Maariko 4:34 - ÎVUKU RÎA ÛVORO MWARO

³⁴ Na ndangîarîrie kîrîndî na njîra îngî tiga ya ngerekano. Nwatî rîrîa ethagîrwa arî vakuvî na arutwa ake onga, nîwamataaragîria maûndû monthe.

Maariko 4:34 ပူးပေါင်းရင်းမြစ်များ

Mathaayo 13:34

Jesû nîwerire kîrîndî maûndû mama monthe agîtûmagîra ngerekano. Gûtirî ûndû ke aaugaga atagûtûmîra ngerekano.

Maariko 4:10

Jesû athengutîra kîrîndî, arutwa ake arîa îkûmi na aîrî, vamwe na andû amwe a arîa maamûrigicîrîtie nîmaamûthaithire amataarîrie ngerekano îo.

Maariko 4:33

Jesû nîwavunjîrie kîrîndî na ngerekano ciîngî nyîngî ta ino kûringana na ûrîa mangîavotire kwîgua.

Luka 24:27

Jesû nîwacokire akîmeereithia maûndû marîa mamwîgiî na maarîtue Mandîkorî Matheru, kwambîrîria na mavuku ma Musa nginya marîa maandîkirwe nî arathi onthe.

Johana 10:6

Jesû nîwamavere ngerekano îno, nwatî matiataûkîrwa nî ûrîa eendaga kuga.

Johana 16:25

“Namwîra maûndû mama monthe na ngerekano. Nwatî kavinda nîgagaakinya rîrîa ndakaamwîra maûndû na ngerekano, nwatî ngaamwîra cararûkû ûvoro wîgiî Vava.

Ciîko 28:23

Kwoguo Paûlo na atongoria acio a Ayahudi nîmaathuurire mûthenya wa gûcemania. Na rîrîa mûthenya ûcio wakinyire, andû eengî mûno a Kîyahudi nîmaathiîre kûrîa Paûlo eekaraga. Nake Paûlo nîwamaarîrie kuuma kîraûko nginya ûtukû. Ke nîwatûmîre Watho wa Musa na mandîko ma arathi akîmataarîria ûvoro wîgiî Ûthamaki wa Ngai. Nîwageririe kûmonithia metîkie ûvoro wîgiî Jesû.