Maariko 9:7 - ÎVUKU RÎA ÛVORO MWARO

⁷ Narîo îtu nîrîacokire rîkîmakunîkîra na kîruru Kîam rîo, na mûgambo ûkiuma îtuurî rîu ûkiugaga atîrî, “Ûyû nîke Mûrû wakwa ûrîa mendete, mûthikîrîrieni!”

Maariko 9:7 ပူးပေါင်းရင်းမြစ်များ

Thaburi 2:7

Mûthamaki arauga atîrî, “Nie ngaanîrîra ûrîa Ngai-Mûnene augîte. Ngai-Mûnene aambîrire atî, ‘Ûmûnthî nîwatuîka mûvîcîwa, nanie nînatuîka aguo.

Thaburi 97:2

Matu na nduma nene nîimûthiûrûrûkîrîtie; athanaga na ûthingu na kîvooto.

Ntha 24:16

Naguo riiri wa Ngai-Mûnene nîwanyûrûrûkire ûgîûka kîrîmarî kîu. Narîo îtu nîrîekarire rîkunîkîrîte kîrîma mîthenya îtandatû. Na mûthenya wa mûgwanja Ngai-Mûnene arî îtuurî rîu nîwetire Musa.

Ntha 40:34

Îtu nîrîacokire rîgîkunîkîra îgema rîa Ngai-Mûnene, naguo riiri wa Ngai-Mûnene ûgîcûra kuo.

Danieli 7:13

“Ûtukû vîndî îrîa naarî na kîoneki kîu, nînoonire mûndû wekariî ta mûriû wa mûndû aûkîte arî matuurî îgûrû, na akîthiî kûrî ûrîa wîthîrîtwe atûûrîte tene na tene, na akîviravirwa vakuvî nake.

Mathaayo 27:43

Ke nîevokete Ngai na augaga atî ke nî Mûriû wa Ngai. Tigani rîu twone kana Ngai nîakûmûtethûra.”

Mathaayo 27:54

Rîrîa mûnene wa athigari îgana na athigari arîa maarî nake marangîrîte Jesû meegwire kîthingithia, na makîona maûndû marîa mengî monthe meekîkire, nîmaamakire na makiuga atîrî, “Na ma mûndû ûyû ararî Mûriû wa Ngai!”

Mathaayo 3:17

Naguo mûgambo nîwaumire îgûrû ûkiugaga atîrî, “Ûyû nîke Mûriû wakwa ûrîa mendete, na nîrîmûkenie mûno nîke.”

Maariko 1:11

Naguo mûgambo nîwaumire îgûrû ûkiuga atîrî, “We nîwe Mûrû wakwa ûrîa mendete, nîrîmûkenie mûno nîwe.”

Maariko 9:6

Petero nîwarigirwe nî ûrîa akuuga nîûndû ke na arutwa acio engî maarî amaku mûno.

Maariko 9:8

Na rîrîa maaroririe wa rîmwe, matiacoka kwona marî na mûndû wîngî tiga Jesû wenga.

Luka 3:22

na Roho Mûtheru akîmûnyûrûrûkîra ekariî ta ndutuura. Naguo mûgambo nîwaumire na îgûrû ûkiugaga atîrî, “We nîwe Mûrû wakwa ûrîa mendete; nie nîngenetue nîwe.”

Johana 1:34

Nie nînona maûndû mama magîkîka na nekîra ûira atî mûndû ûyû nî Mûriû wa Ngai.”

Johana 1:49

Nathanieli nîwacokerie Jesû atîrî, “Mwarimû, we nîwe Mûriû wa Ngai! Nîwe Mûthamaki wa Isiraeli”

Johana 12:28

Vava goocithia rîîtwa rîaku!” Naguo mûgambo nîwacokire ûkiuma îgûrû ûkiuga atîrî, “Nînîrîgoocithîtie na nwa ngûrîgoocithia wa rîngî.”

Johana 19:7

Nao Ayahudi nîmaamûcokerie atîrî, “Watho wetû ugaga atî ke aagîrîrwe nî kûûragwa nîûndû nîwîtuîte Mûriû wa Ngai.”

Johana 20:31

Nwatî ino ciandîkirwe nîguo mwîtîkie atî Jesû nîke Mesaya Mûriû wa Ngai, na atî mwamwîtîkia nîmûkaagîa na mwoyo nîûndû wa rîîtwa rîake.

Johana 5:18

Rîrîa Jesû aaugire ûguo, Ayahudi nîmaagîre na kîîo kîîngî mûno gîa kwenda kûmûûraga. Meendaga gwîka ûguo tî nîûndû atî nîwaunîte watho wîgiî mûthenya wa thavatû, nwatî nîûndû nîwaugîte atî Ngai nî îthe kwoguo akeîganania na Ngai.

Johana 5:37

Wana nginya Vava ûrîa wandûmire nîavecanaga ûira ûmbîgiî. Mue mûtianegua mûgambo wake na mûtianona ûrîa ekariî.

Johana 6:69

Tue nîtwîtîkîtie na tûkamenya atî we nîwe ûrîa Mûtheru kuuma kûrî Ngai.”

Johana 9:35

Rîrîa Jesû eegwire ûrîa kwarîkîtie gwîkîka nîwacaririe mûndû ûcio na amwona akîmûria atîrî, “We nîwîtîkîtie Mûrû wa Mûndû?”

Ciîko 1:9

Nake Jesû arîkia kuga ûguo, nîwavirirwe îgûrû wa mamûroretie na îtu rîkîmûkunîka magîtiga kûmwona.

Ciîko 7:37

Musa ûcio nwake werire andû a Isiraeli atîrî, ‘Ngai nîakaamûtûmîra mûrathi wata ûguo aandûmire, na ke akeethîrwa arî ûmwe wa andû enyu.’

Ciîko 8:36

Na vîndî îrîa maanyûrûrûkîte na njîra îo, nîmaakinyire vandû vaarî na manjî, na mûndû ûcio akîîra Filipu atîrî, “Taroria! Manjî marî ava. Nîndûî kîngîgiria mvatithue?” [

Aroma 1:4

Îgûrû rîgiî roho ûrîa aarî naguo wa ûtheru nîwonanirue na njîra ya vinya mûno atî ke nîke Mûriû wa Ngai nîûndû wa kûriûkua.

Ahib 2:1

Nîûndû wa ûguo, nwanginya tûnyitie waro ûvoro wa ma ûrîa twîguîte nîguo tûtikaume kûrî guo.

2Pet 1:17

Twarî vo rîrîa aaveerwe gîtîîo na riiri nî Ngai Vava rîrîa mûgambo waumire kûrî ûrîa ûrî Riiri Mûnene ûkiuga atîrî, “Ûyû nîke Mûriû wakwa ûrîa mendete mûno, nîrî mûkenie mûno nîke.”

1Joh 5:20

Tue nîtwîcî atî Mûriû wa Ngai nî mûku na atî nîatûmîte tûtaûkîrwe, nîguo tûmenye Ngai Ûrîa wa ma. Ûtûûro wetû ûrî kûrî Ngai ûrîa wa ma na kûrî Mûriû Jesû Kristû. Ûyû nîke Ngai ûrîa wa ma na nwake mwoyo wa tene na tene.

Kûguû 1:7

Taroria, ke nî aûkîte arî matuurî! Andû onthe nîmakaamwona, wana arîa maamûmundire. Andû onthe a nthî nîmakaarîra maugîrîrîtie nîûndû wake. Ûguo nîguo gûgaatuîka. Ameni!