ya iroto ciao na mîario ya maveeni, nîmatûmîte andû akwa mauma njîrarî ya ma. Nie ndianamatûma, kana nîmera mathiî, kwoguo matirî na ûtethio kûrî andû akwa.”

Danieli 4:35

Andû onthe a nthî nî a mana methorî make. Nîke wathaga araika arîa marî îgûrû Vamwe na andû arîa matûûraga gûkû nthî. Gûtirî mûndû ûngîregana na wendi wake kana ûngîgîa na kîûria îgûrû rîa ciîko ciake.

Aroma 9:15

Nîûndû Ngai nîwerire Musa atîrî, “Nie ngegucagîra ntha wa ûrîa nenda kwîguîra ntha, na ngacaagîra wa ûrîa nenda gûcaîra.”

Aefeso 1:11

Maûndû monthe mekagwa kûringana na mûvango wa Ngai na îtua rîake. Nake Ngai aatûthuurire tûtuîke andû ake tûrî kîndû kîmwe na Kristû nîûndû mûvango ûcio nîguo aatuîte kuuma wa Kîammbîrîria atî nîakaaûvingia.