Maariko 6:6 - ÎVUKU RÎA ÛVORO MWARO

⁶ Nake nîwamakire mûno nîûndû andû matiarî na wîtîkio. Nake nîwathiîre icagirî irîa ciarî vakuvî na Nazarethi akîthomithagia andû.

Maariko 6:6 ပူးပေါင်းရင်းမြစ်များ

Isaia 59:16

Ke nîwonire atî gûtiarî na mûndû ûngîtethia arîa akinyîrîrie. Kwoguo ke nîatûmîra vinya wake amavonokie na amave ûvootani.

Jeremia 2:11

Kûrî vûrûri wanakûranania ngai ciao na ciîngî, wana ethîrwa ngai icio tî cia ma? Nwatî andû akwa nîmandiganîrîtie nie Ngai ûrîa ûrî riiri, makegîra na ngai itangîmatethia.

Mathaayo 4:23

Nake Jesû nîwathiîre kûndû kuonthe vûrûrirî wa Galili, akîthomithanagîria mavoerorî, akîvunjagia Ûvoro Mwaro wîgiî Ûthamaki wa Ngai, na akîvonagia andû arîa maarwarîte mîrimû ya mîthemba yonthe, wana arîa maarî na wonje wa mîthemba yonthe.

Mathaayo 8:10

Na rîrîa Jesû eegwire ûguo, nîwamakire na akîra andû arîa maamûrûmîrîrîte atîrî, “Nîramwîra na ma atî, nie ndianona mûndû wîna wîtîkio ta ûyû gûkû Isiraeli.

Mathaayo 9:35

Nake Jesû nîwathiîre matûûrarî monthe na icagirî cionthe. Ke nîwathomithagia arî mavoerorî, akîvunjagia Ûvoro Mwaro wîgiî Ûthamaki wa Ngai, na akîvonia andû arîa maarî na mîrimû na wonje wa mîthemba yonthe.

Maariko 1:39

Nake Jesû nîwathiîre Galili kuonthe akîvunjagîria andû mavoerorî na akîrutûrûraga ndaimono kuuma kûrî andû.

Maariko 10:1

Jesû nîwaumire kûu Kaperinaumu, akîthiî vûrûrirî wa Judea, na akîringa mûringo ûcio wîngî wa rûnjî rwa Jorodani. Nakîo kîrîndî nîkîamûrigicîrie rîngî, na agîkîthomithia wata ûrîa aamenyerete.

Luka 13:22

Jesû nîwavîtûkîrîre icagirî na matûûrarî akîthomithagia andû vîndî îrîa aathiîte îtûûrarî rîa Jerusalemu.

Luka 4:31

Jesû nîwacokire akîthiî Kaperinaumu, îtûûrarî rîrîa rîarî vûrûrirî wa Galili. Nake nîwathomithirie andû arî îvoerorî mûthenya wa thavatû.

Luka 4:44

Kwoguo Jesû nîwavunjirie ûvoro ûyû mavoerorî vûrûri wonthe wa Judea.

Johana 9:30

Nake mûndû ûcio nîwamacokerie atîrî, “Na kaî nîmûramakia-î! Mue mûtiîcî kûrîa aumîte nwatî ke nîke ûramvonirie metho!

Ciîko 10:38

Mue nîmwîcî ûvoro wîgiî Jesû Mûnazarethi. Ngai Nîwamûvere Roho Mûtheru na akîmûva vinya. Jesû nîwathiîcaga kûndû kuonthe agîkaga waro na akîvonagia arîa onthe maanyitîtwe nî Ngoma. Jesû eekaga ûguo nîûndû Ngai aarî vamwe nake.