Maca 2:19 - ÎVUKU RÎA ÛVORO MWARO

¹⁹ Ramûka ûkaîre Ngai-Mûnene ûtukû! Rara ûgîkaîra Ngai-Mûnene! Mûvoe nîûndû wa ciana cienyu, irîa irakua nî yûra irî njîrarî.

Maca 2:19 ပူးပေါင်းရင်းမြစ်များ

Ayubu 3:24

Gûcaa gwakwa gûtuîkîte ta irio ciakwa, njaaga ndagûtigithîrîria ta manjî magîtîka.

Thaburi 119:55

We Ngai-Mûnene, nîngûririkanaga ûtukû, na ngathîkîra watho waku.

Thaburi 134:2

Ambarariani njara mûvoe mûrî varîa vatheru, na mûkumie Ngai-Mûnene!

Thaburi 141:2

Amûkîra îvoya rîakwa ta mûtararûko wa ûbani, na wamûkîre njara ciakwa, irîa mbûkîrîrîtie ta îgongoona rîa kîvwaî.

Thaburi 142:2

Nînîmûnengagîra mateta makwa; nînîmwîraga mathîna makwa.

Thaburi 142:3

Rîrîa nthirîtwe nî vinya ngoro, we nîwîthagîrwa ûkîmenya njîra yakwa. Nthû ciakwa nîimbigîrîte mûtego njîrarî îrîa nthiîcagîrîra.

Thaburi 28:2

Thikîrîria Ngai-Mûnene ngîgûkaîra ûndethie, mbûkîrîrîtie njara ciakwa nîcierekeretie hekarûrî yaku ntheru.

Thaburi 42:3

Methori makwa nîmo matuîkîte irio ciakwa ûtukû na mûthenya, vîndî cionthe nthû ciakwa imbûragia atîrî, “Ngai waku arî kû?”

Thaburi 42:4

Ngoro yakwa nîthiragwa nî vinya rîrîa naririkana, ûrîa twathiîcaga na andû eengî, naamatongoragia makathiî gûtonya nyombarî ya Ngai, andû maakenete makinaga nyîmbo cia gûkumia Ngai maugîrîrîtie.

Thaburi 42:8

Ngai-Mûnene akaamonagia wendo wake ûtathiraga îvinda rîa mûthenya, nanie nîmwinagîre rwîmbo rwa kûmûkumia ûtukû, mvoyage Ngai ûrîa ûndûûragia mwoyo.

Thaburi 62:8

Îîvokageni Ngai vîndî cionthe, mue andû aya, mûmenyithagieni mathîna menyu monthe, nîûndû nîke vandû vetû va kûûrîra.

Thaburi 63:4

Nîndûûra ngûcokagîria ngatho ûtûûrorî wakwa wonthe; ngaakûvoyaga mbûkîrîrîtie njara ciakwa.

Isaia 26:9

Ngoro yakwa nîîkwîriragîria ûtukû; nie nîngûcaragia na kinyi. Nîûndû rîrîa ûgaatuîra nthî, andû onthe a nthî nîmakaamenya gwîka maûndû ma ûthingu.

Isaia 51:20

Ciana ciaku nî ngirîku, mamamîte nthî ndeererî cia njîra cionthe, ta nthwariga înyitîtwe nî mûtego. Nîanyite nî marakara ma Ngai-Mûnene, nîanyite nî îvera rîa Ngai wenyu.

Jeremia 14:18

Nîngiumagara nthiî mûgûndarî, monaga ciimba cia andû arîa maûragîrîtwe mbaararî, nathiî matûûrarî monaga andû magîkua nî yûra! Nîûndû arathi na athînjîri-Ngai methîrîtwe makîruta wîra wao vûrûrirî, matarî na ûmenyo.’ ”

Jeremia 9:20

Mue aka ta thikîrîriani ciugo cia Ngai-Mûnene, tegani matû mwîgue ûrîa arauga. Thomithiani erîtu enyu gûcakaya, na mûthomithie arata enyu nyîmbo cia mathiko.

Ezek 5:10

Kwoguo, aciari nîmakaarîa ciana ciao mûkîonaga, nacio ciana irîe aciari a cio. Nîmue ngaaverithia, nao arîa magaatigara gatagatîrî kenyu matakuîte nîngamanyagania na mîena yonthe.”

Ezek 5:16

Vîndî îo nîngarekereria mîguî yakwa ya kûragana ya yûra îmûrathe îmûthirie. Nîngatûma yûra rîongerereke na irio cienyu ithire.

Mika 1:16

Andû a Juda enjani njuîrî cienyu mûtigwe mûrî irîa mûrîrîre ciana cienyu irîa mwendete, neneviani ivara cienyu ciîkare ta cia nderi, nîûndû ciana nîigaatavwa ivirwe îthamîriorî.

Nahumu 3:10

Kûnarî ûguo, andû a Thebesi nîmaakuirwe marî mîgwate. Ciana ciakuo ciarivagîrwa ndeererî cia varavara ikenda gûkua. Anene ao nîmaakuirwe marî na mînyororo, na makîgaanua gatagatî ka arîa mamanyitîte.

Mathaayo 14:25

Kîraûko tene mûno Jesû nîwakinyire kûrî arutwa ake athiîrîrîte manjîrî.

Maariko 1:35

Kîraûko macangîa Jesû aramûka, nîwaumire nyomba na akîthiî kûndû gûtaarî na andû kûvoya Ngai.

Maariko 13:35

Kwoguo îîmenyagîrîreni nîûndû mûtiîcî kavinda karîa mwene mûciî agaacoka. Avota gûgaacoka kîvwaîrî, kana ûtukû gatagatî, kana ngûkû îkîgamba, wana kana kîraûko riûa rîkîratha.

Luka 6:12

Na mîthenyarî îo, Jesû nîwathiîre kîrîmarî îgûrû kûvoya na agîkara kuo ûtukû mûgima akîvoyaga Ngai.

1Tim 2:8

Nîngîenda kûndû kuonthe kûrîa andû magoocagîra Ngai, arûme arîa meyamûrîrîte Ngai mavoyage maûkîrîrîtie njara ciao na îgûrû matarî arakaru na matagûkararania.

Atir 7:19

Kwoguo Gideoni na andû ake îgana rîmwe nîmaakinyire vakuvî na magema ma Amidiani thaa thita cia ûtukû ithiîte gûkinya. Vîndî îo nîrîo arangîri maarî marîkia gûcenjania. Gideoni na andû ake nîmaavuvire tûrumbeta na makîûraga nyûngû irîa maanyitîte.

1Sam 1:15

Nwatî Hana nîwacokirie na akiuga atîrî, “Naarî mwathi wakwa ndirî mûrîu. Nie nînîrathînîka mûno ngororî yakwa, na mbîthîrîtwe ngîvoyaga Ngai-Mûnene nîûndû wa mathîna marîa nîrî namo.

1Sam 7:6

Kwoguo nîmaacemanirie kûu Mizipa. O nîmaatavire manjî na makîmetûrûra kîrî ta kîveo kûrî Ngai-Mûnene na makîînyerekia mûthenya ûcio wonthe. Nao nîmaaugire atîrî, “Tue nîtwîvîrîtie Ngai-Mûnene.” (Nake Samueli aacirithagîria andû a Isiraeli kûu Mizipa.)