Maca 1:6 - ÎVUKU RÎA ÛVORO MWARO

⁶ Riiri ûrîa warî îtûûrarî rîa Zayuni nîwathirire. Atongoria a kuo magînjîte ta nthiia, iturîte gîa kûrîa, itarî na vinya nîciaûrire nî aguîmi acio.

Maca 1:6 ပူးပေါင်းရင်းမြစ်များ

2Atha 19:21

Ngai-Mûnene augîte atîrî ûvoro wîgiî Senakeribu: “Ke nîarakûnyarara na nîarakûthekerera we mwîrîtu nthingi wa Zayuni; arainainia kîongo gîake arî vuva waku we mwarî wa Jerusalemu.

2Atha 25:4

Rûthingo rwa îtûûra nî rwomorirwe mwena ûmwe na mûthamaki vamwe na athigari onthe a mbaara nîmaaûrire ûtukû mavîtûkîrîrîte mûgûndarî wa mûthamaki. Maavîtûkîrîre kîvingorî kîrîa Kîamrî gatagatî ka nthingo igîrî, na nîmaathiîre merekerete mwena wa Araba, wana ethîrwa athigari a Babuloni nîmaarigicîrîtie îtûûra.

2Atha 25:5

Nwatî athigari a mbaara a Babuloni nîmaarûmîrîrie mûthamaki Zedekia na nîmaamûkinyîrîre kûndû kûrîa kwaraganu kûu Jeriko. Nao athigari ake onthe nîmaanyaganirie makîmûtiga.

Thaburi 50:2

Ngai nîarakenga arî Zayuni, îtûûra rîrîa rîthaka mûno.

Thaburi 96:9

Goocani Ngai-Mûnene arî hekarûrî yake ntheru; mûgooceni na gîtîîo mue andû onthe a nthî!

Isaia 1:21

Na kaî îtûûra rîrîa rîarî rîvokeku nîrîtuîkîte ta mûmaraa-î! Vîndî îmwe nîrîecûrîte ûthingu na ûma, nwatî rîu rîcûrîte aûragani.

Isaia 12:6

Ugîrîriani na mwine mûkenete, mue arîa mûtûûraga Zayuni! nîûndû Ûrîa Mûtheru wa Isiraeli nî mûnene, na atûûraga gatagatîrî kenyu.”

Isaia 4:5

Ngai-Mûnene nîagaacoka atûme kûgîe na matu mûthenya îgûrû rîa Kîrîma gîa Zayuni na kûrî andû arîa magomanîte vo, na ndogo vamwe na kîmûrî Kîam mwaki ûtukû. Îgûrû rîa ûguo, riiri wa Ngai nîûgaakunîka na ûgitîre îtûûra rîonthe.

Jeremia 13:18

Ngai-Mûnene nîwambîrire atîrî, “Îra mûthamaki na ng'ina maume itîîrî cia ûthamaki, nîûndû nthûmbî ciao irîa nthaka, nînyumu ciongorî ciao.

Jeremia 29:4

“Ngai-Mûnene, mwene vinya wonthe, Ngai wa Isiraeli arera andû onthe arîa etîkîrire mavirwe îthamîrio Babulonia kuuma Jerusalemu atî,

Jeremia 47:3

rîrîa makegua înegene rîa mavûngû ma mbarathi, înegene rîa ikaari cia mbaara, na mûrurumo wa magûrû ma cio. Methe nîmakaariganîrwa nî ciana ciao, njara ciao ikethîrwa iregerete mûno.

Jeremia 48:41

Matûûra na kûndû kûrîa kûgitîre nîgûgaatavwa. Mûthenya ûcio athigari a mbaara a Moabu, nîmakegua guoya ta mûndûmûka akîgîa na mwana.

Jeremia 52:11

Nîwacokire agîkûûra Zedekia metho na akîmwova na mvîngû na akîmûvira Babulonia. Nake Zedekia nîwekarire kûu Babuloni arî mwove nginya rîrîa akuire.

Jeremia 52:13

Nake nîwavîvirie hekarû, nyomba ya mûthamaki na nyomba cionthe cia andû a vata kûu Jerusalemu.

Ezek 24:21

mbîre andû a Isiraeli atî nîmwîtîîaga na ûnene wa hekarû yake, nîmûmîriragîria na nîmûkenaga nîyo mûno mûkîmîona. Ngai-Mûnene nîakagwatia nyomba îo mûgiro na ciana cienyu cia anake na cia erîtu irîa mwatigire vuva, ikaaûragwa na rûviû.

Ezek 24:25

Ngai-Mûnene nîwambîrire atîrî, “Mûndû, kûrî mûthenya ngaamacuuna kîrîa moonaga arî kîo gîa kûmagitîra, gîkeno Kîamo na riiri wao, kîrîa meriragîria na metho mao na ngoro ciao na nîmacune ciana ciao cia anake na cia erîtu.

Gûco 28:25

“Ngai-Mûnene nîagaatûma mûvootwe nî nthû cienyu. Mûkaamatharîkîra kuuma mwena ûmwe, nwatî mûkaaûra nîo na mîena yonthe. Andû onthe a nthî nîmakaanyitwa nî guoya nyîngî mona ûrîa gwîkîkîte kûrî mue.

Gûco 32:30

Nî atîa mûthigari ûmwe nthû angîvoota athigari ngiri îmwe a Isiraeli? Nî atîa athigari aîrî nthû mangîvoota athigari ngiri îkûmi a Isiraeli? Tiga nwa Îthiga rîao amendetie, Ngai-Mûnene amatiganîrîtie?