Maca 3:33 - ÎVUKU RÎA ÛVORO MWARO

³³ Ke ndakenaga rîrîa andû marathînîka, kana rîrîa marî na kîeva.

Maca 3:33 ပူးပေါင်းရင်းမြစ်များ

Ayubu 37:23

Tûtingîvota gûkuvîvîria Ngai Mwene Vinya; ke arî ûvoti mwîngî na kîvooto, ke ecûrîtwe nî wega na ndavinyanagîrîria.

Thaburi 119:67

Mbere ya ûmverithia, nînekaga mavîtia; nwatî rîu nîmbathîkagîra kiugo gîaku.

Thaburi 119:71

Kwonua thîna gwakwa nîkwagîrîrîte, nîûndû nîgûtûmîte menye watho waku.

Isaia 28:21

Ngai-Mûnene nîakaarûngama ta ûrîa aarûngamire arî Kîrîmarî gîa Perazimu, na arakare ta ûrîa aarakarire arî Kîamndarî gîa Gibeoni; nîageka ûndû ûtecîkene, nîakaaruta wîra wake wa kûgegania.

Maca 3:34

Ngai-Mûnene nîamenyaga rîrîa arîa oove, maravinyîrîrua na makanyamarua marî njeera.

Ezek 18:32

Nie ndikenagîra gûkua kwa mûndû wa wonthe, ûguo nîguo Ngai-Mûnene augîte. Kwoguo garûrûkani nîguo mûtûûre mwoyo.”

Ezek 33:11

Meere atî wata ûrîa nie Ngai-Mûnene Ngai ndûûraga mwoyo, ndikenagua nî gîkuû Kîam mûndû mwîvia, nwatî mendaga mûndû mwaganu agarûrûke atige mîthiîre yake na atûûre mwoyo. Mue andû a Isiraeli mûrenda gûkua nîkî? Garûrûkani mûtige maûndû menyu ma waganu.