Maariko 4:5 - ÎVUKU RÎA ÛVORO MWARO

⁵ Ciîngî nacio nîciagwîre rûciararî kûrîa ciamerangire nîûndû gûtiarî na mûthetu mwîngî.

Maariko 4:5 ပူးပေါင်းရင်းမြစ်များ

Ezek 11:19

Nîngaamûva ngoro njerû na roho mûcerû. Nîngaamûthengutîria ngoro îrîa nyûmû ta îthiga na nîmûve ngoro mbathîki.

Ezek 36:26

Nîngaamûva ngoro njerû na mbîkîre mwoyo mûcerû ndarî yenyu. Nîngaaruta ndarî yenyu ngoro îrîa nyûmû ta îthiga na njoke mbîkîre ngoro mbathîki.

Hosea 10:12

Îvandîreni ûthingu, namue nîmûgaaketha wendo; Rîmani mîgûnda îrîa yatigirwe, nîûndû kavinda ga kûnjaria nie Ngai mûnene nîgakinyu, nanie nîngaamurîria kîrathimo ta mbura.

Amosi 6:12

Mbarathi nîivinyûragîra mathigarî? Andû nîmarîmaga îriarî na ndegwa? Nwatî mûgarûrîte kîvooto gîgatuîka ûrogi, na ûthingu ûgatuîka ûrûrû.

Mathaayo 13:20

Nacio mbeû irîa ciagwîre rûciararî ivananîtue na andû arîa megucaga ndûmîrîri îo na makamîamûkîra wa rîmwe macanjamûkîte,

Maariko 4:4

Na rîrîa aaiminjaga, imwe nîciagwîre gacîrarî, nacio iconi igîûka ikîirîa.

Maariko 4:6

Na rîrîa riûa rîarire, nîrîavîvirie mîmera îo, nayo îkîûma narua nîûndû îtiarî na mîri mîrikîru.

Luka 8:13

Nacio mbeû irîa ciagwîre rûciararî, nî andû arîa megucaga ndûmîrîri ya Ngai na makamîamûkîra makenete, nwatî makaremwa kûmîkindîria ngororî ciao, nîûndû metîkagia wa kavinda kanini na vîndî îrîa maumîrîrwa nî magerio makagwa.

Luka 8:6

Ciîngî nacio nîciagwîre rûciararî, na vîndî îrîa ciamerire nîciaûmire nîûndû mûthetu ûrîa warî varîa ciagwîre warî mûng'aru.