Maariko 9:4 - ÎVUKU RÎA ÛVORO MWARO

⁴ Nao arutwa acio athatû nîmaacokire makîona Elija na Musa makîaranîria na Jesû.

Maariko 9:4 ပူးပေါင်းရင်းမြစ်များ

Mathaayo 11:13

Mbere ya Johana ambîrîria wîra wa kûvunjia, Watho wa Musa na Arathi onthe, nîmaarîtie ûvoro wîgiî Ûthamaki wa Îgûrû.

Maariko 9:3

Nacio nguo ciake nîciacerûvire cûa, ûndû gûtarî mûndû wana ûmwe gûkû nthî ûngîithambia igacerûva ûguo.

Maariko 9:5

Petero nîwerire Jesû atîrî, “Mwarimû, na kaî nî ûndû mwaro atî tûrî ava-î! Tiga tûtume tûnyomba tûthatû: kamwe gaku, kamwe ka Musa na kamwe ka Elija.”

Luka 24:27

Jesû nîwacokire akîmeereithia maûndû marîa mamwîgiî na maarîtue Mandîkorî Matheru, kwambîrîria na mavuku ma Musa nginya marîa maandîkirwe nî arathi onthe.

Luka 24:44

Jesû nîwacokire akîmeera atîrî, “Maûndû mama nwamo nîramwîraga vîndî îrîa nîrethagîrwa nîrî vamwe namue. Maûndû marîa mambîgiî na mandîkîtwe Wathorî wa Musa, mandîkorî ma arathi, wana nginya Thaburirî nwa nginya mavingue.”

Luka 9:19

Nao arutwa nîmaamûcokerie atîrî, “Andû amwe maugaga atî we nîwe Johana Mûvatithania, arîa engî makauga atî we nîwe Elija, nao engî makauga atî we ûrî mûrathi ûmwe wa arîa a tene ûriûkîte.”

Johana 5:39

Mue mûthomaga Mandîko Matheru nîûndû mwîciragia atî mwamathoma nîmûkûgîa na mwoyo wa tene na tene. Mandîko Matheru maragia ûvoro ûmbîgiî.

Kûguû 19:10

Nînegwîthirie nthî mbere yake nîmûgooce, nwatî ke nîwambîrire atîrî, “Tiga gwîka ûguo! Nie ndungatagîra Ngai wa tawe na etîkia arîa engî onthe evokeku. Acio nî arîa marûmagîrîra ûira wa Jesû. Goocani Ngai arî ke!” Nîûndû ûira ûrîa ûguûragwa nî Jesû nîguo ûtûmaga arathi manîrîre ndûmîrîri ya ûkristiano.