Maariko 8:2 - ÎVUKU RÎA ÛVORO MWARO

² “Nie nînîreguîra andû aya ntha, nîûndû mbîthîrîtwe nao mîthenya îthatû, na rîu matirî na kîndû gîa kûrîa.

Maariko 8:2 ပူးပေါင်းရင်းမြစ်များ

1Atha 19:6

Elija nîwaroririe na akîona mûgate wî mûruge ûrî îgûrû rîa makara ma mwaki vakuvî na kîongo gîake. Nîwacokire akîona nyûngû îrî na manjî. Nîwarîre na akînyua, agîcoka akîmama rîngî.

Thaburi 103:13

Taûrîa ciana ciîgucagîrwa ntha nî îthe, nwaguo Ngai-Mûnene egucagîra arîa mamwîtigîrîte ntha.

Thaburi 145:15

Ciûmbe cionthe nîwe ciîvokete, na nîaivecaga gîa kûrîa mavinda marîa magîrîru.

Thaburi 145:8

Ngai-Mûnene nî mûtugi na arî ntha, ndarakaraga na îvenya na nîecûrîtwe nî wendo ûtathiraga.

Mika 7:19

Ngai-Mûnene, twîguîre ntha rîngî, na ûrangîrîrie mavîtia metû rungu rwa makinyo maku, na ûmaikie îriarî kûrîa kûrikîru mûno.

Mathaayo 14:14

Rîrîa Jesû aakinyire rûtererî rwa îria, nîwonire kîrîndî kînene na akîringwa nî ntha nîûndû wakîo na akîvonia arîa maarî arwaru.

Mathaayo 20:34

Nake Jesû nîwamegwîrîre ntha na akîvutia metho mao, na wa rîmwe atumumu acio nîmaavotire kwona na makîmûrûmîrîra.

Mathaayo 9:36

Na rîrîa Jesû oonire kîrîndî nîwakîguîrîre ntha, nîûndû kîonekaga gîtangîkîte na kîthînîkîte ta ng'ondu itarî na mûrîthi.

Maariko 1:41

Nake Jesû nîwaringirwe nî ntha, agîtambûrûkia njara, akîmûvutia na akîmwîra atîrî, “Nie nîngwenda, Ûrothera!”

Maariko 5:19

Nwatî Jesû nîwaregire na akîmwîra atîrî, “Înûka mûciî kûrî andû enyu ûkameere maûndû marîa Mwathani agwîkîrîte, wana ûrîa akwîguîrîrîte ntha.”

Maariko 6:32

Nao nîmaatwîre îtarûrî marî onga, na makîthiî vandû vataarî na andû.

Maariko 6:34

Rîrîa Jesû aaumire îtarûrî, nîwonire kîrîndî kîîngî na akîringwa nî ntha nîûndû gîekarîte ta ng'ondu itarî na mûrîthi. Kwoguo nîwambîrîrie kûmathomithia maûndû meengî.

Maariko 8:3

Na nîngîmarekereria menûke mavûtiî nwa magirîkîre njîrarî, nîûndû amwe ao maumîte kûndû kûraca.”

Maariko 9:22

Mavinda meengî ngoma îo nîyageragia gûkaûraga na njîra ya gûgaikia mwakirî, na manjîrî. Nwatî angîthîrwa nwa ûvote, twîguîre ntha na ûtûtethie.”

Luka 15:20

Kwoguo mwanake ûcio nîwaumire kûu na agîcoka kûrî îthe. “Na rîrîa mwanake ûcio aarî varaca na mûciî, îthe nîwamwonire na akîringwa nî ntha, agîcoka akîvinyûra, akîmûkumbatîria na akîmûmumunya.

Luka 7:13

Vîndî îrîa Mwathani oonire mûndûmûka ûcio, nîwamwîguîrîre ntha na akîmwîra atîrî, “Tiga kûrîra.”

Ahib 2:17

Ûguo nî kuga atî nwanginya angîatuîkire ta aa mûrwang'ina na aa mwarwang'ina na njîra wa yonthe nîguo atuîke Mûthînjîri-Ngai ûrîa mûnene, mwîvokeku na ûrî ntha wîrarî wa Ngai nîguo atûme andû moverwe mevia mao.

Ahib 4:15

Mûthînjîri-Ngai mûnene ûcio wetû ndangîrega gûtwîguîra ntha nîûndû tûtirî vinya. Rîrîa atûûraga gûkû nthî nîwageragua na njîra wa cionthe irîa tûgeragua nacio, nwatî ke ndevia.

Ahib 5:2

Na nîûndû ke ethagîrwa atarî na vinya maûndûrî mengî, nîavotaga gûkirîrîria andû arîa matarî na ûmenyo na arîa mavîtagia.