Maca 1:17 - ÎVUKU RÎA ÛVORO MWARO

¹⁷ Zayuni îtambarûkîtie njara nwatî gûtirî mûndû wa kûmûvoreria, Ngai-Mûnene athîte nthû itharîkîre Jakovu na mîena yonthe. Jerusalemu îtuîkîte ta gîko kûrî o.

Maca 1:17 ပူးပေါင်းရင်းမြစ်များ

1Atha 8:22

Solomoni nîwacokire akîrûngama mbere ya metha ya kîgongoona ya Ngai-Mûnene andû onthe a Isiraeli marî vo, akîambararia njara ciake na îgûrû,

1Atha 8:38

ûkaathikîrîria mavoya mao. Mûndû wa wonthe kana andû aku a Isiraeli mangîgaakûthaitha wa mûndû atambarûkîtie njara ciake erekerete hekarûrî îno nîûndû wa kwîgua kîeva ngororî ciao,

2Atha 25:1

Mûthenyarî wa îkûmi, mweri wa îkûmi mwakarî wa kenda, Zedekia arî mûthamaki, Nebukadinezarû mûthamaki wa Babuloni nîwathiîre na athigari ake onthe na makîtharîkîra îtûûra rîa Jerusalemu na magîtuma rûthingo marîthiûrûrûkîrîtie.

Mûvunjia 4:1

Nînacokire ngîona maûndû monthe matarî ma kîvooto marîa mekagwa gûkû nthî. Andû arîa avinyîrîrie nwakwa maarîraga na gûtiarî mûndû wa kûmavoreria. Andû arîa maamavinyagîrîria maarî na vinya na gûtirî mûndû ûngîavorerie arîa maavinyagîrîrua.

Isaia 1:15

“Rîrîa mûkaambararagia njara mûkîvoya, ngaamûvuvatagîra ndikamwone. Wana mwavoya mavoya meengî atîa ndikaamûthikîrîria, nîûndû njara cienyu ciîcûrîte nthakame.

Isaia 54:11

Ngai-Mûnene arauga atîrî, “We Jerusalemu îtûûra rîîrî rînyarirîtwe, we winainîtue nî rûkûngi rûnene, na ndûrî na wa gûkûvooreria, nîngaagûtuma rîngî na mathiga marî na marangi maro, na ndume mûcingi waku na mathiga ma goro.

Jeremia 12:9

Andû arîa nthurîte mekariî ta iconi mbaro, irîa itharîkagîrwa na mbarî cionthe nî nderi. Thiî ûnganie nyamû cionthe irîa mbaganu, nîguo ciûke kîrugorî.

Jeremia 15:5

“Nîûrîkû ûgakwîguîra ntha we Jerusalemu? Nîûrîkû ûgagûcakaîra? Nîûrîkû ûkarûngama aûrie ûvoro wa wagîrîru wenyu?

Jeremia 16:6

Itonga na athîni onthe nîmakuîra vûrûrirî ûyû, matikathikwa na gûtirî mûndû ûkamacakaîra, kana etemanga, kana enje kîrîa nîguo onanie atî nîaramacakaîra.

Jeremia 34:22

Tathikîrîria, nie Ngai-Mûnene nîngaatha mûthamaki wa Babuloni na athigari ake na nîngamacokia îtûûrarî rîîrî. Nîmakaarîtharîkîra, marîtave na marîvîvie na mwaki. Nîngatûma matûûra ma Juda matuîke maganjo na kûndû gûtatûûragwa nî andû. Nie Ngai-Mûnene nînie nauga ûguo.”

Jeremia 4:31

Nie nîneguire kîrîro ta Kîam mûndûmûka arî na ûrûrû wa gûciara, mûcao ta wa mûndûmûka agîkivîra mwana wa îrikithathi, Kîamrî kîrîro gîa Zayuni akîvevûka agîcaragia mîvevû, agîtambûrûkagia njara akiugaga atîrî, ‘Kaî nîrî na thîna-î! Nîmaûkîte kûmbûraga!’ ”

Jeremia 6:3

Athamaki magaaûka na athigari ao ta ûrîa arîthi mathiîcaga na ndîthia ciao, makamba magema mao marîthiûrûrûkîrîtie, wa mûndû agekaraga wa varîa akwenda.

Jeremia 8:18

Nîrî na kîeva gîtangîthira, nîrî mûrwaru ngoro.

Maca 1:16

“Nîûndû wa maûndû mau nînîrarîra, metho makwa magetûrûra methori. Gûtirî mûndû wanarî ûmwe ûngîmvoreria; gûtirî mûndû ûngînyûmîrîria, ciana ciakwa itigîtwe itarî kîndû, nîûndû nîrîmûvoote nî nthû yakwa.

Maca 1:19

“Netire arata akwa nwatî makîrega kûndethia, athînjîri-Ngai akwa na atongoria maakuîrîre îtûûrarî, magîcaria irio nîguo matûûre mwoyo.

Maca 1:2

Arîraga ûtukû wonthe; methori makanyûrûrûka makai. Arata ake onthe nîmamûcukanîrîte, gûtirî ûngîmûvoreria. Arata ake onthe nîmamûcukanîrîte, nîmatuîkîte nthû ciake.

Maca 1:21

“Tathikîrîria gûcakaya gwakwa, gûtirî mûndû wa kûmvoreria. Nthû ciakwa nîimenyete mathîna makwa, nîirakenerera kûthîna gwakwa, tûma nthû ciakwa cione mathîna ta nie.

Maca 1:8

Jerusalemu nîyevirie mûno, kwoguo nîyagîre gîko, arîa onthe maarîtîîaga nîmaarînyararire, nîûndû nîmoonire njaga yarîo, Jerusalemu îcaaga na îkenamia ûthiû nîûndû wa nthoni.

Maca 1:9

Gîko gîake nîkîonekaga nguorî ciake, nwatî ndaamakaga. Kwoguo kûgwa gwake kwarî kûnene, gûtirî mûndû wa kûmûmîrîria. Ûi Ngai-Mûnene taroria mathîna makwa, nîûndû nthû yakwa nîîvootanîte.

Maca 4:15

Andû maaugagîrîria makameera atîrî, “Umani ava. Mue mûrî mûgiro! Thiîni! Mûtikamvutie!” Kwoguo andû acio maatuîkire aûrûri matarî gîkaro, maumaga vûrûrirî ûmwe makathiî ûrîa wîngî; andû a mavûrûri maugaga atîrî: “Matigekarania natue rîngî.”

Ezek 36:17

“We mûndû, vîndî îrîa andû a Isiraeli maatûûraga vûrûrirî wao, nîmaaûgwatirie mûgiro nîûndû wa mîthiîre yao na mîtugo yao. Mîtugo yao marî mbere yakwa yekariî ta gîko Kîam mûndû mûka vîndî îrîa arî kavindarî gake ka mweri.

Hosea 8:8

Andû a Isiraeli nîamerie; rîu marî gatagatî ka mavûrûri mengî, ta kîndû gîtarî na vata;