Maca 1:1 - ÎVUKU RÎA ÛVORO MWARO

¹ Îtûûra rîrîa rîecûrîte andû kaî rîrî na îvooru î! Nîrîatîîtwe nî mavûrûri, nwatî rîu rîkariî ta mûka wa ndigwa, mbere rîarî mwarî wa mûthamaki, rîu rîtuîkîte ngombo.

Maca 1:1 ပူးပေါင်းရင်းမြစ်များ

1Atha 4:21

Solomoni aarî mûnene wa mavûrûri monthe kuuma rûnjîrî rwa Farati nginya vûrûri wa Afilisiti gûcoka kûthiî mûvakarî wa Misiri. Andû a kuo nîmaarîvaga gooti kûrî Solomoni na nîmaamûtungatîre ûtûûrorî wake wonthe.

2Atha 23:33

Neko mûthamaki wa Misiri nîwamûvirire Ribula vûrûrirî wa Hamathi arî mûgwate, nîguo ndakathiî na mbere kwathana arî Jerusalemu. Mûthamaki Neko nîwatûmire vûrûri wa Juda ûrute gooti ya kilo ngiri ithatû na magana mana (3,400) cia sîlûva na kilo mîrongo îthatû na inya (34) cia thaavu.

2Atha 23:35

Mûthamaki Jehoiakimu nîwaûnganirie gooti ya sîlûva na thaavu kuuma kûrî andû nîguo avote kûgîa na gooti mbîganu ûrîa mûthamaki wa Misiri eendaga. Wa mûndû aarutaga kûringana na ûtonga wake.

2Maû 9:26

Solomoni nîke warî mûthamaki mûnene gûkîra athamaki onthe arîa maathanaga kuuma rûnjîrî rwa Farati nginya vûrûrirî wa Afilisiti, na nginya mûvakarî vûrûri wa Misiri.

Ezira 4:20

Jerusalemu kwîthîrîtwe kûrî na athamaki marî vinya na makîatha vûrûri wonthe ûrîa ûrî mûringo wa Rûnjî rwa Farati na mwena wa îthûîro. Nî maaûnganagia gooti cia mîthemba yonthe.

Nehemia 5:4

Kûrî na engî maaugaga atîrî, “Twakombire mbeca na mîgûnda yetû na mîtî yetû ya mîthavibu nîguo tûrîve gooti ya mûthamaki.

Nehemia 9:37

Ûtonga wa vûrûri ûyû ûthiîcaga kûrî athamaki arîa waigire matwathage, nîûndû tue nîtwevirie matwîkaga wa ûrîa makwenda vamwe na ndîthia cietû. Tûrî na thîna nyîngî mûno!”

Thaburi 122:4

Kûu nîkuo mîvîrîga yunûkagia, mîvîrîga ya Ngai-Mûnene, wata ûrîa andû a Isiraeli maathîtwe, macokagîrie Ngai-Mûnene ngatho.

Isaia 14:12

“We wakengaga ta njata ya kîraûko, na kaî wî mûgwîu na vinya kuuma îgûrû-î! We wavootire mavûrûri, nwatî rîu ûrî mûgwîthie nthî-î!

Isaia 22:2

Nîndûî kîratûma mugîrîrie mûkenete, îtûûra rîonthe rîcûrîtwe nî wagagu na înegene. Andû enyu arîa maakwire matiaûragwa na mviû, na matiaûragîrwa mbaararî.

Isaia 3:26

Ivingo cia îtûûra rîa Zayuni nîikaarîra na icakae, narîo îtûûra rîkethîrwa rîkariî ta mûndûmûka acunîtwe indo cionthe, ekarîte nthî mûtheturî.

Isaia 49:21

Nîûgacoka wîyûrie na ngoro atîrî, ‘Nû wanjiarîre ciana ino cionthe? Nakuîrîrwe nî ciana ciakwa ngîtigwa takwa nîrî nthaata, navirirwe îthamîriorî na ngîtewa kûndû kûraca. Nwatî nû warerire ciana ino? Natigirwe kûu nîrî nienga, ciana ino nacio ciaumire kû?’ ”

Isaia 50:5

Mwathani Ngai-Mûnene nîavingûrîte matû makwa, na ndiatuîka mûregi, kana nîmûtiganîria.

Isaia 52:2

Wîrivarive ume rûkûngûrî ûrûgame, îyovore mînyororo yume ngingorî yaku, we mwarî wa Zayuni, we ûtwîre wî mwove.

Isaia 52:7

Kaî nî ûndû mwaro-î kwona mûndû arî irîmarî aretete ûvoro mwaro, akîanîrîra ûvoro wa thayû, na akîanagîrîra ûvonokio! Arera andû a Zayuni atîrî, “Ngai wenyu nîke ûrathana!”

Isaia 54:4

Ndûgetigîre nîûndû ndûgaaconoka; ndûkegue nthoni nîûndû ndûgaaconorithua. Nîûkaariganîrwa nî gîconoko Kîam wîthî waku, na ndûkaaririkana rûmena rûrîa warî naruo rîrîa warî mwîthî, vîndî îrîa watûûraga wî wa ndigwa.

Jeremia 31:7

Ngai-Mûnene arauga atîrî, “Inani na gîkeno nîûndû wa andû a Isiraeli, na mugîrîrie nîûndû wa vûrûri ûrîa mûnene, anîrîrani na mûkenerere mûkiugaga atî, ‘Ngai-Mûnene nîavonoketie andû ake, matigari ma andû a Isiraeli.’

