Maariko 6:3 - ÎVUKU RÎA ÛVORO MWARO

³ Na kinthî ûyû tî mûvundi ûrîa wa mbaû, mûvîcî wa Mariamu, na nwake mûrwang'ina na Jakuvu, Josefu, Judasi na Simoni? Na kinthî wana aa mwarwang'ina matitûûraga gûkû vamwe natue.” Na kwoguo nîmaamûregire.

Maariko 6:3 ပူးပေါင်းရင်းမြစ်များ

Isaia 49:7

Ngai-Mûnene mûkûri wa Isiraeli na ûrîa Mûtheru wake, arera ûrîa ûnyararîtwe mûno, ûrîa ûmenetwe nî andû a mavûrûri na nî ndungata ya athamaki atîrî, “Athamaki nîmagaakwona na marûngame magûtîîe; anene wanao nîmakenamîrîria mothiû mao magûtîîe.” Mageeka ûguo nîûndû wa ûrîa nie Ngai-Mûnene nîrî mwîvokeku, Ûrîa Mûtheru wa Isiraeli, nîke ûkûthuurîte.

Mathaayo 11:6

Kûrathimwa nî andû arîa matagîcaga na nganja nîûndû wakwa!”

Mathaayo 12:46

Kavinda wa kau Jesû wa akîaragîria andû, ng'ina na arîa maaciaranîrîtue nake nî maakinyire. Nao nîmaarûngamire vau nja makîenda kwaria nake. [

Maariko 15:40

Na vau vaarî na aka meeroragîria marî varaca. Gatagatîrî kao kwarî na Mariamu Mûmagidali, Salome na Mariamu ng'ina wa Josefu na Jakuvu ûrîa mûnini.

Maariko 3:18

Enderea, Filipu, Batholomayo, Mathaayo, Toma, Jakuvu mûrû wa Alufayo, Thadayo, Simoni Mûzeloti

Luka 2:34

Simioni nîwamarathimire, agîcoka akîîra Mariamu ng'ina wa Jesû atîrî, “Ngai athuurîte mwana ûyû nîguo acûkangie na avonokie andû eengî arîa marî vûrûrirî wa Isiraeli. Mwana ûyû akeethîrwa arî kîmenyithia kîrîa andû eengî makaaria maûndû macûku make,

Luka 7:23

Mûndû ûrîa mûrathime nî ûrîa ûtethagîrwa arî na nganja maûndûrî monthe marîa mambîgiî!”

Luka 8:20

Nake mûndû ûmwe nîwerire Jesû atîrî, “Nyûkwe na arîa mûciaranîrîtue nao marûngamîte vaarîa nja makîenda gûkwona.”

Johana 14:22

Nake Judasi (nwatî tî Judasi Mûsikariota) nîwaûririe Jesû atîrî, “Mwathani, kûngîvoteka atîa ûkeyonithanagia kûrî tue na tî kûrî andû a gûkû nthî?”

Johana 6:42

Nao nîmaaugaga atîrî, “Na ma ûyû nî Jesû mûvîcî wa Josefu. Tue nîtwîcî îthe wana ng'ina. Rîu ke arauga aumîte îgûrû nîkî?”

Ciîko 1:13

Rîrîa maatonyire îtûûrarî rîu nîmaacokire makîthiî kanyombarî ka îgûrû kûrîa meekaraga. Nao maarî Petero, Johana, Jakuvu na Enderea, Filipu, Toma, Batholomayo, Mathaayo, Jakuvu mûrû wa Alufayo, Simoni ûrîa wetagwa Zelote, na Judasi mûrû wa Jakuvu.

Ciîko 12:17

Petero nîwamaveenerie na njara yake akîmeera makire. Nake nîwamataarîrie ûrîa Mwathani aamûrutire njeera na akîmeera atîrî, “Îrani Jakuvu na etîkia arîa engî ûrîa kûrekîkire.” Nîwacokire akiuma kûu na akîthiî kûndû kwîngî.

1Akor 1:23

Nwatî tue tûvunjagia ûvoro wîgiî Kristû ûrîa mwambe. Ayahudi monaga ûvoro ûcio ûrî mûvînga, nao andû a Ndûrîrî makawona ûrî ûrimû.

1Akor 9:4

Anga tue tûtirî na kîvooto gîa kwîthîrwa tûkîrîa na tûkînyua nîûndû wa wîra ûrîa tûrutaga?

Agal 1:19

Nie ndiona atûmwa acio engî onthe tiga Jakuvu, ûrîa mûrwang'ina na Jesû.

1Pet 2:4

Ûkani kûrî Mwathani na nîke Îthiga rîrî mwoyo rîrîa rîaregirwe nî andû nwatî nîrîathuurirwe nî Ngai na nî rîa goro.

Juda 1:1

Kuuma kûrî nie Juda, ndungata ya Jesû Kristû, na nwa nie mûrwang'ina na Jakuvu. Kûrî andû arîa metîtwe nî Ngai na arîa matwîre mendetwe nî Ngai Vava na mûkamenyererwa nî Jesû Kristû.