Maca 1:20 - ÎVUKU RÎA ÛVORO MWARO

²⁰ “Ngai-Mûnene ta roria wone gûkaa gwakwa, mwoyo wakwa ndûrî na vinya. Ngoro yakwa nî munîkangu nîûndû mbîthîrîtwe nîrî mûremi. Njîrarî kûrî na mbûragano, nyomba nakuo nîta gîkuû.

Maca 1:20 ပူးပေါင်းရင်းမြစ်များ

Ayubu 30:27

Nîregua ndangîkîte mûno ngororî na ndirî na thayû, nînginyîrîtwe nî mavinda ma mînyamaaro.

Ayubu 33:27

Ke ainaga arî mbere ya andû akauga atîrî, “Nînevirie na ngîregana na maûndû marîa maro, nwatî Ngai ndaamverithia nîûndû wa wîvia ûcio.

Thaburi 22:14

Nie nîrî mûthiru vinya, nthirîte vinya ta manjî metîkîte nthî. Mavîndî makwa monthe nîmatigithanu, ngoro yakwa îkariî ta mûvûra ûrî mûrarûku.

Thaburi 38:8

Nîrîmûthiru vinya viû na ngaunîkanga; nînîracaa nîûndû wa ruuo na nîrî na thîna ngororî.

Nthi 28:13

Mûndû ûrîa ûthithaga mevia make ndangîgîa na mûtûûrîre mwaro, nwatî mûndû ûrîa umbûraga na agatiga mevia make nîakeguîrwa ntha nî Ngai.

Isaia 16:11

Kwoguo nînîracakaya ngoro nîûndû wa Moabu, na ngegua kîeva nîûndû wa Kiri-heresi.

Isaia 38:14

“Ng'ambaga ta cûcû wa njoka, njaaga ta ndutuura. Metho makwa nîmathiru vinya nî kûroria îgûrû. Ûûi Mwathani, nînîrathînîka tuîka mûgitîri wakwa.

Jeremia 14:18

Nîngiumagara nthiî mûgûndarî, monaga ciimba cia andû arîa maûragîrîtwe mbaararî, nathiî matûûrarî monaga andû magîkua nî yûra! Nîûndû arathi na athînjîri-Ngai methîrîtwe makîruta wîra wao vûrûrirî, matarî na ûmenyo.’ ”

Jeremia 14:20

Nîtwîtîkîrîte waganu wetû we Ngai-Mûnene, wana mevia ma methe metû, nîûndû we nîwe twîvîtie.

Jeremia 2:35

we ugaga atî: “Nie ndirî na mevia, nama marakara ma Ngai-Mûnene marî varaca nanie.” Taroria nîngûkûverithia nîûndû wa kuga atî ndûrî mwîvia.

Jeremia 3:13

Îtîkîrani tu mevia menyu, atî nîmwareganire na Ngai-Mûnene Ngai wenyu; na atî rungu rwa mîtî yonthe mîruru, nîwonanîtie wendo waku kûrî ngai ciîngî; na warega kwathîkîra mûgambo wakwa, ûguo nîguo Ngai-Mûnene arauga.”

Jeremia 31:20

“Efiraimu nî mûvîcîwa ûrîa mendete. Ke nî mwana wakwa ûrîa mendete mûno. Nîûndû wana rîrîa ngûmûnegenia nwa nîmûririkanaga. Kwoguo ngoro yakwa nîîmwîriragîria; nama nîngamwîguîra ntha. Ûguo nîguo nie Ngai-Mûnene nîrauga.

Jeremia 4:19

Ruuo, ruuo! Nînîraturwa mûno! Ngoro yakwa îratuma na vinya, ndingîvota gûkira; nîûndû mûgambo wa karumbeta, na kîng'ora Kîam mbaara.

Jeremia 48:36

“Kwoguo nînîracakaya nîûndû wa andû a Moabu na andû a Kiri-heresi, ta mûndû ûravuva mûtûrirû mathikorî; nîûndû ûtonga wonthe ûrîa methîrîtwe naguo nî mûthiru viû.

Maca 1:11

Andû onthe a Jerusalemu nîmaracaa magîcaria gîa kûrîa, makûûrananagia ûtonga wao na irio cia kûrîa, nîguo matûûre mwoyo. “We Ngai-Mûnene, ta roria wone ûrîa nyararîtwe.”

Maca 1:18

“Nwatî Ngai-Mûnene arî na kîvooto nîûndû nîndegete kwathîkîra kiugo gîake, nwatî tanthikîrîriani mue andû onthe, taroriani ûrîa nîrathînîka, erîtu na anake akwa nîatave.

Maca 1:8

Jerusalemu nîyevirie mûno, kwoguo nîyagîre gîko, arîa onthe maarîtîîaga nîmaarînyararire, nîûndû nîmoonire njaga yarîo, Jerusalemu îcaaga na îkenamia ûthiû nîûndû wa nthoni.

Maca 1:9

Gîko gîake nîkîonekaga nguorî ciake, nwatî ndaamakaga. Kwoguo kûgwa gwake kwarî kûnene, gûtirî mûndû wa kûmûmîrîria. Ûi Ngai-Mûnene taroria mathîna makwa, nîûndû nthû yakwa nîîvootanîte.

Maca 2:11

Metho makwa mecûrîtwe nî methori, ngoro yakwa nî nthînîku mûno, mwoyo wakwa ûrî na kîeva kîngî mûno nîûndû wa andû akwa gûcûkangua, nîûndû ciana irîa nini iragirîkîra mîcemaniorî ya matûûra.

Maca 5:16

Ngumo yetû nî nthiru, kaî tûrî thînarî-î, nîûndû nîtwîvîtie!

Ezek 7:15

“Nakûu nja kûrî mbaara, nakuo matûûrarî kûrî na mûthiro na yûra. Arîa marî na kûu mîgûndarî magaakua marî mbaararî; na arîa marî îtûûrarî makaathirua nî yûra na mîrimû.

Danieli 9:5

Tue nî twîvîtie, nîtwîkîte maûndû macûku, na tûgeka naaî. Nîtûreganîte nawe na tûkaregana na maathani maku na irîra ciaku.

Hosea 11:8

We Efiraumu, nîngîgûtiganîria atîa? We Isiraeli nîngîgûta atîa? Nîngîgûtua ta îtûûra rîa Adama atîa? Kana ngwîke ta îtûûra rîa Zeboimu! Nîregua ngoro yakwa îkîngiria, wendo wakwa kûrî we nî mwîngî mûno.

Habakuku 3:16

Mbîgucaga ûguo ngamakania, mîromo yakwa îkainaina nî guoya, mavîndî makwa makagondoka, magûrû makwa makainaina. Nîmbetererete ngirîrîrîtie mûthenya ûcio wa mûthiro, ûrîa ûgaûka kûrî andû arîa matûtharîkagîra.

Gûco 32:25

Nthû ciao nîikaamaûragîra vûrûrirî, na andû mecûrwe nî guoya mîciîrî yao. Anake na erîtu nîmakaaûragwa, ngenge na athuuri akûrû wanao nîmakaaûragwa.