Jeremia 40:9

Nake Gedalia nîwevîtire mbere yao na mbere ya athigari a mbaara na akiuga atîrî, “Mûtigetigîre gûtungatîra Akalidei. Tûûrani vûrûrirî ûyû na mûtungatîre mûthamaki wa Babuloni, na maûndû menyu monthe nîmakûvua.

Jeremia 42:2

nîmaathiîre kûrî Jeremia na makîmwîra atîrî, “Wenda tu thikîrîria ûrîa tûrakûria! Îtîkîra gûtûthaithanîra kûrî Ngai-Mûnene Ngai waku, nîûndû wa andû aya matigarîte, (nîûndû twarî andû engî nwatî rîu tûtigarîte tûrî anini tu, wata ûguo ûrona).

Jeremia 44:2

“Ngai-Mûnene, mwene vinya wonthe, Ngai wa Isiraeli arauga atî: We nîwonete maûndû monthe macûku marîa mbîkîte îtûûrarî rîa Jerusalemu na matûûra monthe ma Juda. Taroria, nginya ûmûnthî matûûra mau nî maganjo, na gûtirî mûndû ûtûûraga kuo.

Jeremia 44:6

Kwoguo nînakanirwe mûno nî marakara na mang'ûrîka na ngîmetûrûra matûûrarî ma Juda na njîrarî cia Jerusalemu. Nakuo gwatuîkire maganjo, kûndû gûtatûûragwa nî andû nginya ûmûnthî.

Jeremia 50:23

Babuloni yekariî ta njokoma ya kûriva mavûrûri monthe ma nthî, nwatî rîu ndîrî na vinya nîûndû nîmunange! Mavûrûri monthe nîmamaku, nî ûrîa vûrûri ûcio wîkîtwe.

Jeremia 9:11

Nîngatûma Jerusalemu îtuîke îganjo, gûtuîke kûndû kwa gwîkarwa nî ciathi, na ndûme matûûra ma Juda matuîke werû, kûndû gûtatûûragwa nî andû.”

Maca 1:19

“Netire arata akwa nwatî makîrega kûndethia, athînjîri-Ngai akwa na atongoria maakuîrîre îtûûrarî, magîcaria irio nîguo matûûre mwoyo.

Maca 2:1

Ngai-Mûnene arî na marakara, nîaigîte andû a Zayuni ndumarî. Ngai-Mûnene nîanyûrûrûkîtie riiri wa Isiraeli kuuma îgûrû nginya nthî. Mûthenya ûrîa aarakarire ndaaririkana kûrîa magûrû make makinyangaga.

Maca 2:10

Athuuri a Jerusalemu mekaraga nthî makirîte, makeminjîria mûu ciongorî ciao mekîrîte nguo cia macakaya, na erîtu a Jerusalemu nîmaturumithîtie mothiû mao nthî.

Maca 4:1

Thaavu nîîtigîte kûvenavenia, thaavu îrîa ntheru viû nîgarûrûkîte! Mathiga ma goro nîmanyaganîtue, manyaganîtue njîrarî kûndû kuonthe.

Maca 5:16

Ngumo yetû nî nthiru, kaî tûrî thînarî-î, nîûndû nîtwîvîtie!

Ezek 26:16

Athamaki onthe a mavûrûri marîa marî rûtere rwa îria nîmakaauma itîîrî ciao cia ûthamaki. Nao nîmakaaruta nguo ciao irîa ndaca wa vamwe na nguo ciao irîa ng'emie waro. Nîmakaagwatwa nî guoya na nîmagekaraga nthî makinainaga vîndî cionthe mamakîte nîûndû wa maûndû marîa mekîkîte kûrî we.

Ezek 26:2

“Mûndû, andû a Turo nîmaathekerere îtûûra rîa Jerusalemu makiugaga atî, ivingo ciakuo nî munange na ikavingûka. Rîu andû a Turo nîo mekûgîa na ûtonga nîûndû Jerusalemu nînjûkangie.

Ezek 5:5

Ngai-Mûnene augîte atîrî, “Rîîrî nî îtûûra rîa Jerusalemu. Nîrigîte gatagatî ka ndûrîrî na ngatûma rîrigicîrue nî mavûrûri.

Alawi 26:31

Nîngaacûkangia matûûra menyu viû, njûkangie viû kûndû kûrîa mûgoocagîra na ndikaamûkîra magongoona menyu.

Alawi 26:33

Nîngaatûma mûrûe mbaara na nîmûnyaganie mavûrûrirî marîa mengî. Vûrûri wenyu nîûgaatiganîrua, na matûûra menyu matigwe marî momokangu.

Zefania 2:15

Ûguo nîguo gûgekîka kûrî îtûûra rînene rîrîa rîîtîaga nîûndû wa vinya warîo na rîgeciria atî nîrîgitîre. Îtûûra rîu rîciragia atî nîrîo rînene mûno nthî îno. Rîgaatuîka îganjo, varîa nyamû cia kîthaka ikaavurûkaga! Mûndû wa wonthe ûkaavîtûkîrîra vo nîakaavavûka na etigîre.

Kûguû 18:7

Mûve mathîna meengî na kîeva ciîgana ta riiri na ikeno irîa ke eeveere. Ke eeîraga atîrî, ‘Nie nî mûndûmûka mûthamaki! Nie ndirî mûndûmûka wa ndigwa, na ndikethîrwa na kîeva!’