Maariko 4:8 - ÎVUKU RÎA ÛVORO MWARO

⁸ Mbeû ciîngî nacio nîciagwîre mûtheturî ûrîa warî mûnoru, ikîmera ikîneneva na igîciara mûno; imwe nîciaciarire maita mîrongo îthatû, ciîngî maita mîrongo îtandatû na ciîngî maita îgana.”

Maariko 4:8 ပူးပေါင်းရင်းမြစ်များ

Kîam 26:12

Mwaka ûcio Isaka nîwavandire mbeû mûgûndarî ûcio, na nîwakethire maita îgana rîa mbeû îrîa aavandîte, nîûndû Ngai-Mûnene nîwamûrathimîte.

Isaia 58:1

Ngai-Mûnene arauga atîrî, “Anîrîra na vinya waku wonthe wata ûrîa ûngîvota! Menyithia nyomba ya Jakovu, andû akwa mevia mao!

Jeremia 23:29

Ngai-Mûnene arauga atî, kiugo gîakwa nîta mwaki; nîta nyondo îrîa yatûranagia mathiga magatuîka icunjî.

Mathaayo 13:23

Nacio mbeû irîa ciagwîre mûtheturî ûrîa warî mûnoru, ivananîtue na andû arîa megucaga ndûmîrîri îo na magataûkîrwa nîyo. Kûrî andû amwe nîiciaraga maita îgana rîmwe, kûrî engî maita mîrongo îtandatû na kûrî engî maita mîrongo îthatû.”

Mathaayo 13:8

Nwatî mbeû ciîngî nîciagwîre mûtheturî ûrîa warî mûnoru na igîciara mûno; imwe nîciaciarire maita îgana, ciîngî igîciara maita mîrongo îtandatû, na ciîngî igîciara maita mîrongo îthatû.”

Maariko 4:20

Andû engî nao mekariî ta mbeû irîa ciagwîre mûtheturî ûrîa warî mûnoru. Aya nao nî arîa megucaga ndûmîrîri ya Ngai, makamîtîkîra na îkagîa na maciaro. Kûrî andû amwe ndûmîrîri îo nîîciaraga maita mîrongo îthatû, kûrî engî maita mîrongo îtandatû, na kûrî engî maita îgana.”

Maariko 4:7

Nacio mbeû ciîngî nîciagwîre mûtheturî ûrîa warî na mbîtîkîra ya mvîndî cia mîgua. Nayo mîgua îo yakûra, nîyaithararirie na ikîrega gûciara.

Maariko 4:9

Nake Jesû akîrîkîrîria nîwamerire atîrî, “Ûrîa wîna matû ma kwîgua, nîegue.”

Luka 8:15

Nacio mbeû irîa ciagwîre mûtheturî ûrîa warî mûnoru, nî andû arîa megucaga ndûmîrîri ya Ngai na makamiga marî na ngoro mbaro na mbathîki, na magakirîrîria nginyagia rîrîa makaagîa maciaro.”

Luka 8:8

Nacio mbeû ciîngî nîciagwîre mûtheturî ûrîa warî mûnoru; na mîmera yakûra nîyaciarire, wa mûmera ûgîciara maita îgana.” Nake Jesû akîrîkîrîria nîwaugire na mûgambo mûnene atîrî, “Mûndû ûrîa wîna matû ma kwîgua, nîegue!”

Johana 15:5

“Nie nî nie Mûthavibu, namue nîmue mvûa. Mûndû wa wonthe wîkaraga ndaarî yakwa, nanie ngekara ndaarî yake, nîagîcaga maciaro meengî; nîûndû mûtarî vamwe na nie gûtirî ûndû mûngîvota gwîka.

Johana 7:17

Mûndû wa wonthe wendaga kûvingia wendi wa Ngai nîamenyaga kana maûndû marîa nthomithanagia maumîte kûrî Ngai, kana mbaaragia na wathani wakwa.

Ciîko 17:11

Ayahudi arîa maarî Berea nîmeendaga kûmenya maûndû gûkîra arîa maarî Thesalonike. Nao nîmaathikîrîrie ndûmîrîri îo marî na wendi mwîngî, na wa mûthenya wa mûthenya nîmaatuîragia Mandîkorî Matheru nîguo mone kana maûndû marîa Paûlo aaragia maarî ma ma.

Aefeso 2:21

Ke nîke ûtûmaga nyomba îo yonthe îgwatane vamwe na îneneve îtuîke hekarû ntheru îtegeretwe Mwathani.

Afil 1:11

Nayo mîtûûrîre yenyu îkeethagîrwa îcûrîtwe nî maûndû maro marîa maumanaga na ûthingu ûrîa ûvecanagwa nî Jesû Kristû tu nîûndû wa riiri na ngumo ya Ngai.

Akol 1:6

Ûvoro mwaro wîkaraga ûkîgîcaga na maciaro na nîûvunjagua nthî yonthe. Ûndû ûyû nîmûtuîkîku wana nginya gatagatîrî kenyu, nîûndû kuuma mûthenya ûrîa mwambîrîrie kwîgua ûvoro mwaro, nîmwambîrîrie gûtaûkîrwa nî ûma wîgiî wega wa Ngai.