Maariko 4:16 - ÎVUKU RÎA ÛVORO MWARO

¹⁶ Engî nao mekariî ta mbeû irîa ciagwîre rûciararî. Aya nao nî arîa maregua ndûmîrîri ya Ngai, mamîamûkagîra wa rîmwe makenete

Maariko 4:16 ပူးပေါင်းရင်းမြစ်များ

Mathaayo 13:5

Ciîngî nîciagwîre rûciararî kûrîa kwarî na mûthetu mûnini. Nacio nîciamerangire narua nîûndû mûthetu ndwarî mûrikîru.

Maariko 4:15

Andû amwe arîa megucaga ndûmîrîri ya Ngai mekariî ta mbeû irîa ciagwîre gacîrarî, nîûndû mararîkia kwîgua ndûmîrîri îo, Caitani nîaûkaga, na akamîthengutia.

Maariko 4:17

nwatî makaremwa nî kûmîkindîria. Nao maambîrîrie kûthînua na kûnyamarua nîûndû wa ndûmîrîri îo, nîmaremagwa nî kûmîrîria na makamîtiganîria wa rîmwe.

Maariko 6:20

nîûndû Herode arîkia kûmenya atî Johana aarî mûndû mûthingu na mûtheru, nîwamwîtigîre, na kwoguo akîmûgitîra. Nake Herode nîwendaga kûthikîrîria Johana wana ethîrwa nîwathînîkaga mûno ngororî yake amwîgua.

Luka 8:13

Nacio mbeû irîa ciagwîre rûciararî, nî andû arîa megucaga ndûmîrîri ya Ngai na makamîamûkîra makenete, nwatî makaremwa kûmîkindîria ngororî ciao, nîûndû metîkagia wa kavinda kanini na vîndî îrîa maumîrîrwa nî magerio makagwa.

Johana 5:35

Johana aakengaga ta taa yakanîte, namue nîmwendire gûkenerera ûtheri ûcio wake kavinda kanini.

Ciîko 26:28

Nake Angiripa nîwerire Paûlo atîrî, “We ûreciria nîûkûndua Mûkristiano na kavinda gakuvî ûguo?”

Ciîko 8:13

Simoni wanake nîwetîkirie. Nake arîkia kûvatithua nîwaumire Filipu vuva na akîmaka mûno vîndî îrîa oonire maûndû ma magegania na ciama irîa Filipu aaringaga.