Maca 2:18 - ÎVUKU RÎA ÛVORO MWARO

¹⁸ Ngoro ciao nîciakaîre Ngai-Mûnene, makîrîrîra rûthingo rwa mwarî wa Zayuni. Tiga methori metîke ta mbura ûtukû na mûthenya. Rîra ûtagûtigithîria! Cakaya ûtakûvurûka.

Maca 2:18 ပူးပေါင်းရင်းမြစ်များ

Thaburi 119:136

Methori manyûrûrûkaga kuuma methorî makwa ta rûnjî, nîûndû andû mativingagia watho waku.

Thaburi 119:145

Nînîragûkaîra na ngoro yakwa yonthe; mbîtîka we Ngai-Mûnene na nîngwathîkîra mawatho maku!

Jeremia 13:17

Nwatî ethîrwa tîmûnthikîrîria, nîngûrîra nîîthithîte nîûndû wa mwîtîîo wenyu; nîndîra na ûrûrû mwîngî ngîtûrûraga methori nîûndû andû a Ngai-Mûnene nîatave.

Jeremia 14:17

Nî ûkaamera ciugo ino: ‘Tiga metho makwa metûrûre methori ûtukû na mûthenya, matagûtigithîria, nîûndû andû akwa nîagurarie na magativua mûno.

Jeremia 4:31

Nie nîneguire kîrîro ta Kîam mûndûmûka arî na ûrûrû wa gûciara, mûcao ta wa mûndûmûka agîkivîra mwana wa îrikithathi, Kîamrî kîrîro gîa Zayuni akîvevûka agîcaragia mîvevû, agîtambûrûkagia njara akiugaga atîrî, ‘Kaî nîrî na thîna-î! Nîmaûkîte kûmbûraga!’ ”

Jeremia 9:1

Narî kethîrwa kîongo gîakwa nî kîthima Kîam manjî, na metho makwa matherûkage methori, nîguo ndîrage ûtukû na mûthenya, nîûndû wa andû akwa arîa maûragîtwe.

Maca 1:16

“Nîûndû wa maûndû mau nînîrarîra, metho makwa magetûrûra methori. Gûtirî mûndû wanarî ûmwe ûngîmvoreria; gûtirî mûndû ûngînyûmîrîria, ciana ciakwa itigîtwe itarî kîndû, nîûndû nîrîmûvoote nî nthû yakwa.

Maca 1:2

Arîraga ûtukû wonthe; methori makanyûrûrûka makai. Arata ake onthe nîmamûcukanîrîte, gûtirî ûngîmûvoreria. Arata ake onthe nîmamûcukanîrîte, nîmatuîkîte nthû ciake.

Maca 2:8

Ngai-Mûnene nîwatuîte omomore rûthingo rwa Zayuni, nîaithimîte na akoona atî nîaciomomorete cionthe. Nthingo na nyomba irîa ndaca na îgûrû ciomomokete ikamamanîra vamwe.

Hosea 7:14

O nîmangayagîra nwatî tî kuuma ngoro ndaarî. Maragaragara na magetemanga marî itandarî ciao, nîguo nyamûkîre matega mao ma ndivei na ngano; nwatî nîmareganîte nanie.

Habakuku 2:11

Nîûndû nginya mathiga nîmanagîrîra marî rûthingorî, na mîgamba ya nyomba îgacokia mûgambo ûcio.